|
|
السلام عليكم يالغاليات عنوانى واضح للجميع بنات والله يحز بخاطري حيل اللى أشوفه فى زمنا الحالى خصوصا بين فئة المتزوجين قبل الزوج ماله غنى عن مرته يوم وان كثرت 3 ايام من الزعل ويتصالحون لان هى ملاذه الوحيد وهى اللى تحتويه بحبها وحنانها ودفاها وعاطفتها لاكن الحين صار لامبالاة وممكن من أقل زعله توصل طلاق بعد وممكن الزوج يهجر إم عياله وزوجته بالأيام والأشهر وممكن أكثر والله العظيم والسبب تدرون شنو المومس مع احترامى للجميع لاكن هذا الواقع عشان بنت من بنات الشات أو بنات الشقق أو المطلقات وطبعآ مو كل مطلقه لاكن بعض المطلقات اللى مستهترات وماهمهم غير شهوتهم ومايحلا بعينهم الا المتزوج الله يلعنهم دنيا وآخره بالذمه بنات شي مايحر ويحز بالنفس خلاص يا الزوج شبعت من زوجتك طلقها غيرك الف انسان شريف يتمناها ولا انك تنقل عدوى ومرض او ايدز لزوجتك وتدمر حياتها وحياتك وحياة عيالكم انا استغرب من الازواج اللى جذي وأقول حق كل وحده ماتخاف الله وهما وناستها على حساب تعاسة زوجه مستقره غيرها حسبنا الله ونعم الوكيل فيج دنيا وآخره وعساج تلقينها بنفسج وسترج وعافيتج وبيتج وبالانسان اللى تحبينه
وحسبي الله عليهم اللي يخربون بيوت غيرهم
مثل ماخذاها على مرته باجر بياخذ وحده عليها
اللَّهُمَّ اغْفِرْ لي، وَارْحَمْني، وَاهْدِني، وَاجْبُرْني، وَعافِني، وَارْزُقْني، وَارْفَعْني
استغفر الله ماعاد في خوف من الله
والاهم الخوف من الله
وهذا للاسف صار واقع والله ولايهتم بفترة الزعل لان كل اللي يبيه يلقاه اذا مومعاها مع غيرها
نسال الله العفو والعافيه
١- ما غض بصبره
٢ – ما اتحكم بشهوته
٣- ما صان لا نفسه ولا بيته
٤- ما عنده غاريه لا على شرفه ولا على شرف بيته ( كما تدين تدان)
٥- ما عنده وازع ديني
٦- نفسهم دنيئه
بنت الشارع اهي سلعه تعرض نفسها بس((((( الريال اهو يشتريها)))
يعني اهو اساس الغلط
والمشكله يدري ان ارخيصه ومليون واحد غيره ومع هذا يظل نفس ما اهو عادي عنده بالذمه شلون يرضى على نفسه
كا احنا الحريم المتزوجات الحرام جدامنا بس مع هذا صاينين عمرنا ومخلصين لو حتن كان ازواجنا مقصرين بحقنا ومعروف عن المرأه عاطفيه اكثر من عقلانيتها و شهوتها اقوى ٧ مرات من الريال بس مع هذا انصون ونخلص ونحاول كثر ما نقدر انملي عيون ازواجنا