الزوج الكتوم

بصراحه بدخل بالموضوع على طول انا ابي رايكم بالزوج الكتوم اللي كل شي يخبيه عن زوجته انا اقصد بالاشياء العاديه اللي اصلاماهي اسرار وعادي لو عرفتها الزوجه اذكر لكم مثال انا كان زوجي بالاول عادي يتكلم بكل شي واحس عادي كل شي يقوله لاكن بعد فتره وخصوصا بعد مشكله بينا تغير ميه وثمانين درجه صار موكثير يتكلم ولايقول شي والسبب اللي احسه عشانه بدا يتصرف ها التصرف هو الخوف من الشماته هذا طبعا من وجهة نظره لان صارت كثير امور بعد مارجعنا لبعض تخص بيت اهله ومشاكل وكان يخبي عني خوف اني اتشمت فيهم لاكن كل شي يوصل وكل شي ادري فيه من الناس لاكن والله ماجي افتح له الموضوع ولا اقوله اني دريت من بره واخرته اساسا مو مشاكل خطوبة اخوانه مادريت الا من بره وهذا الشي اللي حز بخاطري ليش جالس يتصرف معي كذا وموقف تو صار يخص اخته لانها بمشكله مع زوجها وكان يكلم اخوه وبعدها قالي بقولك شي وش راح اسوي مع زوج اختي وفجاه قطع الموضوع وقال لا خلاص ماراح اقول يمكن تستخدميه ضدي والله من جد انقهرت منه الى هاالدرجه صار يفتكر اي شي يقولي اني بشمت او بستخدمه ضده لذالك اتاكد شكوكي ان هذا السبب اللي يخليه يخبي عني كثير امور وخصوصا اللي تخص بيت اهله انا اللي مضايقني مولان يخبي عني اي شي يخص اهله كثر مايهمني ان الزوج اللي يفكر بها الطريقه ومايحب يتكلم مع زوجته خوفا من الاسباب اللي ذكرت معناه ان مو واثق فيها وان هالزوجه مو معتبرها انسانه مقربه له مايخبي عنها اي شي واحس هالشي بدا يحط حواجز بيني وبينه

رفع

يمكن مااايثق فيكي
وعلى كلامه يمكن خايف تشمتين
وكيفه قال والله مقال احسنلك
ى رووحك على طول ماتدرين ولا تدخلين فيه سوالف اهله

حبيبتي يمكن زوجك صاير له موقف معك

عشان كذا فضل انه مايسولف لك

حاولي تكسبين ثقته من جديد

يمكن من المشكله الاولي اخذ الحذر بس انتى صارحيه عادي شوفي شنو يقول …

مو لازم خلاص ما يبي يقول بالطقاق يعني شتسوين مثلا

تلاحقينه قول قول ولا بزعل

انتي عامليه بالمثل لاتعلمينه بكل شيء وبكذا بترتاحين وصدقيني الحياه فيها جوانب حلوه ثانيه غير الزوج امرحي واسعدي واشتري سعادتك

احسن لج يكون كتوم

لانج من النوع اللي يدقق بكل شي ويدري اي شي بسيط ممكن يتحول لمشكله

هذا حل منه صحيح ترى عشان تعيشون بسلام..

انا ماحب الهذره الزايده لا من الريال ولا من المرة

الثقه مهمه بين الزوجين

لزوج يكون كتوم عندما تكون زوجته تفشي اسراره او تكون لاتتجاوب مع مقتراحاته فلذلك يلزك الصمت

وي نفس الحاله والله كل شي يصير ولا يعلم ومن جم اليوم محصل ترقيه وعرفت بالصدفه

شنسوين اذا هذا طبعه

واضح انه انقرص منج
وخايف من التواصل معاج
شوي شوي وحبة حبة وحاولي تستردين ثقته

شى طبيعى انتى الحين لو عطيتى اختك الى اهى اختك سر وبعد فتره لقيتيها معلمه وش بيكون ردت فعلك طبيعى بتقولين ماراح اقولها شى مره ثانيه