طفرت خلاص شوفوا انا حساسة و لا الموضوع ما يستاهل

سلام عليكم خواتي كويتيات ..

انا قلت اشوفكم واستشيركم قبل ما اطلع حرتي في ريلي واهله ..

الحين انا موضوعي ويا حميتي (( حرمة اخو ريلي )) .. ما ادري شو اسوي معاها .. انا من اول ما تزوجت وانا احاول احسن علاقتي فيها ,, والحمدلله ما في مشاكل بس لاني من النوع اللي احتر وما ارد بسرعة .. فشوفوا هالموقفين وقولوا لي هل هي غلطانة و لا انا اللي حساسة ومكبرتها على قولة ريلي ..

الحين نحن لما نروح عندهم نسلم عليهم ونبيت عندهم.. ما في اصول الضيافة ,. يعني لا غدا لا فطور و لا عشا .. و لو انا وريلي نبا ناكل .. لازم نطلع و ناكل برة ..او نضطر نجيب اكل للبيت و بالتالي نعزمهم معانا .. لا احد يقول لي يمكن هم ظروف و ما ادري شو .. ااصلا وضعهم المادي احسن من وضعنا الف مرة الله يبارك لهم يا رب .. بس وايد اتضايق .. يعني ممكن نروح عندهم باليومين و هي بس بتسلم بعدين يتطلع بره هي وريلها و يحقروناا .. و لا يعطونا ويه .. واذا تكرموا وقعدوا معانا .. هي نص ساعة بالكثير و يطلعون و لا كاننا جايين مشوار ساعتين طريق علشان نسلم عليهم ..
احس لما اروح عندهم رايحة فندق .. ما في حد يجابلنا .. و لا جنه اخوه رايح متعني يسلم عليه ..

ولما هم يجون عندنا .. و الله اني اقوم فيم احوفهم واشيلهم على راسي .. و مجابلتهم انا وريلي 24 ساعة .. و اللي يقهرني .. انه هم الضيوف و يتشرطون .. يعني تيجي حميتي وتقول انا بخلي الخدامةتنام في غرفتج .. و خلي ريلج ينام ف يالصالة .. علشان انا و وزوجي ننام في غرفة واحدة

اويه اويه .. اقول لها ما يصير .. زوجي وراه دوام .. لازم يكن في غرفته (( وانا ف قلبي اقول شو قواة هالعين )) و تحتشر و وييها ينقلب .. و بالاخير يصير اللي براسها علشان ما ابا مشاكل ..

البارح كانت زوارة عندنا . انا حامل و ظهري الله اعلم بحاله .. ما عندي شغالة .. و هي كله قاعدة .. انا اقوم و اشل و هالصواني و هي وعيالها قاعدين يناظرون فيني .. زين قومي جاملي ,, شوي بس قولي يعطيح العافية .. ابدا و لا كلمة خير ..
اليوم الظهر اقل لها لو سمحتي قومي نامي بغرفتي .. خلي الريايل يتسدحون بالصالة .. هي بكل وقاحة تقول ما اني بطالعة .. انا ادري هم ما يبون يرقدون .. (( نعم ..؟؟؟ )) انا من الصدمة و الله ا اعرف شو اقول .. عيب الزوارة عندي و انا اللي لازم اوجب و ارتب وين الريايل ينامون .. الحريم وين يقعدون .. و انتي تعندين ؟؟ و تقولين مب قايمة ..؟؟؟ و الله ما اعرف شو اسوي معاها

اليوم بعد ما راحوا .. قلت لريلي جي جي جي .. قالي انتي مكبرتها .. الموضوع ما يستاهل .. و انتي اللي حساسة ..

اامانة بنات انا اللي حساسة ؟؟ و لا لالموضوع صدق يغث و يضايق ؟.

اذا الموضوع مثل ماذكرت
يغث
بس كله ممكن اطوفه
لانه يرجع للسنع والذوق
بس سالفة
الخادمة تنام بغرفتج!!
مادري اشلون وافقتي
وسكتي
ماكو شغل
اذا مافي غرف تنومها بالصالة ولا بالمطبخ بعد
بس مو غرفتي
تتحمل مسؤولية خادمتها دام جايبتها معاها

نعم خير عسى ماشر

الخدامه تنام بغرفتج معاج وهي مو خدامتج وريلج ينام بدار ثانيه

وهي يوم انها تتشرط ليش ماتسنع معاج لا زرتيها

والله قوات عين نعم خير خدامتها تنام عندي بغرفتي واخلي ريلي ينام بالصاله عشان اهيا وريلها يناموون بغرفه وحده عنهم مانامو والله حاله
ولازم الخدامه تنام بغرفه تنثبر تنام بالمطبخ ولا الصاله ولا ان شاء الله بالممر المهم انا وريلي بغرفتنا وبعدين ليش تشتغلينلهم مو عندها خدامه خل تكرف لها ولعيالها حرتني شالبشر فوق انج حامل يالله شايله عمرج تشتغلين لهم بدال لاتقول ارتاحي انتي حامل خلي الخدامه تنظف تسكت ولا تقول شي استغفر الله الله يعينج

هذّي مال نعال في وجها
. واي ولعت
لا والي يفرس زوجج الي. ما عنده كرامه .. شّايف بعينه انهم لابسينكم وقاعد. يتغَافل و يقول لج لا انتي حساسه
بس اسمحيلي الواحد ما يتمادى الا لو لقى مجال وشّاف الي قدامه ساذّج
للاسف الخبثى يعتبرون الناس الطيبه والسنعه سذّج

شي يغث الصراحة الله يعينج
سالفة ان الخدامة تنام معاي بالغرفة وريلي ينام بالصالة لايمكن اسمح فية ليش مو الخدامة تنام بالصالة وليش جايبتها اصلا دام ماتسوي شي ومخليتج انتي وبطنج جدامج تخدمينهم

اه قهر وغثة انتي كيف سكتي عليها وخليتيها تمشي كلامها عليك
هذي يبالها من يكسر عينها يا حبها لتعكير المزاج
لا اختي كلامكـ صح حتى انكـ تتحاشين زوارتهم ليش
اللة يعنيكـ ويقومكـ بالسلامة

اذا جذي يعاملونكم وانتو ضيوفهم ليش اتروحون لهم اللي ماقدرتكم وانتو في بيتها لا اتروحون لهم الزم ماعلى الانسان كرامته ومرت حماج ماتحشم احد الصراحه ولاتستاهل احد يزورها

–

صح انا مع بنت النعيمي
زي موب هي فارضه شخصيتها حتى انتي افرضي شخصيتك
وبعدين ترى في نااااااس اكثيرين مايجون بالذووق
وهذي وحده منهم
انتي لا صارت الزواره عندك اتفقي مع زوجك يتفق مع اخوه يكلمم زوجته
ان القعده تكون شراكه يعني تتقاسمون الشغل والطبخ ووو
وانتي بعد لا صرت عندها سوي كذا
اذا قالت ماتبي مشاركه
اجل سوي زيها بتمااام
< م احب الحريم اللي زي كذا , احسهم انانيات ومايستاهلون الحشيمه اقلها تساعدك وانتي بطنك قدامك
بس الشرهه على التربيه وشكلها تغاار منك ومصره الا تتعاند معاك

ما قصروا الأخوات وأضيف. الباب اللي يجيك منه ريح سده واستريح لازم حد لها

قليل الحياء مستريح ..

الصدق انه شيء يفلج القلب

لازودتهاااااااااا
معك حق لانتي حساسه ولاشي
وقفيها عند حدهاااااااااا مرة
ولارح تتجراء عليك مرة ثانيه
مدام هي ماتوجبك اذا رحتي لها
لاتروحين موب لازم
واذا جتك لاتبا لغين في توجيبها عامليها زي ماتعاملك
والله شين وقوات عين
الله يعينك
ولاتعلمين زوجك كل الرجال كذا يشوفون
سوالف الحريم سخيفة

يعطيكم العافية خواتي ..

انا ادري اني لازم اكون قوية معاها .. بس يا اخي استحي اطول لساني على احد و انا ادري انه اللي قدامي يستاهل .. لكن ما ادري وهاي سلبية فيني .. وان شالله اتعلم طولة اللسان على اللي ما يحترم بيتي و قراراتي

بس ترى ريلي وايد متضايق بعد .. واصلا بطلنا زوارات لهم ما نزورهم الا من العيد للعيد .. و نرجع على طول ..
وريلي ادري فيه لو عصب بيسوي فيها قطيعة رحم .. عسب جي انا اهدي روحي و ما اخبره كل شي الا ((طقاطيق )) الكلام على قولتهم ..

يعطيكم العافية .. بردتوا قلبي يعطيكم العافية .. و الحمدلله انها مو حساسية زايدة تسلمون