|
|
قبل مااتكلم واحكي لكم سالفتي اقول الحمدلله على كل حال كلا ياخذ رزقه ونصيبه بها الدنيا
كنت اقضي وقت طويل بها القسم قسم الديكور والاثاث
لاني خلصت بيتي وباقي ااثثه
كنت الف النت اخذ افكار واستفسر منكم كثير
وعدني زوجي بعد عناء وجهد طويل معاه ان حنا راح نسكن برمضان
طرت من الفرحه مو مصدقه
درت بكل مكان على الاثاث
مابقى محل ديكور مادخلته
اذكر ايام قضيتها ان وعيالي لاجل اجمع اقمشه منسقه للديكور والفرش وتحف وكل شي
درت مع عيالي على غرف النوم واثثناها
ماتصورون فرحتنا
بس كان قلبي مقبوض مدري ليه
كان عندي احساس مايطمن
الاحساس هذا ازرعه زوجي فيني ماكان يشاركنا الفرحه وكان فيه شي غامض مو فاهمته
ولكن قلت هذا من الشيطان
كل مادخل البيت وشاف الديكورات الي انا مسويتها بيدي وتعبت عليها كان يرد علي بكلمة انتي وعيالك ماتستاهلون ها البيت…ليه مانستاهل كل يوم يجرحني .gif "Eh S(16)")
وكنت اسكت عشان عيالي وماابي اخرب فرحتي وفرحتهم واتحمل سوء المعامله لنا الي اشوفها منه انا وعيالي
وفجئه كل شي راح
ماودي اقولك ايش الي صار معي وبنفس الوقت مابي اضيق صدركم
زوجي تزوج وحده اجنبيه من بلد عربي حلوه وجميله وحطها بالبيت وهي الي تستاهل ها البيت
مااقدر اتكلم اكثر من كذا واحطمكم بس صديقايت هنا كله يمسجون لي ايش صار على البيت وليه اختفيت طول ها الفتره
يارب بها الليله المباركه يارب ستجيب دعوتي ولا احد منكم يشوف الي شفته يارب تكتمل فرحتكم وتسكنون بيوتكم وربي يبارك لكم فيه وتتهنون فيه
شسوي كنت ابي فرحتي تكتمل معكم واسكن البيت ولكن هذا نصيبي زوجي مو زي باقي الرجال الي يبون يسعودون اهلهم وعيالهم زوجي متحسف علينا بكل شي
انا ماني زعلانه ربي ماخذ شي الا بيعوضنا عنه صحيح صيحت وبكيت كثير لكن مايفيد الصياح مايفيد الادعاء وربي يخلي عيالي لي يارب
بس الي حز بخاطري اني كنت اجمع طول ها السنين له الفلوس وقصرت كثييييييييييييييير على نفسي وعيالي سنوات طويله ونا اوفر ضاعت من عمري بس بالتوفير كل ماقلته عندنا زواج عطني اجيب لي لبس وللبنات او عندنا مناسبابت او نبي نتمشى قال لازم نوفر عشان نحط بيت
وبالاخير وفرت عشان البيت وجاني البيت وكان سبب تعاستي
الحمدلله على كل حال ربي يخلي لي عيالي يارب هم اهم شي عندي هذا الي كاتبه ربي لي
واشكر كل صديقاتي وكل من وساني اللهم لك الحمد اللهم لك الحمد
وسامحوني لا ضيقت صدروكم
ونا خلاص ابترك ها القسم ماعاد لي لزمه اني اكون موجوده فيه كل مافتحته ضاق صدري وجتني كتمه
اتمنى اسمع اخبار حلوه عنكم ان انتوا سكنتوا بيوتكم ربي يسعدكم يارب ويهنيكم يارب
مو الثانيه
ان شاء الله البيت اللي تعبيتي علي
يردلج ادعي ربك
…
استغفري دايما و قولي ( اللهم اسلل سخيمة من احوجتني اليه ) و لا تتعبين نفسج بالتفكير اذا البيت مكتوب لج انت و عيالج بتسكنينه و احمدي ربج على نعمة الصحة و الله يريح قلبج و يخلي لج عيالج
سنييييين وانتي تنطرين البيت واخرتها اييب بنت بليس عليج وتسكن فيه
الله يعييينج ويصبر قلبج
حبيبتى قولى اللهم اجرني فى مصيبتى واخلف لى خيرا منا
وتاكدي وخلي عندك يقين بان الله جل في علاه سيخلفك بخير منها
وتاكدي ان كل هذا مقدر ومكتوب من زمان ماقول الا ان ربي يرده لك ردا جميلا
ويخليلك فلذة اكبادك اللى هم يسووووووووون البيت والعوض فيهم ان شاء الله
الله يعينج ويهون عليج
عليج بالدعاء والاستغفار ، ويرد لج البيت ان شاء الله ، وما يتهنى فيه لحظة وحدة
و يرد لك سعادتك و كرامتك
وهذا بيت الدنيا خل يروح ماتبينه ربي يعوضج في بيت بالاخره اللي لا عين شافت مثله ولا اذن سمعت عن وصوفه
شوفيني انا من 30 سنه قاعده في بيت الله يرحم حاله ورممت فيه كثر ماقدر وفرشته وسنعته والشاهد الله ان بيتي عندي يسوا قصور الدنيا كلها تدرين ليش ؟؟؟؟؟؟؟
لانه بيت ينذكر فيه اسم الله والقرآن مايفارقني فيه والله سبحانه مكبره وموسعه بفضله وحكمته سبحانه لو اعزم فيه عشرين عايله والله تشوفين الكل قاعد يضحك ومستانس ومايضيج فينا المكان ولا احد يتذمر
انتي خليج راضيه باللي ربي كاتبه لج ونطري امر الله وبترتاحين راحه مااابعدها راحه الصبر زين يمه عسا ربي يوسع عليج دنيا وآخره ويرزقج خيره وباجر عيالج يكبرون ينسونج كل الظيم اللي شفتيه قولي آمين