عند العمليات القيصرية ايهو احسن التخدير الكامل ولا ابرة الظهر

هاااااااااااااي

بـــــــــنـــــــات

انا الحين حامل والدكتورة قالتلي اني مراح أولد إلا قيصرية

لان راس الياهل كبير وحوضي صغير

وحبيت اسئلكم أيهو احسن تخدير في العمليات القيصرية

التخدير الكامل ولا التخدير النصفي (( ابرة الظهر ))

بليييييييييييييييز بنات أللي جربت تقولي

ولي سمعت هم تقولي

ولي هم سمعت ان احد تأذا من التخدير الكامل أو النصفي تقووولي شنو صارلهم بالضبط

بلييييييييز

ولا تبخلون علي

بلييييييييييييييز

انطر ردكم على احر من الجمر

مع تحياتي

نصيحتي تخدير كامل انا والده قيصريه الله يقومج بالسلامه يارب

مووج سامحيني ما عندي فكره .. بس لا تحاتين سهالات إنشاء الله

انا رفيجتى خذت ابره الظهر وتقول احس لما الدكتور يتوي تست ويحط ايده على بطنى يقولى اتحسين وكانت اتحس
فخذت تخدير كامل
واطلا احس انج اذا خذيتى ابرة الظهر بدوخين لما اتشوفين السسترات والدكتور والدنيا حتى لو حطولج عازل
احس هذى يبيلها قلب قوى

والله يسهل عليج انشالله

سالينى انا اخذتها خمس مرات بولااداتى اتهبل ولا لها مضاعفات ولا بنج عام اللى ايخرع ماتدرين تقومين من البنج ولا لا انا ماخذتهم كلهم فى مستشفى الولاده وعنايه وكل ماتيينى دكتورة التخدير قبل العمليه بيوم اقولها دكتوره ابى ابرة الظهر وتكتبها لى وتشوفين البيبى والدكتور يسولف معاج ماتحسين داخله عمليه والله حتى ولادتى فى بنتى اخر وحده اسولف مع الدكتوره وضحك معاها لانه يعطونج ابرة مهدئى ويحلو البيبى اذا وروج اياه جلم قلبه اتوكلى على الله وخذيها ولاتسمعين كلام احد انه فيها مضاعفات انا قاعده اكلم الدكتوره مالت البنج اقولها دكتوره اتصدقين يقولون انها تشل تقول ماذبحنا الا وكاله يقولون انا صارلى فى مستشفى الولاده 21 سنه ماعمره مرت عليى حالة شلل

اعتقد التخدير الكامل احسن

الا اذا لج قلب تشوفين الدكتور و الممرضات يحوسون و انتي تدرين انهم قاعدين يسوون لج عملية !!

أنا أقولج في شنو الفرق

التخدير الكامل مدته ساعه وينتهي مفعوله وبعدين بتحسين بكل شي خاصه

بعوار الحس إللي بعد الولاده وعورار عودة الرحم مكانه

إما التخدير النصفي ماراحه تحسين بأوجاع الولاده إلا بعد 3 يوم إللي الألم الجايد يكون راح

أنا أنصحج فيه (( البنج النصفي ))

أنا صديقتي حتى لما سوت الدوده الزايده طلبت إبرة الظهر

طيب عندي سؤال ثاني

يقولون اللي تاخذ ابرة الظهر تطلع من العمليات وفيها واير بظهرها

صج الكلام هذا ؟؟؟

ويقولون انهم كل شوي بالعمليه يلمسون الواير اللي بالظهر يحركونه علشان يخدر أزيادة

الصراحه انا ماني فاهمة شي عن ابره الظهر

ولي يعافيكم فيدوني

لا حبيبتي

أهوا نفس طريقة المغدي إللي باليد

أول شي يخدرون المنطقه ببخاخ موضعي

بعدين يدخلون الأبره والواير هذا عباره عن نايلون حتى لو نمتي عليه مايعورج

وماتكون الأبره موجوده يطلعونها

وأول ماتخلص العمليه والخياط يشيلون الواير على قولتج

ترا فعلا مريح

بس نصيحه قسم التخدير بالهادي مسخره وفاشلين

إذا بتولدين بالهادي إخذي البنج العام وايد أبرك لج

لا انا بروح مستشفى دار الشفا

شرايكم بتخديرهم

عجييييييييييييييييييييييييييييييييييييييييب

أنا بسألج دكتوره صديقتي مالت ولاده عن أحسن دكتوره للتخدير

وأقول لج إن شالله

انا ياعمري مجربة الثنتين اول عمليتين كانوا تخدير كامل والثالثه ابرة بالظهر لان كنوا توأم والله لا يوريش اولا حضرت العمليه كاااااااامله لا ومن زود الحظ أعرف انجليزي فما طافني ولا كلمة من كلام الدكاتره وعن المفاجآت اللي يلقونها ببطني وصياح البنات ووحده منهم شرقت بالماي مالها فطبعا أختش في الله حبت تنقذ بنيتها وبطنها مفتووووووووووح عالآخر خخخخخخخ وهذه المساعده طبعا بتخرب العملية لان فيه ناس قاعد يشتغلون وووووو الخ المهم من مضاعفات العملية وانا صاحيه صارعندي خوف مو طبيعي وأي حالة حزن او فرح تسبب لي شلل مؤقت وماتخلصت من هذي الحالة الا بعد القيصرية اللي وراها(خبرة الاخت بالقيصريات هههههههه)قعدت أصيح عالدكتور خدروني خدروني خدروني لين صحيت بالجناح واليهل يمي وهم خدروني من قلب تخرعت وبعدها زالت الخرعات والشلل والخ والحمد لله على كل حال وانشاء الله ماتشوفين شر ويسهل الله وتجيبين طبيعي وبشرينا عاد ولد ولا بنت

مووووج انا بقولج ليش ما اشوفين دكتوره ثانيه ؟
انا اعرف وحده هم بتيته قالولها ما تولدين طبيعي لان حوضج صغير و من هالكلام و بالصدفه سافرت دكتورتها وقت ولادتها و ضاق خلقها و سبحان الله اهيا ماكانت تدري انه هذا فيه الخير لها راحت حق دكتوره ثانيه جان تقول لا من قال سيزرين انشاء الله تولدين ولاده عاديه و الحمد الله ولدت شحليلها .. انا بس قلت اقولج ما يضرج اذا خذيتي راي دكتوره ثانيه
وإذا على التخدير انا مجربه دار الشفا ابرة الظهر عند دكتوره سناء وايد ممتازه ..
والله يقومج بالسلامه و تفرحين بشوفت البيببي

مووووج انا بقولج ليش ما اشوفين دكتوره ثانيه ؟
انا اعرف وحده هم بتيته قالولها ما تولدين طبيعي لان حوضج صغير و من هالكلام و بالصدفه سافرت دكتورتها وقت ولادتها و ضاق خلقها و سبحان الله اهيا ماكانت تدري انه هذا فيه الخير لها راحت حق دكتوره ثانيه جان تقول لا من قال سيزرين انشاء الله تولدين ولاده عاديه و الحمد الله ولدت شحليلها .. انا بس قلت اقولج ما يضرج اذا خذيتي راي دكتوره ثانيه
وإذا على التخدير انا مجربه دار الشفا ابرة الظهر عند دكتوره سناء وايد ممتازه ..
والله يقومج بالسلامه و تفرحين بشوفت البيببي

السلام عليكم
بصراحه انا اخاف من ابره الظهر ومالي قلب اشوف العمليه
انا بولادتي اخذت بنج كامل بس طبعا بنج المستشفى الخاص بسرعه تقعدين مو نفس الحكومه ما تقعدين الا ثاني يوم
انا قعدوني بعد الولاده مباشره ووروني بنتي وعقبها ودوني لغرفتي ولقيت اهلي وسولفت معاهم عادي
بالعكس انصحج بالبنج وهذا شي راجع لج
واله يسهل عليج ويقومج بالسلامه