|
|
السلام عليكم..
مشكلتي اني حامل بتوائم وعند مراجعتي للدكتورة خوفتني من الولادة المبكرة
واني لازم أولد بقيصرية يعني بالسابع أو الثامن يعني الأطفال مو كاملين راح يكونون بالحضانة وتدرون الولادة بقيصرية بمستشفى خاص لا تقل عن 1000 دينار لأني أبي الدكتورة فوزية القطان تولدني والاطفال بالحضانة وشوفي السعر خلال 25 يوم لما يكتمل نموهم….
السؤال اللي محيرني وأبي الإجابة عليه أقدر أخلي دكتورتي تولدني بمستشفى حكومي لأنها أدرى بحالتي……….
أو إني أولد بخاص وأنقل الأطفال لمستشفى حكومي…يصير والا ما يصير
,,,,,,,,,,,,,,,, والله اني بحيرة وخايفة وما أدري شنو أسوي,,,,,,,,,,,,,
.gif "Eh S(11)")
الله يقومج بالسلامه انشالله
اللي اعرفه انا اليهال يودونهم الصباح لانه هناك عنايه اكثر و قسم الحضانات يترأسه د مازن العيسى
ولا تخافين احتمال تولدين ولاده مبكره وحتمال لا
انا رفيجتي كانت حامل بتوأم
وقالولها مثلك بس ماولدت الا بنص التاسع وقيصريه بعد
ولاطفال ماحتاجوا حاضنه
وهي ولادتها كانت بالمواساه
انتي ديربالك علي نفسك ولا ترهقين نفسك
ودعي ربك وانشاء الله كلشي تمام
ولدتهم باول اسبوع من التاسع
علي اساس اني اولد بخاص بس مارضو
قولي حق طبيبتج تعطيج كتاب فيه حالتج
لاتروحين خاص لانه الحضانه بالخاص اليوم خمسين وفوق واتنتي ماتدرين شكثر بيقعدون
ولكن اذا ولدتي بالتاسع اولدي بخاص لانه يمكن مايقعدونهم بالحضانه
إختي توكلي على الله و أولدي ..
آنا ولدت بالسلام و تؤام مثلج .. و بالسابع .. و قيصريه ولدني الدكتور الفاضل اللي أعجز عن شكره د.زياد مراد من المركز الإستشاري .. و على فكره إهو متهاوش مع المستشفى ( السلام )و طلع منه مع عادل الزهير اللي أسس مستشفى السلام لكن قالي إنه ما يثق بأحد كعنايه بالخدج غير وحدة العنايه المركزه في مستشفى السلام للأطفال الخدج ..
آنا قعدتهم و لا طلعتهم لكن إهم يقولون لأهلج أو زوجج تبي تحطهم بالحاضنه و لا نطلب إسعاف و ننقلهم للصباح .. و كان معاي أكثر من و حده والدين تؤام و أغلبهم نقلو مواليدهم للصباح ..
و الله يوفقج و يهون عليج و ديري بالج على نفسج ولا ترهقين نفسج ريحي كثر ما تقديرين عشان ما تعجلين ولادتج ..
سمعتي عن نقص مستشفيات الكويت من الحضانات الاطفال ( البيبي )
واكتبوا عنها بالجريدة ……… وقالوا يبون يحلونها بس متي
اقولج احسن شي واحسن اهتمام مستشفيات الحكومية بالعمليات القيصرية
وفري فلوسج 1000 واولدي بالحكومه …… طبعا اذا كانت عملية قيصرية
واحد من أهلج يجابلج ……. اغلب رفيقاتي اولدوي في مستشفيات الحكومية وهم بعد موظفات وايضا خواتي ……… مدام عندج مرافق
منها تحطين يهاال بالحضانات وما يردونج ……. خلي دكتورتج تكتب لج تقرير ودية حق مستشفي اللي تابع لكم ويولدونج
ترا بقولج شي ………. سهاله من الله ……….. ولا تتأخرين ترا ممكن يسبب لج اضرار وللبيبي اضرار
والموفق الله ……….. وحمدلله على السلااااااااامه مقدمااا
انتي نفس مأساتي …. دام ان الولاده مبكره أحسلك الحكومه ….أكيد ماتبين تتبهذلين ..انتي بصوب واليهال بصوب ……. ولي سمعته ان الحكومه يهتمون بهذي الحالات ……
ودي اسألك جم توأم فيج؟
الله يهونج عليج>>>
وهذا شي الله كاتبه .. ( من توكل على الله فهو حسبه )
و بشرينا لي ولدتي ان شاء الله