الفحص الداخلي

شلونكم يابنات بغيت اسألكم هل الفحص الداخلي يعجل الولاده

وسلامتكم

لا ماله علاقة بتعجيل الولادة كلش والله الحافظ

اذا الدكتورة فحصت وسوت توسعة ممكن تساعدج على الولادة بس اذا فحصت من غير توسعة مو شرط ممكن تطولين اسبوع لمل تولدين وحسب عنق الرحم اذا كان مفتوح او لا

مشكورين على ردودكم بس بس وايد قالوا لي إللي تبي تولد تسوي فحص داخلي فإذا يعجل ودي اسوي

انا سو لي فحص داخلي وما عجل ولا شي وقاعده انطر الفرج

حبيبتي ملاك هديه اشكثر صار لج من سويتي الفحص ومشيتي بعده ولا لأ لأن إذا سويتي الفحص امشي علشان ينزل البيبي

الزينه والله انتي شكلج نفسي انا خايفة يفحصني و اولد الصراحة الاسبوع اللي طاف انحشت عن الدكتور و عندي موعد هالاسبوع وهو متحلف فيني يقول لازم افحصج …..

ملاك هدية ….. مو انتي اللي مالقيتي سرير بالعدان اشصار عليج ياقلبي قلبج؟؟؟؟؟؟ من صجهم هذوووووول

التوسعه إهي إللي تعجل الولاده
مو الفحص

انا دكتورتي سويتلي توسعه ولا اثر ولاجنه مسويه شي بس عوار والرحم متسكر عالاخير

انه كنت عند دكتورتي الساعه 8:30 الصبح وسوت لي الفحص الي خلتني اخب المستشفى كله من الصريخ وهي تقول انها ما وسعت بس حركتها كانها شلختني مو بس وسعت وتقول انه الرحم صاك وحطت لي جهاز عشان تشوف اذا في طلق او لا وطلع ما في شي وقالت لي بعد اسبوع اذا ما ولدتي تعالي بحط لج طلق صناعي وبنولدج

الموووووووهم
الساعه 10:30 الصبح من نفس اليوم بدا معاي الطلق وولد يوم ثاني

حبيبتي fanda يعني الفحص عجلج بالولاده

انا اقوول نطرتي الاشهر هذي كلهاا مو قادره تنطرين جم يوووم والله يسهل عليج يا رب :>

الله يسهل عليك وتقومين بالسلامه

أبي أولد ألحين علشان بتفرغ حق بنتي لاداومت بالمدرسه ماأبي أولد حده حده إداوم وآنا توني والده.

اختي بعد ما ولدت ويات فحصتني الدكتوره قالت لي انه بسبب الفحص ياني الطلق على قولتها انها سوت تحفيز للطلق
بس مو كل الحالات يصير جذي رفيجتي بالدوام كانت حامل معاي ولا فاد بيها شي غير الطلق الصناعي