سؤالين واحد مهم والثاني أهم

السلام عليكم
شلون اسوي شريط حمل؟؟؟

السؤال الثاني

بنات انا حامل وما اتغذى عدل ،، سؤالي سمعت ان عدم التغذيه تضر الام واسنانها واعضامها بعد الولادة بس انا جذي من قبل ماحب الفواكة ولما حملت كرهتها اكثر احس تسويلي حموضة

فشنو تنصحوني؟؟؟

وسلامتكم

بالنسبه لشريط الحمل انشاءالله البنات يفيدونج
اما السؤال الثاني موشرط الفواكه اكلي البروتينات الكالسيوم في الحليب والاجبان مهم علشان عظامج وعشان البيبي و عندج الفيتامينات في اللحوم والدجاج .والخضار مهمه بعد والسلطات حلوه ومفيده
والله يهون عليج ويقومج بالسلامه انتي والبيبي وتفرحين بشوفته

السلام عليكم ورحمة الله وبركاته

الله يهون عليج حبيبتي
و مثل ما قالت لج اختنا مظلومه,, حاولي انج تعوضين باشياء ثانيه
بس هم حاولي انج تاكلين فواكه ,,سوي لج سلطه الفواكه و شوي شوي على عمرج او تاكلينه مع البرد والله يا حلوه او اشتري صمدي عجيييب
و ربي يسهلها عليج ان شاء الله

هلا حبووبة انا مستعدة اسويلج ريط الحمل بس عطيني موعد الولادة المتووقع

حبيبتي دام انج ما تتغذين عدل عيل اخذي فيتامينات وكالسيوم على الأقل يعوضونج عن الأكل حبيبتي .. وانشالله ربي يسهل عليج حبوبه

مشكوووووووووووورين بنات عالردود الله يجزاكم خير

منورة كويتية ان شاء الله باذن الله موعد الولادة المتوقع 30 /4

والله يعطيج العافية انتي وكل البنات الي في المنتدى

بس ياليتج تحطين الشريط بنك سبحان الله ^ الحمدلله لان انا اهي سبحان الله ^الحمدلله بس قاعدة عند ورد وردي المالقة

انا ما اكل فاكهة بس تقدرين تعوضين باشياء ثانية

مشكوووووووووووورة منورة بس شلون احطة عند توقيعي خبرج قشيمة

نسخي هالعنوان
https://tickers.baby-gaga.com/p/dev119br___.png

روحي حق لوحة التحكم الخاصه فيج

راح تلقين قائمة على يمينج اختاري تعديل التوقيع

عقب ظغطي على ايقونه الصورة (المربع الصغير الي داخله مثلثين) ولصقي الرابط وحطي اوكي
وبعدين اعتمدي التوقيع وراح يثبت ان شاء الله

مشكووووووووووووووووووووورة منورة ماشاء الله شرحج بسيط وواضح ومختصر ………… الله يسهل عليج ويرزقج طفل سليم معافى لا في خلقه زيادة ولا نقصان ويجعلة من الصالحين المؤمنين البارين بوالديهم اللهم اميييييييييييين ولي ولكل البنات يارب نفس هالدعاء

ياعمري انتي دعائج هذا عندي بالدنيا واللهم امين لي ولج ولكل المسلمات يارب

السلام عليكم

بنات انا عندي كذا سؤال

السؤال الاول/ انا من حملت ينزل علي دم خفيف ويسوون لي سونار ويقولون ماكوشي بس اخذي مثبتات وظليت جذي ،،امس واليوم نزل علي دم اكثر من قبل ولونة مخلوط الاحمر مع الاسود فخفت في احد منكم صارت له هالحاله ؟؟؟ رحت الطبيب ماكو سونار بليل وخفت يفحصوني من تحت عشان يشوفون عنق الرحم مفتوح والا لا……………الله يكتب الخير الله سبحانة الشافي المعافي …….لكن سؤالي احد صار في جذي؟؟؟ وشسوت؟ وولدت بالسلامة وكان كل شي طبيعي ؟

السؤال الثاني
انا اراجع بالمواساة رحت اليوم للطوارئ مسسسسسسسسسسسخرة ماكو الا سستر وقالوا ماكو سونار اوكي رضينا ابي دكتورة تشوفني خصوصا ان الحالة تستدعي الدم قلت لهم كان خفيف وزاد لو خفيف عادي (كنت رايحة والدم خفيف وفي دكتورة شافتني ) بس هالمرة غيييييييير ورجعولي فلوسي قالوا تعالي باااااجر @@ شنو هذا؟ والدكتورة كلمتني بالتلفون حتى مالها خلق تيي هذي اعتقد انها كانت موجودة بالمستشفى ومو شادية ولا لينا لا وحدة غير ليش ماكلفت على روحها تيي؟؟؟ قلت لها حالتي بالتلفون !!!! العادة الدكاترة يشوفون عنق الر حم مفتوح او لا هذي ماكلفت نفسها ؟ رحت الحكومة دشيت على دكتور واهو الي طلب يكشف على عنق الرحم بس انا رفضت لاني خايفة ولاني استاحش من الريايل

فشرايكم بمستشفى المواساه من ناحية طوارئهم؟؟؟؟؟

والسؤال الاخير : انتوا تاخذون فوليك بالشهر الرابع؟؟ والا خلاص ماله لزمة لان الدكتور بالحكومة قال خلاص ماله لزمة اخذي شي ثاني كتبة لي

فشنو وضعكم مع الفوليك

وسلامتكم وتعيشون

أولا سلامات إن شاء الله …

ثانيـــا ( نزول الدم يدل على أكثر من شئ ..ممكن دم خارج الرحم وممكــــن إنج شايله شئ ثقيـــل أو لاقدر الله بداية إجهاض …

أنا مابي أخرعج كان ينزل على دم وسويت سونار وقالولي مافيج شي والدم زاد وبطني ذبحتني من العوار وسويت ثاني مرة سونار وقالولي إجهــاض..

أما رفيجتي كان ينزل عليها دم من أول شهر إلى الثالث وخذت مثبتات والحمدلله ولدت بالسلامه وهم مرت إخوي نزل عليها دم وخذت مثبت والحين بالسادس…

أما فوليك أسيد بس الثلاث شهور الأولي فقــــط…

والسونار 24 ساعه بمستشفى الهادي .. بس لاتسوين داخلي…

والله يثبته لج ويرزقج الذريه الصالحــه بس أهم شئ إلتزمي الراحه التامــــه