|
|
السلام عليكم
بنات انا ببيت اهلي صار لي 10 ايام لاني نفاس صدف انه باجر تاريخ مناسبة خاصة وماكنت ناسيتها مخططه من قبل وادري بتكون بفترة نفاسي
اليوم الصبح مرني زوجي عندي موعد ولمح لي قالي تصدقين تو اتذكر باجر التاريخ الفلاني انا ابتسمت قلت مو ناسيته .. انا كان نيتي اخليه يجيني ببيت اهلي واكون مجهزه كل شي افاجأه نحتفل هناك
بس عطوني ورقة لمعاملة خاصة فيني وتخلص المعاملة باجر العصر فقلت له وحنا رادين خلاص باجر تستلمها منهم قالي لا انا مشغول خذي الورقة واحد مم اخوانج يخلصها باجر قلت اخواني يداومون مو فاضين قال شدعوه ماعندهم وقت يفضون للعلم هو اجازة وماعنده شغل سكت انا وهو حس اني اخذت بخاطري بس ماهمه نزلني بيت اهلي وراح ..
اطنش فيه وماعطيه هديته ولا ادق عليه واخلي الخدامة تطلع له الكيكة والهدية بس عشان اكسر عينه حرني بنات من ولدت بس يدق علي ويسولف لكن اذا ناقصنا شي وقلت له مايجيبه تخيلوا ابي دوا حق البيبي بيكلفه شي. هذا ؟ وبين بيتنا وبيت اهلي بس شارعين قالي مو لازم
وقلت له من امس الصبح ماعندنا بامبرز قال ويه جم تستهلكون باليوم جايب من ولادتي كرتون واحد تخيلوا 10 ايام يعني صرفنا واجد
كله ماعنده وقت ولا عنده فلوس لنا بس حق غيرنا يلقى
ودامه مايعطيك وﻻ يجيب وبابالنهاية تعطينه يستانس اكثر وبيستخسر فيك الفلوس
اسحبي عليه واسحبي منه بعد خليه يطلع الفلوس ﻻزم يحس بالمسؤولية مو بس كلام
ماانصحج تسحبين عليه دقي عليه وقولي انا جمعت وفكرت فيك وشريتلك هديه عشان هالمناسبه وانت دوى للبيبي مو راضي تجيبه
حتى الاشياء هذي مانسيتها عشان خاطر عيونك بس انت ماردتيلي جميل هالشي وع العموم هديتك موجوده واي وقت بتجي تاخذها حياك الله
ومن هالكلام انتي الوحيده اللي اتعرفين شلون زوجج يحس فيج وله يندقر اما مسألة تسحبين عليها حرام الهديه جاهزه عندج يعني بتخلينها للكبت
مثل ماقلت قولي لها انا قبل لا اولد والهديه شاريتها عشانك والحين انت حفاضات ودوى للبيبي مو راضي تجيبهم لنا وهذول اشياء اهم من اللي سويته
وتطلعين من كل شر ياقلبي وعسى الله يهدي مابينكم ويوفقكم ويخليه لج ان شاءالله
وللبيبي دامك ماتصرف عشان يتأدب ولا يعيدها
وبجذي بتكسرين عينه وتأدبينه هذا افضل حل السحبه لابد منها
اما سالفه بطلع احسن منه ترا انتهى زمن اذا اكريم الكريم ملكته
خليه يولي
ممكن تعطينها بطريقه غير مباشره مادام الهديه زاهبه خلي الخدامه نفس ما قتلي تعطيه ونفسي عليه ﻻ كلمج واذا قال شفيج قولي مابي انكد عليك بس …. وﻻ تكثرين تذمر عشان ﻻ يقول طلعت الهديه من عيني قوليله باﻻخر عالعموم ماهان علي يعدي هاليوم بدون ماذكرك
والله يسخره لج
انا كنت نفسج وقت النفاس ريلي اعتزلنا انا وبنتي مع انها اول ياهل لنا
بس لمن سالت البنات قالو ان صعبه عالريال داش طالع عالبيت حتى لو عالاغراض
في بعضهم مايبي يبين جدام اهلها انه مقصر و في اللي لا علني يقولج ماراح يسوي او ماراح اييب
ميخالف طوفي و لا تدققين و لا تنسين انج نفاس يعني النفسيه على اقل شي بتشوفينه كبير فانتي طوفي
وبخصوص المناسبه ليش تخلين اليوم يمر بسلام بدون ماتسوين شي؟ باجر اذا قعدتي بينج و بين نفسج بتقولين ليتني مسويه و ليتني مسويه
وبعدين ماتدرين يمكن اذا سويتيله مفاجاه تكسرين عينه احسن من انج تطلعين له الخدامه جنج تقولين له هذا قدرك
وبالنسبه لي ماتعطينه هديته احسن من انج تطلعينها مع خدامه
فكري فيها عدل يمكن تكسبينه بهالشي وانتي بستانسين حزتها انج سويتي اللي ببالج
لا تخلين شي يخرب عليج