|
|
السلام عليكم ورحمة الله وبركاته
حبيت يا خواتي من يفيدني بعملية الربط
لاني بصراحة تعبت من تجاربي الفاشلة مع وسائل منع الحمل
جربت الحبوب ميكروجينين 30 اول ما تزوجت بعد ابني الاول وصرت مجنونه وعصبية للغاية
جربت جينيرا ومشى حالها معاي بس سمعت عن حبوب ياسمين وياريتني ما جربتها زاد وزني عليها 10 كليو اذا مو اكثر وانتفخت وواصلت قلت يمكن روتين حياتي يخليني امتن ولا حتى فكرت في الحبوب انها تكون السبب المهم بعد سنه تقريبا بديت احس بالم في رجلي بوجع في بطة الرجل نفس المكان ولما سئلت قالوا لي ترا بعض حبوب منع الحمل تسبب تجلط في اوردة الدم للرجل اهني خفت وقررت اني اوقفها وحزتها صديقتي قالت لي انا توني مركبه اللولب الهرموني واهو وايد يمدحونه قلت يالله اجربه بلا حبوب وتجلط وخيبه المهم رحت للدكتوره ليلى ابو الليل في انترناشينوال كلينك وايد امدحوها لي المهم ركبته وهذي كانت اول مره اركب لولب بحياتي (انا صار لي متزوجه 19 سنة وعندي 3 اطفال والحمدلله مكتفيه فيهم لاني راح انجن اذا جبت طفل جديد لان اعصابي نهائيا ما تتحمل شغل وتربية طفل جديد) المهم اول شهر مافي دورة طبيعية مجرد نقط من الدم ثاني شهر الى يمكن الشهر العاشر او اكثر من ركبته مافي دورة وزاد وزني يمكن 15 كيلو الى درجة اني كرهت شكلي ولا حتى صرت اشتهي اشوف نفسي بالمرايه وحسيت ان رجلي ورمت ووجهي ورم وصدري ورم وبطني الله لا يوريكم جني حامل بالشهر الرابع ولما رحت للدكتوره قالت لي عادي اصلا هذا التكنيك للولب الهرموني ولا تحاتين بس والله ان نفسيتي صارت صفر وعلى اعصابي والادهى والامر الآلام اللي صرت احس فيها بمفاصلي جنه احد مقطعهم بالسكين الم بحياتي ما جربته والقدم انتفخت علي وبالذات الصبح ما اقدر امشي عليها فقلت لا اكيد الموضوع فيه انه المهم جتني البنت اللي انصحتني فيه وقالت لي تراه مو شيئ انا وايد تأذيت منه واهي صار لها سنه من حطته وقررت بعدها انها تشيله المهم نطرت انا رمضان يخلص ورحت اشيله وطبعا الدكتورة تدرون شنو قالت لي والله ان النسوان ناقصين عقل ودين يعني ما في دورة المفروض ترتاحين وتستانسين فقلت لها رب العالمين ماينزل الدورة على المره بدون سبب اكيد لمصلحتها وبعدين هالآلام والانتفاج والتورم شيئ عاااااااااااااااااااادي مستحيل وحاولت معاي لكني اصريت وشلته واتصدقون اني رحت لطبيبه عاديه قبل لا اشيله تدرون انها سوت لي فحص وقالت لي شوفي شنو داخل رحمك والا تطلع لي مسحه من داخل الرحم دم اسود واهي اللي انصحتني اني اشيله ولما شلته قالت لي تدرين اني ما بغيت اخرعج لكن انا جتني حاله مثلج وحولتها للجراحه لانه الدم تجلط برحمها وصار ورم وكان لا بد من عملية جراحية لازالته
المهم بعد ما شلته ظليت تقريبا 3 اشهر وما نزلت الدورة طبعا صرت عصبية كل على بالي حامل وعملت تحليل 3 مرات وكله سلبي بس مت من الاعصاب وعالجتني الطبيبه العاديه والله يجزيها كل خير تخيلوا اهي ممارس عام يعني مو دكتورة امراض نسا بس ممتازه من كل النواحي والله اني بعد العلاج لمدة 10 ايام نزلت
قلت خلاص مابدهاش رجعت مره ثانية للحبوب وخذيت هالمره منيوليت مدحتها زوجة اخوي وايد والله لا يوريكم اول شيئ حاشني اكتئاب موطبيعي ابي بس ابكي وماني طايقه نفسي وبس معصبه وماابي اقعد مع احد وثاني شيئ بديت احس مره ثانية بالالم في رجلي وبطني انتفخ ورجعت الام المفاصل وحسيت براسي ثقيل وقالوا لي يمكن يكون ارتفاع في ضغط الدم وحسيت بثقل بسمعي والم في صدري وضيق بالتنفس والم في عيوني انتوا متخيلين معاي في مجرد 10 ايام يصير هذا معاي بس مافكرت بالحبوب لكن يوم قريت الورقة اللي تجي مع الحبوب والا قي كل الاعراض اللي فيني مت من الخوف لكن للاسف ماني قادره اهدها لاني باذن الله رايحه العمرة واخاف تنزل علي واتخرب علي عمرتي
فقلت ماكوا الا الربط ولما سئلت كذا دكتورة قالوا لي لازم عندك 4 اطفال فما فوق طيب انا شسوي اللحين
اختي اقترحت علي السفر بره لعمل العملية
انتوا اشرايكم ابي احد يفيدني الله يخليكم لان نفسيتي محطمه للغايه الم وتعب واكتئاب بحياتي ما شفت جذي وياريت في احد تعرفونه مجرب الربط عشان اعرف ان كانت فيه سلبيات والا لا
ادري ثقلت عليكم بس والله تعبانه من كل قلبي
ولكم مني جزيل الشكر والامتنان
و جربتها 10 سنين مشت معاها
و مالها نهااااااااااااائيا أي اضرار جانبيه.
جربتها أنا و لي سنه و نص الحين عليها الحمدلله ماشيه تمام و لا غثا و عبالة الحبوب و سمنتهم.
الله يسلمج اذا غسلتي من الدورة شربي قلاص ماي زمزم على نية منع الحمل لمدة شهر.
و اذا كان عندج يقين 100% ان كلام النبي صلى الله عليه و سلم أوثق بقلبج من كلام الدكاتره راح تنفعج ها الطريقه 
سامحيني ماعرف بطريقة الربط….اذا تبين معلومات عنها شوفي مواقع دكاترة نساء و ولاده….سوي سيرج و يطلع لج الف موقع و منتدى خاصين لها السوالف.
و عسى الله يارب يريح بالج.
بس ما حبيت اقرا و ما ارد
ان شاء الله البنات يفيدونج
بس انا مجربه اللولب العادي وماشي حاله معاي
اسالي عن حكمها
لاني سامعه انها حرام والعلم عند الله
الله يكون بعونه والله
والله فكرة يا اختي رنين فعلا شرب ماء زمزم لما نوى الانسان بيقين
يارب تنفع معاي الطريفه هذي لاني تعبت من كل شي حتى ان زوجي تعب نفسيا معاي
الله المستعان
وكذا وحده مدحوا ها الطريقه و لما جربتها قمت ادعيلهم قايمه و قاعده
مثل ماقلت لج الحين سنه و نص الحمدلله ماشيه عال العال
بس ها….مو تقولين خل اجرب…و انتي متشككه.
لأن الطريقه اهم شي فيها اليقين.
بس انا سمعت ان اللولب العادي يسبب الم بالظهر والتهابات على طول ووارد الحمل عليه والدورة تكون غزيزه
الموضوع وما فيه اني صرت تعبانه نفسيا مالي خلق احد نفسيتي بالحضيض تخيلوا حتى امي مالي خلق اخذ واعطي معاها بالكلام ولا حتى لي خلق اطلع ولا لي خلق اتكلم مع زوجي وعصبية وكل هذا بسبب الحبوب الجديده اللي توني مجربتها
صرت منعزله ما ابي احد معاي والمشكلة اني صرت اجامل وادوس على نفسي وماابي احد يحس اني متغيره
وبالنسبة لزوجي بصراحه ما اثق فيه ممكن يورطني والعد اعرف كذا وحده وانا منهم حملت عليه
الله كريم والله ياخواتي اني مخنوقه وودي ابكي بدون سبب
الحمدلله على كل حال
بس قعدي مع دكتورة وتكلمي معاها وناقشيها … يمكن اللولب العادي زين لج … انا احس افضل الطرق اهي الواقي الذكري !