|
|
قوه بنوتات
طبعا قرب عيد الحب .. اللي احنا ما نؤمن فيه طبعا .. بس نحتفل لأن الدنيا كلها تصير حما وورود تكثر وقلوب وحركات شسمه .gif "Eh S(22)")
اللي ما تبي تحتفل بهاليوم .. خل تحدد اهي مع زوجها ذكرى ملجتهم او عرسهم يخلونه يوم الحب وخلصنا من هالسالفه
اني الحين للحركات اللي ودج تسوينها
وايد اشياء تكررت .. تقريبا الكل سواها .. واللي مر عليهم 10 سنوات او اكثر يمكن استنفذتهم كلهم هههه الله يتمم عليكم
يت عله بالي جم فكره حبيت اشارككم فيهم .. وان شالله تعجبكم .gif "Eh S(7)")
للحمام
الفكره الاولى
يبي شور جل من بودي شوب او باث اند بودي … وشيلي اللزقه او حطي فوقها …. ( لزقه انتي طابعتها )
اكو اوراق A4 لزق .. طبعي عليها صورتكم .. مثلا وانتو في سفره من سفراتكم عالبحر او صوره رومانسيه صوريها بالتلفون ونزليها وطبعيها وعليها جم كلمه حلوه
الفكره الثانيه
زيوت عطريه في غرش وكاتبه من بره كلام حلو ممكن تكتبين ( حبيبي اويل ) من طقة بيبي اويل .. او تكتبين زيت المشاعر … او زيت ( اسم الدلع لزوجج) .. ممكن تكتبين له تاريخ زواجكم والاحداث الحلوه اللي يحبها مريتها فيها .. ذكريه فيها … عاد لا تضحكون علي انتو ادرى بهالسوالف .. اعيد بتبدعون .gif "Eh S(15)")
… والجيس الورق حطوا داخله ككاو يحبه علشان واهو بالبانيو متنقع ياكله ويقرا الكلام اللي كاتبته بره .. الككاو يزيد العاطفه .. يقولون
الفكرة الثالثة
وهالفكره عجيبه للي عندها بانيو .. هاردلك للي عندهم شور بوكس .. ممكن تسوينها لو رحتوا فندق
طريقة الباث بومب .. او كرة البانيو الفواره … تشوفونها بمحل مادري شسمه للصابون الطبيعي .. يسوونه
تقدرين تسوينه بالبيت واغراضه متوفره بالجمعيه
طبعا هالملح او الفواره لها فوايد وايد للجسم تنظيف واسترخاء .. احنا نفسنا نستخدم البيكنج صودا لتنظيف البشره
طريقته بالفيديو للي ناويه تطبقها وتجرب
افكار
( تحطين هديه داخلها .. خاتم – او ساعه ( طبعا غلفيها بورق التغليف الشفاف مال المطبخ علشان ما يدشها الملح) – ميداليه – شسمهم ملوت البزمه ماعرفها – او اي هديه صغيره )
او حلويات الجسم ( وحطي ملاحظات للاستخدام الخارجي مع طريقة الاستخدام لا ياكلهم لول )
اللي ما تحصل القوالب الدائريه تقدر تستخدم كرات الاطفال الملونه وتقصها بالنص ونفس النتيجه
كتبوا في يوتيوب bath bomb وبتطلع لكم الطريقه اكثر من طريقه وسهلللللللله جدا
واذا متعيزه .. عبي الملح بعد ما تلونينه بنكهات من الجمعيه في زجاجات .. ولا تنسين الكلام الحلو
كل لون حطيله كلام ووصف غير واسم النكهه او العشبه او الزيت .. مثلا الاحمر لزيادة الشوق – الاخضر لتقوية عضلات القلب وحطي صورة قلب – الازرق لنوم هادئ .. الخ
وما اوصيكم اهم شي الشموع .. سكروا الليت وبطلوا الشموع
الطريقة الرابعة
الحمام الملون
تدرون ان وايد معاهد استرخاء يحطون لكم اضاءات ملونه .. كل لون لنوع معين للاسترخاء .. والاحظ ان بعض الفنادق ومنها فندق المارينا يحطون الليت الازرق في الحمام .. جربوه وشوفو تأثيره على الاسترخاء والرومانسيه
ممكن تغيرين لمبة الحمام نفسها .. او تيبين اللمبات الملونه نفس فيليب او غيرها
ويت .. عجبكم الموضوع اكمل ولا لأ ؟؟؟
لو عجبكم ندخل عله غرفة النوم ونسوي حركات وافكار
سيري ونحن من ورائك حد الابداع اسم الله عليج
حدج ابداااااع
ابي بانيووووووووووووووووووووووووو
تسلمممممممممممممممين
كمممملي ويعطيج العافيه
مع اني بنت بس قلت ادلع نفسي هههههه
عاد والله الافكار مادري تبخرت .. قمت اطق روس من النوم
شرايكم انام واصحصح باجر اييب جم فوكيره عله قولتهم
وما يمنع اللي عندها افكار تقولينا نسفيد
يسلموووووو
شوفوا .. اغلبنا عندنا مو اقل من 200 صوره في تلفوناتنا .. واحيانا ينترس التلفون ونضطر نمسحهم
شرايكم من الحين تلحقون علشان تسوون هالفكره
شوفو .. نزلوا الصور من التلفون لي اللابتوب واختاروا اللي تبون وحطوه في فلاش ميموري وودوه مصور يحمضه لكم
اكو مصورين اسعارهم حلوه وشغلهم حلو .. جربوا اللي ورا محل الهدايا 101 اللي قبل دوار الجوازات منو يعرف اسمه؟
يبوا البوم صور .. تلاقون اشكال وارناق .. ابتداء من عند بو اميه ليمن محلات التصوير
بس سويه كله بلمساتكم
اختاري الصور اللي لها ذكريات مشتركه بينكم في سفر او في كشته بالبر وممكن تزرقين صوره لكم بطلعه من طلعات الملجه
وكثري صوره .. خو الريايل فيهم الانا مرتفع ويموتون عله عمرهم
وحطي حركات وتعليقات حلوه ومسليه
عندكم امثله
حطي هالحركه بين الصور
افكار للغلاف ( هالالبوم واحد اجنبي مسويها لحبيبته .. طبعا انسي ابو مكسر يسويها الا من رحم ربي .. نتمنى ههه .. شوفو الابداع والرومانسيه
وحطيها على الفراش مغلفه بتغليف حلو علشان تتفرجون عليهم قبل الليله الرومانسيه
وتبين تصير رومانسيه اكثر .. قعدي علقي عالصور وضحكي مثل الطفله .. وبعض الصور علقي تعليق حلو .. يغري وبصوت هادي وناعم ونظره قتاله بطرف العين .. مثل : هاليوم كنت عاشقتك .. وحطي راسج عله جتفه ( احم عيب) .. لا تنسون ريحة الشعر تكون حلوه
انتو عاد وخبرتكم
لو انتي من النوع اللي يتذكر المناسبات ممكن تسوين له صندوق المناسبات المهمه .. وتواريخ الاحداث ( ملاده ميلادج ميلاد عيالكم .. ترقيه حصل عليها .. شهر عسل .. سفره مميزه رحتولها .. تلونين التاريخ بلون مميز
المهم اكو جم فكره من رفيجاتي عن الدلع
اول شي من الحين اللي صوتها عالي تحاول توطيه وتنعمه عالاقل عند ابو الشباب
حاولي لو شي ثقيل سوي نفسج ماتقدرين تشيلينه حتى لو كنتي جونقر .. خل يشيله لج
ماعليه اول جم مره بيدقر .. بس مصيره يحس
لو علبه يديده .. ما تتبطل سوي نفسج زعلانه ومدي البوز سانتي مو شبر .. وخلج ماسكه العلبه وخليها بحضنج .. عادي قعدي طالعي التلفزيون كلمي .. كملي يومج لين يتلحلح ويسألج شفيج ماسكته .. قولي ابي ابطله عور ايدي .. بدلع لو سمحتي بدلع .. مو قادره اتدلعين اوكي بهدوء وحيره مو بصراخ تنقزينه من مكانه
وطبعا انتو اهل الدلع والحركات يا كويتيات .. ومنكم استفيد
برب دقايق اصلي وايي بصور مع افكار اوكيك؟