|
|
[size="6"][/size]سلام حبيباتي شلونكم ياعسولات
مثل مااغلبكم عارف انا جبت بناتي التوام على السابع والحمدلله على كل حال ولدتهم بشهر 10 والحمدلله طلعو صدق متعذبه حييييييييل لانومه ولاقعده بس عندي خدامه واليوم تبي تروح للمكتب لانها على قولتها تعبت ماتقدر بالليل تجي تنام عندي وتساعدني فيهم مع شغل البيت مع اني اخليها تقيل بس طابت نفسي منها وقاعده اقول لزوجي انا ماعندي شغل شقتي صغيره ومافي ذاك الشغل مابي خدامه مدري انا على صواب او لا؟؟؟؟
الشي الثاني والاهم زوجي من ولدت مانمت بغرفتي ابددددن حتى طلعتي الاربعين مدري شلون حسيت اننا نبوق كل دقيقه قاعده علينا وحده وزوجي يقول مستحيل تنامين عندي بالغرفه بناتك يقعدوني وانا نومي خفيف وعلي دوام تعب علي ودي تجين بالغرفه بس صعبه مع ان حماتي عندها ولدها الله يصلحه عن 100 طفل حركي مزعج عاد اليوم تقولي انا زوجي مستحيل يستغني عني اذا انا مثل وضعك مايقدر كان مثل زوجك بس صار نومه ثقيل تعود على ازعاج ولده انتي روحي لغرفتك وخلي زوجك يتعود والله اني انقهرت ليه زوجي نومه خفيف مليت من وضع هذا نايمه بروحي وفوق هذا تعرفون بناتي صغار لااطلع ولااروح ولااجي مرات حماتي تجيني مليت كرهت نفسي اشغلت وقتي اصلن ماني فاضيه من بناتي بس ابي اطلع اشم هوا ابي ناس ابي جمعه على فكره انا سعوديه وزوجي كويتي حالتي صعبه حيل يعني حتى ببيتي ماني ماخذه راحتي من الخدامه وغرفتي ودي انام فيها زي قبل زهقت حياتي ماعندي بعد الله الاانتم اشكيلكم مدري شسوي انصحوني شجعوني تعبانه حيل الله عالم بحالي والله
اول شي لازم تنامين بالغرفه نفسها لازم يتعود ويساعدج
انا عارفه وضعج مع التوأم ، الله يعينج
خلي مميتهم بنفس الوقت ونوميهم مبجر عالساعه ٧ جذي
لا ناموا زهبي روحج وعيشي حياتج مع زوجج
ولاتشكين لزوجج لكن طلبي منه يساعدج وقوليله ان عندك توأم وهذا شي كبير ونعمه من الله
ومن هالحجي ….
لا. تشكين للناس ولا تضايقين روحج حاولي تعودين نفسج على هالحياه لان توج بأول الطريج
بالتوفيق –
ولاتخلين التوأم عذر اذا ما استانستي مع زوجج
وغيري الجو وسوي حركات وليالي رومانسيه
وخليج فرفوشه ولاتنكدين علييييه
احسن حل
انج تحطينهم بالغرفه الثانيه وتفتحين الباب ،، واول ما تسمعينهم يبجون تروحين لهم
هذا الحل اللي احسه مناسب
او انج تكلمينه وتتفاهمين معاه قوليله اخليهم عندي بالغرفه معاك و اول ما تبجي البنت اركض فيها بره
؛( الله يسخره لج ويهديه وقوليله كلنا امهاتنا وابهاتنا تحملونا جذي كلمي امه قوليلها تكلمه وتسولفله عن ازعاجه يوم كان صغير
اما زوجك ما يبي تنامين بالغرفه لا تسمحين له بهالشي هذولا بناته ويتعود باجر قولي ما تبي ازعاجهم انت نام بالصاله <
وبيتعب ومرده للغرفه ..
وتقدري تخلي البنات بغرفتهم وفي جهاز سماعات تحطينه عندك من تسمعي صوتهم ترحين لهم ..
او انك تجيبي مربيه تهتم بالبنات مو خدامه لانها مابتتحمل شغل بيت وتووام الله يخليهم لج
|
المشاركة الأصلية كتبت بواسطة bnt-usa
 حبيبتي حاسه فيج المره تحتاج تنام يم زوجها وتتضايق لما يقوللها لاتنامين عندي
احسن حل او انج تكلمينه وتتفاهمين معاه قوليله اخليهم عندي بالغرفه معاك و اول ما تبجي البنت اركض فيها بره ؛( الله يسخره لج ويهديه وقوليله كلنا امهاتنا وابهاتنا تحملونا جذي كلمي امه قوليلها تكلمه وتسولفله عن ازعاجه يوم كان صغير |
اليوم باذن الله اكلمه ياليته يقتنع بدون مجامله اويضايقه وجودي ادعيلي
|
المشاركة الأصلية كتبت بواسطة سعوديه 1
موضوع الخدامه انتي تبين حريتك بالشقه وحلو انك قادره تستغني عنها
اما زوجك ما يبي تنامين بالغرفه لا تسمحين له بهالشي هذولا بناته ويتعود باجر قولي ما تبي ازعاجهم انت نام بالصاله < وتقدري تخلي البنات بغرفتهم وفي جهاز سماعات تحطينه عندك من تسمعي صوتهم ترحين لهم .. او انك تجيبي مربيه تهتم بالبنات مو خدامه لانها مابتتحمل شغل بيت وتووام الله يخليهم لج |
مربيه صعبه شوي وميزانيتنا ماتسمح اليوم بكلمه ادعيلي
|
المشاركة الأصلية كتبت بواسطة الجسوره
هلا حبيبتي ,,, ما عليش سامحيني انتي غلطانه انج قلتي ما ابي خدامه و الغلط الاكبر انج تنامين بروحج … تناقشي معاه قولي له انا استوحش اني انام بروحي و اخاف طلعي لج اي عذر بس اهم شي تنامين بنفس الغرفه و فهميه مثل ما انت تعبان من قعدت البنات بنص الليل انا تعبانه دبل تعبك و و مثل ما هم بناتي هم انت ابوهم … و اصلا معرف اللي عندها توأم ع طول يكون عندها خدامتين انا اخوي جذي عيال توأم و عنده خدامتين وحده حق البيت و الثانيه للجهال اذا طلعتي او نايمه او اي شي … و اذا ع الليل وحده خليها تنام مبجر و الثانيه متاخر ,, عشان اذا قعدت وحده من بنات الصبح تكون وحد من الخدمه موجوده تباشر البنوته و ترتب البيت ,,, و ثانيه تعطينها مجال تنام لانها نايمه متاخر و بجذي ان شاء الله تنحل المشكله و اتمنى اني افدتج
|
والله ياقلبي ادري بي شسوي حيل محكوره والله احس في احد يراقبني وهذي خدامه رقم 4 حظي اغبر بالخدامات طابت نفسي منهم وعلى فكره حاولت افرق بين رضعتهم ونومهم للاسف ماقدرت ادعيلي
تدرسين ولا موظفه ولا بطاليه
الاهم من هذا كله لازم خدامه لا تقولين ما ابي مهما كانت ظروفج الخدامه اساس
سالفة الخدامه لا لازم خدامه وعندي لج حل اذا انتي مشكلتج تبين حريتج في خدم بالساعات جيبيهم جم ساعه يقومون بشغل البيت وانتي قومي بناتج
واذا على سالفة زوجج والله نفس المشكله صارت لوحده اعرفها ومارضت تنام بغرفه بعيد عن زوجها اول شي يتضايق بعدين تاقلم وصار نومه ثقيل ماعليج منه ولا ترضين تبعدين عنه في مثل حطيه حلقه باذنجج ((لاتقلبت المخاد تقلبت المواد ))
والخادمه ساعديها يعني بس تغسل المواعين وانتي غسلي الملابس والبنات اذا كبروا وضاروا سنتين خلاص الخادمه ماتقربهم وامرهم سهل
وادعي الله
والنومه بغرفتج ضروريه لازم يتعود علي البنات قوليله ما اقدر أنام الا بفراشي أخاف
شبيعهم على الساعه تسع وبعدين دهنيهم وسبحيهم عقب عطيهم ينسون يروحون بسابع نوووومه
واتفرغي لريلج
عموما الالطفال على اربع اشهور يتعدل نومهم لاتحاتين