زواج المذاهب المختلفة مع/ضد ؟ " موضوع للنقاش"

السلام عليكم و رحمة الله و بركاته
شلوونكم ؟ عساكم بخير

موضوعي بسيط و اهوا للنقاش
هل انتو مع او ضد زواج المذاهب المختلفة ؟
يعني سني ياخذ شيعية او شيعي ياخذ سني ؟

لو تقدم لج شخص من المذهب الثاني راح توافقين ؟
او ترضين ولدج او بنت تاخذ شخص من المذهب الثاني ؟
سواء عن حب او زواج تقليدي

هل هالشي راح يزيد نسبة المشاكل و لا ماله خص؟

اتمنى اسمع أرائكم و نتناقش من غير هواش و غلط على بعض
لانه الموضوع مهم بالنسبة لي

و يعطيكم العافية :*

تنبيه اداري

ارجو من العضوات الالتزام بادب الحوار وعدم التعرض للمذهب الاخر سواءا سني او شيعي
ارجو احترام العضوات لبعض
اي عضوه ستقوم بمخالفه القوانين العامه للقسم او ادب الحوار او شتم المذهب الاخر
سيتم توقيف عضويتها دون انذار

ارجو من صاحبه الموضوع متابعته اول باول وتبليغ الاداره والمشرفات عن طريق الرسائل الخاصه عند وجود مخالفه في الردود

موضوووووووووووووووووووووووووووووووع مهم وبوقتة لاني على وجه خطبة من غير مذهبي بس متردده يلا ابي اشوف الردود

ضد

مو عنصريه

بس اذا احنا بينا فتنه و هاذا سني و هاذا شيعي

خلاص كل واحد ياخذ من مذهبه

و للعلم بنات انا ضد زواج الكويتي من غير الكويتيه

و مع مقولة دهنا في مكبتنا

و طبعا النصيب اذا يا محد يقدر يوقفه

مع

وايد ناس في عايلتنا ماخذين من المذهب الثاني

و كلهم يقولون "الطرفين" ان كانوا ماخذين فكره غلط عن المذهب الثاني بسبب الحجي اللي ينقال و نجوفه في النت و التلفزيون و حتى من قبل شيوخ المذاهب اثنينهم

بس الحمدلله يقولون اتضح ان الحجي كله جذب و محاولات للتشويه و ان الاختلافات موجوده بس بسيطه و عايشين حياة سعيده و الحمدلله ..

ضد
لاسباب وعتبارات كثيره

بصراحة ضد حتى لا تطلع مشاكل في المستقبل

انشالله حبيبتي
بس اذا في رد مخالف ابلغ منو بالضبط ؟
انتي ؟

كلنا بالهوا سوا
و انا مع و ضد بنفس الوقت
و مو عارفة اتخذ قراري

مشكورة حبيبتي عالرد و المشاركة

بس انا ما اشوف فيها شي اذا كويتي خذا مو كويتية
لانه عياله بيطلعون كويتيين
بس المشكلة العكس اذا كويتية خذت غير كويتي

و تسلمين مرة ثانية :*

هاذا الكلام الي يبرد الجبد

المشاكل تصير في كل الاحوال سواء مذهب واحد ولا مختلف
بس يمكن المشاكل تزيد بين المذاهب المختلفة لما يصير بينهم عيال
عدل ؟

مشكوووره عالرد :*

ماعندي مشكله اخذ من مذهب اخر
بشرط الاتفاق قبل الزواج علي الابناء وطريقه المعيشه في التفاصيل الب نختلف فيها بالمذاهب
وتري مافيها شي
تري انا ماخذه مسام مو كافر
يعني اذا الريال زين وكل شي تمام
ارده عشان المذهب؟
المهم انه ما يكون متشدد وايد فتطلع لنا مشاكل في المستقبل ونعقد اليهال معانا
يعني مثلا صعبه شيعيه تاخذ مطوع
يعني هذا دين علي طريقته وهذيك غير وممكن يغير مذهبها
او العكس سنية تاخذ سيد
يعني تصير صعبه شوي اذا كان طرف او الطرفين مشدد علي مذهبه ويعارض بشده المذهب الاخر ويعلق عليه بكثرة
والي يصمم يغير مذهب مرته ويجبرها او جذي هني نواجه صعوبه
في زواجهم من بعض
بس اذا تم الاتفاق قبل الزواج رح تكون الحياة اسهل
واحنا من اهلي متزوجين من مذهب اخر وما بينهم اي خلاف ولا لاحظنا مشاكل بينهم في تربيه الاطفال
تري اذا كان الزوج والزوجه متفقين ومافيهم ضغينه وحقد وكره للمذهب الاخر
فهالشي باذن الله مارح يخرب علي علاقتهم

وانا سؤال طرحته علي نفسي
منو افضل اخذه
اني اتزوج واحد بمذهبي بس ما يصلي؟
ولا اتزوج واحد بغير مذهبي بس يصلي ويذكر ربه؟
طبعا افضل الي يصلي حتي لو كان من مذهب غير مذهبي
شفايده الي نفس مذهبي واهوا بالدين الله بالخير
اختاروا الي يناسبكم يا بنات دام اتفقتوا قبل الزواج وبالنهايه انتي دينج وعبادتج ارضاء لربج
مو لزوجج

وبالعكس بالزغم من اختلاف المذاهب تري في شغلات تتفقون عليها مع بعض
وانتي ممكن تفيدينا وتعلمينه بامور دينج الي اهوا يجهلها
والي متاكده انها صح واهوا بعد ممكن يعلمج شي بامور دينه ممكن تكون صح ومقنعه وانتي متاكده من صحتها بس ماكنتي متعمقه فيها وتمشين عليها وتزيدج دين وقربي من ربج
بدون لا تغيرين مذهبج ولا اهوا يغير مذهبه
والحياة تمشي المهم انكم مسلمين وتصلون وتذكرون ربكم ومؤمنين بالله وتعبدون الله
يا جماعه برغم اختلاف المذاهب تري بنظل مسلمين لا تشيلون هالشي من بالكم ولا تنسونا
والله يوفق الكل

ممكن توضحين الأسباب ما عليج امر

اهلا اختي
انا والمشرفات وبنت الكويت برساله خاصه