نخيتكم يالكويتيات اول مره أستقوي على زوجي

عسى الله يسخره لج
بس تصرفج صح لا تسمحين له يمد ايده ..

المفروض واجباته يكون عارفها واذا الحياه تعاون على قولته ينقسم الشغل بين الاثنين مؤ عليج بس الله يهديه ويسخره لج

خليج على موقفج .. وصدقيني 100 ما تسوي شيء دام مصروف العيال برقبتج .. خليج على 150 وهو عليه الماجلة ..

الله يكون بعونج

بس الحياة تعاون بس مو بشكل الاعتماد عليج

وبعدين ليش يمد ايده عالسبب بسيط خير ان شاءالله

لازم تاخذين حقج يعتذر و يتأسف لا ترجعين الا بهدية ذهب او فلوس عشان يحس انج مو سهلة عطيه درس بحياته

خلى واحد كبير من عايلتكم يتفاهم معاه اخوج او ابوج وخليج ثقيلة نفس عليه

انتي لا تبنينله باسلوب عناد وتمرد لا

فهميه حبه حبه علي كل طلباتج اللي قلتيها وهذا اصلا من زمان يسويها الله يهداه

واذا وافق علي بعضها خير وبركه ردي ولاتعاندين والباجي ايي بالسياسه
الله يوفقج
ردي بيتج يااامره ههههه

الله يسخره لج و يسخرج له و يهدي الجميع يارب

لازم توقفين هالوقفه عشان يتغير

صارلج 15 سنه كل شي على راسج وهو يتفرج

انت مع السنيين رخيتي الحبل اكثر واكثر الين ماخلا كل المسؤليات عليك لا زم تشدين معه شوي واطلبي منه يشيل معك مسؤليات بيته وعياله ولا مارح ترجعين له

بالنسبة ليي نصيحة للكل

اخترتي درب

لازم تمشين فيه للنهاية

يعني المفروض ماتطلعين من البيت

بس طلعتي

خلاص لازم اتحطين حد للموضوع

ولج شروطج

ولو انه الحقران داخل البيت و تادية الواجبات فقط من غير حقه الشرعي طبعا

افضل بوايد

بس انتي تصرفتي

خلج على تصرفج و 15 سنة مو حلوة يمد ايده بعد و انتي قايمة بكل شي

ومو غلطتج انتي بعد

بس حطي ببالج مادته بعين الاعتبار

بعد مايصير تكسرين رقبته

ولا اتمدينها لي فوق

الوسطية افضل

ابدي بمصرف الشهري لعيالج 250 حلوين و زينين

معاج حق عندج 7 الله يخليهم وكل شي عليج ويقول الحياة تعاون وين التعاون اللي يتكلم عنه كل المسؤوليات انتي متحملتها بروحج المفروض يحمد ربه قايم وقاعد على انه عنده زوجه مثلج لازم اتكونين صارمه معاه لين يادي كل واجباته تجاه بيته واعياله

عقب 15سنه عشرة يمد أيده عليج ! تصرفج طبيعي ويمكن لو ما طلعتي ورديتي بيت اهلج بيحس ان الموضوع عادي عندج ..وممكن يكرر نفس التصرف …

أي وحدة مكانج كانت راح تروح بيت أهلها … وحطي حد لموضوع اهماله لدوره كزوج ..هو اللي ﻻزم يصرف ويعطيج هذا حقج حتى لو كنت اغنى منه … ما فيها شي الوحده تساعد زوجها في البيت بس في رياييل من يشوفون هالشي يبدون يحسبون نفسهم من المسؤوليه شوي شوي ….

ﻻزم يكون له دور أكثر … وﻻزم مثل ما أنت تشيلين هم العيال ومصروفهم والبيت ..هو ﻻزم يعاونج …

صدقيني حبيبتي في نوع من الرجال ..لو شاف نفسه فاضي ماعنده مسؤوليها يروح يدور على زوجه ثانيه يحس جدامها ان زوج مسؤول عليها وتلقينه يصرف ويدفع ويشيل ويحط وهو يضحك بعد !! ..ﻻن باله مرتاح من ناحية مرته أم العيال يدري انها مو مخليه على بيتها وعيالها قاصر …

الله يسخره لج …ويبعد عنكم شر من فيه شر …

بالمسبه لي روحتج بيت اهلج شي صح عشان يحس وكل شروطج اوكي