|
|
_+_+_+_
الجا اليكم بعد رب العالمين لاني احس بالم وحزن وغصه بقلبي
انا من مدة اتابع بصمت بدون مشاركات في قسم الاسلاميات وكنت استفاد حيل من الي تكتبونه
حاليا اعاني من مشكلة كبيرة بحياتي الزوجية وعندي حالة من الاكتئاب والحزن
متالمه وايد علي نفسي احس بضيقه وعصبيه وحزن مادري شنو فيني بالظبط
قبل كنت انسانه وايد زينه عن الحين .. كنت احرص علي الصلاه باوقاتها واذكار الصباح والمساء كنت طيبه وانسانه زينه احس بعدين صرت مادري شلون التهيت بدراستي وحققت تفوقي ونجاحي بس بدون طعم ماحس بطعم شي حياتي مالها طعم وكله عصبيه وهواش ويه ريلي وصاير بينا كره وهذا سبب تعاستي , قبل كنت اتمني اكون من حفظة القران الكريم , بس ادري الله ما يكتب لي هالشي الا اذا كنت ملتزمه بلبسي , لانه حفظ القران شي عظيم وهالشي امنيتي بالرغم من كل الحزن والالم الي عايشته لاني ادري انه القران اهو الي راح ينجيني من الي انا فيه ولاني ادري اني لازم اصدق العهد بيني وبين ربي علشان يتقبلني قبولا حسنا .
انا كرهت حياتي الحاليه وكرهت جو زميلاتي وزملائي بالهيئه التدريسية بالجامعه , لاني احس هالحياه حياه ديكور بايخه مالها طعم , التهيت واستانست بمنصبي وقمت البس لبس مادري شلون بس متاكده انه الله مايرضي عليه علشان جذي حارمني من متعه الحياه , مادري ليش سويت بعمري جذي والتهيت , قبل انا كنت اقري القران واصلي صلواتي باوقاتها واتصدق وكنت احلم من كل قلبي وهالحلم متعبني حيل ومالمني ومحسسني بغصه بقلبي وهو اني احفظ القران واكون انسانه ملتزمه بلبسي وشكلي واخلاقياتي .
مادري ليش شي يقولي مايصير انتي بهالمنصب وماتكشخين ولا تلبسين انتي واجهه وانسانه لج مكانج بالمجتمع لازم تكونين جذي مو لاقيه احد من زميلاتي جذي لابس عبايه ومتحشمه والدنيا تمشي فينا ويمكن اموت وادش النار لاني قصرت بحق ربي بنات انا خايفه حيل حيل حيل من عقاب ربي فيني لاني ادري لازم اشكر الله علي نعمه العلم الي عطاني اياها من خلال التزامي بما امر فيه مو اني اعصيه .
بنات ودي اكون انسانه محتشمه واحفظ القران ودي الله يسخر لي ريلي ويهديه لي لانه بينا مشاكل كبيره وصلت للطلاق بسبت ظلم امه لي ودي الله يشافيني من مرض الغده الدرقية الي ياني علي غفله ودي اكون ام زينه لولدي الوحيد واربيه تربيه حسنه واحفظه القران ودي التزم بحضور دروس دينيه حقيقيه وفعاله لها تاثير قوي مو مجرد ندوات ومحاضرات ارتجاليه ودي اروح بيت الله وابجي عند بابه واشكو حزني والمي علي الي انا فيه ودي الله يغفر لي ويتقبلني قبولا حسنا ويسامحني يارب سامحني وتوب علي يااااااااااااارب
اسئل بالله كل من يقري قصتي انها تدعيلي من كل قلبها بالي اتمناه
اسئل بالله كل من يقري قصتي يساعدني اني اتقرب من ربي
لاني انا تعبانه حييييييييييييييييييييييييييييييييييل
وحزينه
مو قادره اكمل اعذروني
فمان الله
اولا : يكفي انج حاسه بتأنيب الضمير
وتتمنين ان حياتج تتغير
ثانيا : ترا الدين سهل والقرب من الله اسهل سبحااانه كريم
انتي بس اصدقي النيه مع الله وشوفي شلون
ثالثا : الملابس والمظاهر ترا والله ماتفيد وبعدين ليش, العبايه اشفيها ترا الحين الناس قامت تكشخ بالعبايه
وحده اغلى من الثانيه انا ما اقولج روحي طقيلج وحده 400 ولا 500 بس الانسان ذوق والنعومه هي الي تحكم
كل ماصار الشي ناعم وبدون حوسه صار هو الي احلى .
وعلى حفظ القرآن صدقيني كل شي الحين صار سهل
عندج دور القرآن 3 ساعات بس باليوم ولا بعد 3 ايام بس بالاسبوع
وعندج الاترجه كل الناس يقولون يهبل
وعندج النت في مدونة يحفظون بالبيت ويسمعون بالمنتدى مع ناس متخصصين
شوفي عندج هذا المنتدى التوجيه الفني لدور القرآن دشي الغرفه الصوتيه
https://www.dar-quran.com/vb/index.php
فيها حفظ وتسميع بعد وانتي بغرفتج
شفتي كل شي سهل
وبعد اختنا الحبيبه بنت ابوها حاطه موضوع للدروس الدينيه لكبار العلماء تسمعين وانتي منسدحه بعد
حبيبتي سهليها تسهل والله
الله يرضى عليج ويفرج همج وسهل عليج امورج ويصلح مابينج وبين زووجج يارب
يقول سبحانه وتعالى(((وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا )
الحياه لهتج ونستج ذكر الله..
بس نصحيتي لج.. انا كنت مشتركه بقروب لن يسبقنا الى الله احد..
كان برنامجنا خفيف لما طبقته الحمدلله تغيرت وتغيرت اشياء كثيره بحاتي..
انصحج كثري استغفار.. ورددي ربي اني لما انزلت الي من خير فقير..
وكل ما تضايقتي قولي ..سبحانك لا اله الا انت اني كنت من الظالمين..
سوره البقره لها تاثير قوووي.. قومي الليل لو ركعتين..
{وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِي إِذَا دَعَانِي فَلْيَسْتَجِيبُوا لِي وَلْيُؤْمِنُوا بِي.)
وصلي وادعي ..الحي بالدعااااء.. تحري اوقات الاستجابه..صدقيني الله كريم..
((قل يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعاً إنه هو الغفور الرحيم. وإني لغفار لمن تاب وآمن وعمل صالحاً ))
والله يردج لزوجج وتعيشين احلى عيشه..
والله يشافيج ياااارب..
الله كريم ويسهل علي كل ما يقربني منه
نفذي احسن
والله يعطيج الاراده عشان تسوين هالشي
لاتقولين ودي ودي وتضيعين الفرصة
لبسج خليه مستور ومحتشم ماراح ينفعج بقبرج اللبس الضيج والكشخه لغير المحارم
حفظي قران لو ايه كل يوم
حضري ندوات دينيه ونسقي وقتج
وعسى ربي يرزقج بكل ماتتمنين ويصلح مابينج وبين زوجج ويحفظكم لوليدكم
انا حياتي كانت في مشاكل لكن الحمد لله على كل حال اجأت لرب العالمين بالدعا و الحمد لله ظني بربي ما خاب و كذلك داومت على الاستغفار و فرجها ربي لي و عسى الله يفرجها عليك و على كل مسلم
و صلى اللهم على سيدنا محمد و على اله و صحبه اجمعين
وهم ماتنسين طاعته وذكره ..انصج بقراءة البقرة والاستغفار وانشالله راح ترتاحين .
تقبلي مروري اختك في الله
والله المنااااصب والكشخه الكذابه عمرها مااسعدت أحد , باالعكس يعيش فى تعاسه وضيق وضغوط
وانت انسااانه فيج خير ,, اللى تلومين فيه نفسج ,
وبعدين كله ودى اكون… وودى اكون..,,وليش ماتكونين
استعينى بالله وتوكلى عليه وابعدى عن التسويف والتاجيل لانها من الشيطان
وخلى الناس منج مونافعينج ,, والله الراحه باالقرب والانس بالله .قال الشيخ ابن عثيمين -رحمه الله- أفضل الدعاء:
" اللهم إني أسألك الأنس بقربك
والدنيا إلى زوال ، ونعيمها مهما طال بقاؤه إلى تراب
الله يتوب عليج اختى فى الله, الله يغفرلج ويعينج على نفسك
اسمعى القران الكريم ,, الله يشرح صدرج,,اضغطى