|
|
السلام عليكم و رحمة الله وبركاته ..
شلونكم بنات عساكم طيبين .. طبعا انا من زمااااااان ودي أكتب لكم هالموضوع بس كنت مترددة وايد !
و كل ما اقول خلاص بكتب .. اكتب سطرين و أهون لأن الآيباد كلش ما يشجع
.×.×.×.×.×.
بنات انا تزوجت عن حب .. و انا ثاني وحدة بحياة زوجي .. يعني كان يحب وحدة قبلي .. و هي بنت جيرانهم و كان يحبها من يوم اهما يهال .. كبروا مع بعض
و لما كنت على علاقة معاه قبل الزواج اكتشفت أكثر من 4 مرات انه يكلمها و مرة ثالي أحبها و من هالكلام .. و بعدين تقدم لي و أهله كلموا اهلي ومشت أمورنا .. و تغير الريال 180 درجة .. صار حنون أكثر و محسسني انه يحبني موت موت مووووووووت .. و انا كنت اعشقه .. طبعا وقتها كان عمري 20 .. ياهل !
لما رحنا لـ فحص قبل الزواج اكتشفنا ان انا و هو حاملين سكلر .. حاملين مو مصابين .. و من الخبال اللي فينا و الغباء قررنا نواصل .. لما دخلونا على دكتورة استشارية قالت لي .. احتمال 50 % اتيبون حامل سكلر .. و 25% سليم .. و 25% مصاب
فـ توكلنا على الله و تمت الملجة ولله الحمد ..
يوم ملجتي كان أحلى يوم بحياتي .. سوينا حفلة بسيطة في بيتنا .. و بعدها طلعنا نتعشى .. و كنا اثنينا ننود .. ( نبي نرقد ) من تعب اليوم اللي مرينا فيه
رجعني بيتنا ورقدت و هو راح بيتهم رقد و كنا لعى اتفاق ان ثاني يوم اروح بيتهم و اسلم و و نروح نزور يدته
طبعا ثاني يوم لما ياني كنت توني قاعدة من النوم .. ياني غرفتي .. قعدنا شوية على ما اقوم مادري شنو ياني و كان تلفونه يمي .. فتحته و ياليتني ما فتحته ….
لقيت مسجات بينهم .. و يقول لها عن كل شي عني !!
قريت 3 مسجات
اول مسج: يوم اللي رحنا الفحص كاتب لها : انا شفت سيارتج بباركات المستشفى قوليلي شفيج ليش بالمستشفى لا تخشين عني .. ( للعلم هي كانت مصابة بالسرطان و تشافت منه بالكيماوي بس بدون عملية لأن توه مكتشفينه كانوا ) و هو كان يحاتيها
ثاني مسج : احنا سوينا فحص و طلعت حامل سكلر و ماتذكر الباقي .. بس كاتب لها عني وايد اشياء ..
ثالث مسج : ترى هي تغار منج .. ( يعني انا اغار منها .. ) تخيلوووووووووووا !!!!
هو كان بالحمام لما رجع شاف علامات صدمة على ويهي .. و على طول سحب مني التلفون و شاف المسج و انصدم و تم يبوس راسي و يقول هذا قبل الملجة و توبة و مادري شنو . احنا اصدقاء مو اكثر ( مادري من قاص عليهم و قايل لهم في صداقة اتيي بعد الحب .. و ان مجتمعنا يتقبل هالنوع من الصداقات )
على طول قلت له اطلع برع و مابي آطلع اليوم
مارضى يطلع و تم معاي يترجاني و يبوس يدي و ريولي عشان اسامحه ..
و اغمى عليه و انا ولا أثر فيني ولا شي
كنت مصدومة ..
اختربت فرحتي وانا عروس .. ماعشت احلى لحظات الزواج و هي بداية الملجة .. للأسف كنت بنفصل عنه و من غبائي قلت لا احبه .. !! حبني برص ..
طبعا هاليوم كان مثل القشة اللي قسمت ظهر البعير !
هالكلام بصير له ثلاث سنوات و انا ليحين ماتعايشت مع الموضوع .. ما سامحته ومانسيت خياناته .. ياما لقيته واقف معاها عند باب بيتهم و لاصق فيها كأنه طيور حب ..
ليتني مشيت بدربي و تركت عني هالخرابيط و الحب و السخافة ..
المهم ..
من 3 سنوات و خوات زوجي كل ما شافني جابوا طاريها جدامي و جدام ريلي .. لدرجة اني لما كنت ساكنة معاهم بنفس البيت كانوا يدخلونها البيت بوجودي و يودونها غرفتهم اللي لاصقة بغرفتي .. و حضرت زواجي مع اني شرطت على زوجي اذا يبي اسامحه .. فلانه ماتجي عرسي .. و اخت زوجي نحاس فيني عزمتها !! و خلتها ترقص جدامي .. 
و اخته الثانية كانت كل يوم تقعد معاي و تقولي اخوي كان يتواعد معاها بالمحل الفلاني
و يوم عرسها اخوي زعل و طلع من البيت
و كانت تقولي تفاصيل .. والله والله والله كنت اموت و احترق ألف مرة ..
مادري ليش صبرت و ليش ما انفصلت قبل ما آييب ولدي حبيبي
لين آخر يوم زرت فيه بيت زوجي .. قبل 4 ايام و اخته تييب سوالف عنها .. !
ليــــــــــش كل هـــــــــذا ؟
و انا والله ما نسيت شي .. كل شي كأنه أمس صاير .. حاولت انسى واعيش حياتي بس صعب جدا لأني وثقت فيه و سامحته على خياناته القبلية .. آخر صدمة لي ثاني يوم ملجة ..
حرام اللي صار فيني ..
للعلم زوجي ما يخوني .. و كل شي عنده عالمكشوف .. تلفوناته دايم بيدي و عادي .. و اعرف وين يروح و وين ايي .. بس أعرف ان مستحيل ينساها و هالشي طبيعي هو كبر معاها و عاش كل شي معاها .. لدرجة لما سألنا عنه قبل الزواج قالوا حق امي فلان يحب بنت جيرانهم فلانة و مسومينهم بالفريج روميو و جولييت .. !! و امي قالت لي هالحجي بعد زواجي ..
زوجي يدري اني عايشة معاه عشان ولدي .. ويدري اني متحسفة اني ما انفصلت ..
و يعرف اني ماعدت احبه مثل قبل .. لأنه جرحني حيــــــــــــــل .. و ما اقدر اسامحه ولا اسامح نفسي باللي سويته بروحي !
بنات شلون اتصرف مع اخت زوجي .. ؟
والله مو عارفة مع ان علاقتي فيها صارت عادية .. ومابينا شي .. بس الظاهر هي ليحين ناوية عالشر ..
مابي أطول عليكم أكثر و سامحوني عالموضوع الطويل ..
بس حبيت انصح كل وحدة .. لا تحملين بسرعة قبل ما تتأكدين من مشاعرج تجاه زوجج و مشاعر زوجج تجاهج .. و اذا كان زوجج ردي لا تحلمين بسرعة و يطيح فيها الياهل اللي ماله ذنب !
شدعووووووه
بس ما ذكرتي لنا ليش زوجج ما تزوجها ؟؟ اذا الكل يدرون عن علاقتهم ببعض و سرهم مفضوح ؟؟
شي ثاني حبيبتي انتي الحين تنصحينا ان الوحدة ما تحمل على طول بعد الزواج انزين انتي حملتي و جبتي ولدج و الحين حامل بعد مو ملاحظه في تناقظ بكلامج ؟؟
خواته مال تحذفينهم بحفرة و تحرقينهم :@
قالوها تيمون و بومبا : هكوونا متاتا حكمه نغمها لزيز هكونا متاتا ارمي الماضي الي بيغييط انسااه والمستئبل اديه كل التركيز هازا هوا البهرييز الفلسفي ,,
يعني انسي ماضيج وماضي زوجج المهم انه الحين انتو مع بعض ,
لو مانساها لو يذكرونج فيها حطي ابالج انه الحين اهو حقج انتي مو حقها واهيا خلاااص تزوجت
و اذا اهيا الي تكلمه كلمي زوجها و قوليله خل يبعدها عن زوجج لانه قاعده تسوي مشاكل و عيب الي اتسويه
ركزي [ انسي الماضي وخلج مع الحاضر عشان المستقبل يكون حلو ]
انصحك تفكرين بعقلك اكثر وتنظرين للجوانب الايجابيه بزوجك طالما ما خانك مع بنت الجيران
وشيلي من بالك فكرة الطلاق لأنك ما راح تتحملين نار الفراق
واذا على كلام اخت زوجك هاذي امرها هّين
صلحي علاقتك بزوجك وحسسيه بحبك وحنانك عقبها خليه يوقّف اخته عند حدها
بعدها حاولي تسكنين بعيد عنهم وتتجنبين زيارتهم
اذا طبقتي كلامي واستعنتي قبلها بالله الواحد القهار وتسلحتي بالدعاء
ان شاالله بتعيشين مع زوجك طول العمر لين تصيرون شياب 👵👴
حافظي على بيتك ودافعي عنه بكل قوتك
الله يوفقك
هدديها انج بتخبرين اهلها اذا كلمت ريلج او قربت صوبها
الله يعينج انا انغثيت
عطيها العين الحمرا
وعلمي اهلها انها بعدها مواصله ريلج
قولي
رجاء لتجيبين طاري هالبنت والله يستر عليها! !
زفيها يمكن اهي تقصد تحرج
بسوالفها
نصيحه زوجج اهتمي فيه وحسسيه ان تحبينه وتموتين فيه
وان اهي حشره ومادريتي عنها
وانج بديتيه ع عيال عمج وعيال خالج
قولي اموت فيك
وقللي عن زيارات عمامج
وياريت حامتج معرسه
اذا متزوجه احسن
روحي باليوم الي موموجوده
ولتحطين البنت براسج
بطقاق يطقها
الله ياااخذ هالبنات قليلات الحيا والشيمه
آآآآآه بس حسبي الله ع هالبنات والرياييل الخونه
حسبي الله عليك يا امل وجعلك تذوقين المر بكل انواعه !!!!
قوليلها الدنيا دواره
باجر بتجي حماتها و تردها لها
وجدام ريلج سوي روحج مو مهتمه
وتقربي منه
هلشي هو اللي يقهر اخته و بنات الحرام
وحتى هي على ذمة ريال تحاجي غيره
هديديهم انج بتفضحينها
بس مستغربه من ردة فعلج ووايد ليش مستسلمه لهدرجه حبيبتي هذيلا قاعد يلعبون فيج ويدمرون نفسيتج
ليش ماتوقفين بوجهم وفقه جاده علي شنو صابره ترا كله الا الكرامه ريلج وقفيه عند حده وهزيه وشرطي ان هالبنت ماتدخل البيت
وان اذا شفتك تكلمها بطلب الطلاق وهذيج البنت المستهتره الله يستر عليها بعد وقفي بويها وهدديها انج بتعلمين اهلها شنو الدنيا فوضي
وحماتج وخالتج ربح حسيبهم قوليلها ان حوبتج وحرقه قلبج ماراح تعداهم وان اهي بنت مصيرها تزوج وتشرب من نفس الكاس وان الدنيا دواره لاتفرح ووايد
حسبي الله عليهم ونعم الوكيل ارفعوا ضغطي …….
ارجوج اختي لاتصير مستسلمه وبارده هذي حياتج الجين خلاص صعب الانسحاب مافي جدامج الا انج تحاربين عشان تحافظين علي بيتج
يعني انا مالومهم بصراحه شايفينج ساكته جنج تقولين انا راضيه عنكم اخًذوا راحتكم …….