وحدة مجربة او سامعة عن عمليات المناظير عند د. ماجدة اليتامى

مرحبا بنات شلونكم .. انا بسألكم عن عملية المنظار عند د. ماجدة اليتامى ؟

زينة ولا لأ ؟ وهل لها اثار جانبية بعدين مع الحمل ؟ لأن انا صارلي سنتين ما حملت واحتمال د. ماجدة تسويلي منظار لأن في كيس على المبيض .. شسوي؟

ياليت اللي تعرف ما تبخل علي بالرد .. الله يوفقكم ويرزكم جميعا يارب .

السلام عليكم

اي حبيبتي انا جربت مرتين مناظير مع دكتوره ماجده اليتامى
الاول كان تشخيصي عشان انا كنت مثلج متاخره بالانجاب ولما عرفت
السبب سوت لي منظار ثاني جراحي لان اكتشفت فيني التصاقات بالرحم
ومن بعدها حملت وانا الحين حامل بفضل الله وبفضل دكتوره ماجده
لا تخافين حبيبتي توكلي على الله وصلي الاستخاره عشان يطمن قلبج

مشكورة حبيبتي ام حامد الله يوفقج ويثبت حملج ويرزقج انشالله

وبسألج انت قبل المنظار حملتي ولا اول مرة تحملين بعد المنظار ؟ وانا فيني كيس على المبيض ؟
والله يخليكم بنات ابي ردودكم انتو بعد .

انا تزوجت وكعدت خمس سنوات وما حملت
وحملت من بعد المنظار والحمدلله وعسا ربي
يكتب لج الذريه الصالحه عاجلا غير اجلا يا رب

وبالنسبه لدكتوره ماجده صدقيني خليج معاها
واطمني لانها راح تكون حريصه اكثر منج

حبيبتي مشكورة وايد طمنتيني .. بس عفيه اخر سؤال .. انتي ماكان فيج كيس على المبيض ؟

حبيبتي انا سويت هالعمليه لأن كان معاي كيس على المبيض بس عند الدكتور منصور العرف
والعمليه لا شق بطن ولاشيء كان من تحت وكان مدة العمليه اظن ساعه او ساعه ونص
بس الحمدلله ماحسيت بشيء بعد العمليه والله يسهل عليج ان شاءالله

حبيبتي العمليه اللي سويتها كانت مثل السونار المهبلي
يعني مافتحوا بطني يعني لا تخافين العمليه مالها شغل بالبطن
وانا سويتها علشان اسوي اطفال الانابيب بس مانجحت ولله الحمد

الدكتوره ماجده اليتامى

ماشاءالله عليها شااااطره في كل شي

توكلي على الله وسوي العمليه وترا عمليتج سهله إذا إهيا أكياس على المبايض