|
|
اهلا وسهلا بكم يالله انك تفتح لمن فتحت موضوعي وردت علي باب كل خير وتغلق عنها ابواب الشر ياااارب 
انا بقولكم معاناتي بإختصار انا متزوجة من اول شهر واول ايام زواجنا ما عمري سافرت انا وزوجي بروحنا سافرنا اول زواجنا انا وامه واخوانه وكل العائلة الكريمة ولا يقدر الواحد ياخذ راحته 
طبعا مافيه احد ما يبي الجمعات ايه ميخالف انا معكم حلوة السفرة مع الجماعة …بس مو دااااايم …يعني اذا فكرنا نسافر لاااازم وواااجب وفررررض ان خالتي تروح معنا مستحيل تخلينا بروحنا ..عجزت المح له ودنا نسافر بروحنا بس ما يقدر يستغني عن امه …ما قلنا شئ امه وعلى عيني وراسي بعض الاحيان تسافر معنا وبعض الاحيان على الاقل تتركنا بروحنا ناخذ راحتنا …حتى اذا راااحت معنا ناخذ غرفة او غرفتين وهي تتم مع ولدها وانا بروحي بالغرفة الثانية ..وش تبوني اقوووول واللله اغاااار من بعض البنات يسافرن بروحن وياخذن راااحتهن ما شاء الله عليهن ؟؟؟ وانا ما عمري اخذت راحتي بسفري بس الشكوى لله ابي حل كيف اقنعه انا نسافر بدون ما يزعل امه ويقنعها ابي مشورتكم يالطيبات …مع العلم ان امه ما عندها احد بالبيت بناتها متزوجات وهي جالسة عند ولدها الثاني بس احيانا تروح عند بناتها وتقعد عندهم …
قوليله ودنا بسفره بروحنا يعني قبل الصفره مو بيوم السفره بس اذا امه تبي تروح سكتي احسن مو حلوه يطرد امه
هذا رايي
ياقلبي هذا حقج انج تسافرين وتونسين مو عيب انج اتمنين تسافرين بروحج معاه
هو شكله بارد بمشاعره ولا كان تمنى يسافر معاج بروحه يغير جو ويستانس معاج بكيفه
ولا امه متحكمه فيه وملقوفه وهو وده يسافر معاج بروحه بس هي اتلزق ويستحي يرده
كلميه بحنان ودلع وادب حبيبي ودي اسافر معاك بروحنا نغير روتين حياتنا امك حسبة امي وع راسي بس مااقدر اخذ راحتي معاك ودي ارقص لك واضحك معاك بس امك معانا صعبه ياقلبي الا مستحيله ههههههه تخيلي بس
وان انت ماقصرت اخذتها معانا واجد وانت فهمها وهي ماراح تزعل وبتفهم واشكثر بنات يسافرون مع ازواجهم بس هالمره واوعدك السفره الجايه اانا بذكرك تاخذها معانا وان شاالله بس نرد بنجيب لها هديه
او انج تحجزين شاليه لج وله وماتعلمينه الا وقتها او غرفه بفندق وتقولين عندي لك مفاجاه خل نطلع ودليه العنوان واولريدي انتي مزهبه اغراضكم ولي وصلتو قولي حبيبي لاني احبك حجزت لنا شاليه ولا ليلة بفندق وهذي هديه مني لك لانك مو مقصر معاي
وهو بيستحي يرفض وساعتها يمكن يشوف ان القعده معاج بروحكم احلى او ييخف تعلق باامه لانه يمكن متعلق باامه او حيل بار فيها ماقلنا شي ماشاالله بس يمكن نوعيته انه مايحب يقصر مع امه او يحرمها من شي
انتي عاد اذا واقف وصارت كوني شي ثاني بالسفره كل شي يحبه سويه وجددي شكلج ولبسج وصيري جريئه وعوبه معاه بالكلام والحركات عشان يستانس ويكررها لان اصلن بحد ذاته السفر تغيير روتين
وان ماصار شي لاتضايقين هههههههههه انا ماسفرني الا بر السعيره بالسعوديه
وعادي دامه زين معاج لاتخلين شي مثل هذا يزعلج ويخرب عليكم
والله يوفقج ويسخره لج
تدرين شلون نطري وحده من بناتها تولد وبعدها سافري اكيد ماراح تسافر معاكم وبنتها بالانفاس ……هذا الحل اللي طلع عندي
بس انتي لج حق في انج تطلعين معاه وتفرفشين
كلميه وفهميه وتناقشي معاه
" حتى اذا راااحت معنا ناخذ غرفة او غرفتين وهي تتم مع ولدها وانا بروحي بالغرفة الثانية .. "
حسستيني ان في مصيبه … اسمحيلي اختي وضع زوجج مو طبيعي ..
يخلي زوجته بغرفه و ينام مع امه بغرفه @@
في امور بديهيه مو محتاجه تفكير يعني تصير بالفطره انج مع ريلج بغرفه و مه بالغرفه الثانيه .. شلون قدرتو تتغلبون على الطبيعه البشريه !!
يعني قالج انا بتم مع امي و انتي روحي الغرفه الثانيه نامي بروحج !!!!
لو منج ما اسافر معاه طول عمري !!
بس اهو يمكن مو طبيعي او في شي مادري مادري مخي علق مو قادره استوعب
يعني نطري يوم عيدميلاده او يوم ذكرى زواجكم وحجزي غرفة بفندق ليلة وحدة مع العشا والجو الرومنسي . عقبها بفترة بسيطة روحي حجزي شاليه مثل ما قالو البنات . ويكون لمدة يومين او ثلاثة .. وكرري هالشي بين فترة والثانية . عالاقل 3 او 4 مرات عشان يتعود انه يبعد شوي عن امه … وبعدها بفترة اقترحي عليه انج وياه تسافرون لديرة قريبة مثل دبي مثلا . قولي له نقعد ويكند انا وياك نطلع ونتسوق ونشتري حق امك هدية حلوة لان لازم نذكرها بهدية ونلعب ونستانس ونرجع كلها يومين ما بتطولون. واذا قال لك لا .. قولي له ودي اسافر معاك بروحنا لو يومين ما عندي مانع ودي نغير جو ونعيش اجواء جديدة مع بعض .. انا شهر عسل خاص فيني وفيك ما حصل لي . وعندك من الكلام الكثير عشان تقنعينه بس ديري بالك تجيبين طاري امه او اهله .. بس تكلمي على اساس ان لحالكم وخلاص . عقبها بفترة اختاري ديره ابعد وزيدي المدة .
حبيبتي صدقيني الموضوع يبي له صبر لان مو حلوة تروحين تقولين له انا ابي اسافر معاك ومابي امك معانا ابي انا وانت بس . بيفهمك غلط وما بيحس فيك . ولا بيعذرك . بصراحة ربي يعينك صح الحالة هذي ماهي سهلة وتقهر . بس ربك كريم صبري وبالاخير اكيد راح تنولين ان شاء الله