|
|
زوجج يحبج ويموت عليج وتحبينه
بس اذا صار خلاف بسيط بينكم وقلتي له بروح بيت اهلي او ببتعد عنك فتره وارجع لك عشان ماتكبر الامور
يقولج الله معاج وزين جت منج @_@ .gif "Eh S(1)")
واذا رحتي وغبتي عنه بالايام مايدق ولا يسأل وان دقيتي او تحرشتي فيه بمسج مايرد ويطنش
ويقعد عند ربعه سهاري لي الصبح ويرجع يحط راسه وينام وعلى هالحال !!!!
واذا رديتي له وقلتي له شنو السبب اللي مزعلك مني يقول كيفي بعاقبج !!!!!!!!!!!!!
يااااربي على شنو ؟؟؟ يرد يضيع الموضوع
بالذمه بنات شنو نوعية هالرجال ؟؟؟
يحب مرته بس مرات تجيه فصلات انه وده يخليها بالايام ومايكلف على نفسه ويتنزل ويدق الااا اذا اهيا دقت مليون مره وترجته يالله يتنازل عن كبريائه وتعود المياه لمجاريها
بصرآحه هذا وللاسف زوج اختي بالرضاع
ياربي مرات تجيني بتموووت منه وشوي وتقطع شعر راسها منه
تقول طالما يحبني ويموت علي وانا متأكده من حبه لي
اجل ليش يسوي معاي جذي يعني مل مني ولا تعب من الحياة معاي ولا شنو
وبيني وبينكم بنات حتى انا قلبتها بمخي مليون مره بس مالقيت الاجابه أمره عجيب هالرجال مايعلم بلي بداخله غير رب العالمين مع انه اختي تموت عليه ومسويته يادهينه لا تنكيتنه مو مخليه عليه قاصر كل شي تسويه له لي درجة كل ماتجي تزورنا تسولف عنه وعن الاشياء اللي تسويها له وحتى لو نجعمها ونقولها دوختي راسنا بطاريه ماتسكت تستانس على طاريه بس مادري شفيه زوجها ؟؟
حتى زوجي يوم سألته قالي مادري والله يمكن مل من عشرتها ؟؟
انتو شرايكم ؟؟
طموشات تفرجو بس لا تردون بليز ابي بس المتزوجات اللي حيل فاهمين بهالامور يردون
ابــــــــــــــــــــ
أغلب الرجال إذا مو كلهم بعد إذا شاف المرة متعلقة فيه يكبر راسه عليها..
يمكن يكون يحبها و يموت فيها بس يتعزز عليها..
يدري لو تزعل منه مردها له..
والغلط للأسف منها مو منه..
الثقل زين..
حلو إني أحسس زوجي بحبي..بس مو 24 ساعة..
خلي أهوا مرة من نفسه يشتاق لها أو يبادر بهالشي..
ما يصير كله قاطة عمرها عليه و مبينتله إنها تموت فيه..
لا تخليه ياخذ حبها له كأمر مسلم به..
خل تجرب مرة إذا تزاعلوا تطنشه..
والله يا إنها بتشوفه يحفي وراها..
إذا أهيا متأكدة إنه يحبها خل تطنشه وتثقل عليه..
لا يصير الزوج محور حياتها..
لا يصير أهوا مركز الدائرة و هي تدور حوالينه..
غلط وأكبر غلط
خل تفهم الريال إن عندها حياتها و اهتماماتها..وإنه هو من ضمن هالإهتمامات بس مو كل شي..
لازم تصير شخصيتها أقوى..
عسى ربي يهدي الحال إن شاء الله.
انا بعد اتوقع انه الريال لما يحس انها ميتة فيه وما تستغني عنه يكبر راسه ويحب يشوف غلاته وانها تترجاه وتبي تعرف شنو فيه
الحل الاعتدال في المشاعر
تصدقون مره قايل لها انا لو اخليج ربع ساعه ماتقدرين على بعادي مالت مادري على شنو !!!
الغلط من اختي مو منه
بس كااسره خاطري اهيا الحين ببيت اهلي قاعده وصارلها 3 ايام متزاعله معاه والحبيب ماكلف على نفسه يدق عليها وامس كلمتها بليل تقول دقت عليه مرتين مايرد تحرشت فيه بمسجات مايرد مادري شنو نوعه اكره ما على قلبي هالنوعيه من الرياجيل !!
والله نفس حركات زوج اختي بالضبط
نفس ماقالت فلانه لان اختج مبينه له حيييل انها تحبه وقاطه نفسها عليه,..
انا مره سويتها باختي جت بيتنا واخذت منها تلفونها قلت اليوم لادقين ع زوجج .. طنشي
والله ي بنات مصار الليل الا داق يقولها غريبه شعندج مادقيتي اليوم…
تخيلوا هي بالعاده تدق عليه وتحرق عليه التلفون ولاحتى يرد عليها…
خليها تطنش وتسحب شوي .. االرجال مايحب البنت اللزقه
والله يوفقها يارب
كيف اختج بالرضآعه يآلسه عند آهلج ؟
لوووووووول تصدقين عبالي بس ريلي جذي اتوقع الكل
الان انا ريلي جذي يحبني وألخ بس ازعل ولا ااجاني موجوده في حياته
من جد اذا عندج حل ل اختج قول لي لوووول
|
المشاركة الأصلية كتبت بواسطة مآيكبرني نك
 سؤآل خآرج نطآق الموضوع ,
كيف اختج بالرضآعه يآلسه عند آهلج ؟ |
خالتي متوفيه حبيبتي واهيا وحيده و زوج خالتي اول ماتوفت خالتي تزوج وحده ثانيه وامي رضعت بنت خالتي وتربت معانا والحين عايشه معانا وحياج الله .gif "Eh S(17)")
