|
|
بنات الحين الساعة 3 الفجر انا بريحاتي و طرى على بالي شي ماحب اتذكره لكن تذكرته و ابي احد يشاركني لانه كلش ما قلته لاحد و لا افكر اقوله لاحد
السلام عليكم ورحمة الله و بركاته
عزيزاتي
بنات تقريبا مرتين او 3 مرات صارلي هالموقف لكن ابي تفسير انا ما اتممنى اكون ظالمة لكن ان شاء الله اللي افكر فيه مو صج
شوفو اهو موقف بالاحرى مكالمة بيني و بين زوجي صارت 3 مرات و شكيت بشي
مرة دقيت عليه و رد علي يسولف لكن وين المشكلة؟؟؟
اني اسمع صوتي صدى صوتي ::: يعني كأنه حاط سبيكر و قلت شغلة جان اسمع صوت واحد يضحك عنده و هو ضحك @@
سكرته عادي و قلت بيني و بين نفسي امبيه مو من صجه لا يكون حاطه سبيكر و احد يسمعني شقلت!!
المهم ان هالموقف تكرر مرتين او 3 مرات و مادري هل اهوا صدفة!! زين ليش اسمع صدى صوتي !! مادري انا مو خبرة الموبايلات لكن شكيت صراحة
انا ماودي اقول سالفة بدون موضوع
انا سمعت ان الشباب بينهم يسولفون و يجيبون طاري زوجاتهم بس هل ممكن زوج يخلي رفيجه الخاص يتسمع محادثة بينه و بين مرته @@
يعني انا بصراحة زوجي ماتوقع يسويها لكن الموقف يبعث الشك و الريبة يعني انا اقول كلام يضحك و اسمع صوت واحد يضحك جنه منخش !!!
مادري يمقن صدفة يمقن وسواس!! 
زوجي احيانا يسولف عن ولادة مرت رفيجه يعني يقول رفيجي مرته ولدت و صار معاها جذي و جذي !! @@
يمه منهم صارو اخس منا يالحريم!!!
و تخيلو ساعات مثلا مرة صار معاي التهاب و كان زوجي عندي طلع و لما رجع جايب معلومات جديدة @@
او اي شي يصير خصوصا الامور الحريمية النسائية يطلع من يرجع من هالديوانية الا و جايب معلومات و نصايح
صراحة شكيت انه يكلم بنات صاير خبرة الحبيب 
ما يندرى !!!
لكم المايك
ترا بعض الموبايلات موصاحيه خخخ عاادي لاتشكيييين
وبالنسبه لسوالف الحريم يمكن ريلج يسمع سوالف ربعه ومشاكل حريمهم صار عنده خبره متنقله
يمكن كان ارفيجه يظحك على تعابير ويه زوجج وجذي لاتحكمين عليه وجان كلمتيه بنفس الوقت قلتيله منو يظحك يمك اشفيه وليش صوتي صدى
لان حتى لما يحط الهاند فري يصير صدى جان سألتيه وريحتي بالج ولا هالشك الي انتي فيه الحين ^_^
وبالنسية لسوالفة عادي
يمكن متربي بين بنات
يعني متأثر بأمه وخواته
فينعكس هالشي على طريقة تفكيره
لا تشكين فيه الله يخليكم لبعض
شلونكم
موضوعج حساس جدا بس سوال قبل لا اشارك بموضوع زوجج يغاار عليج او صاير فري معاج لانه هالايام شبابنا طايحين بموضوع خايس الله يكفينا شرهم
يسمع صوت مرته لرفيجه بس شوفي من ناحية انهم
يسولفون جايز يعني مثلا بالامور السطحيه فقط لاغير
ممكن يفيدون بعض بس اسرار الفراش والامور الشخصيه
ماكو رجال عنده غاريه يسولف فيها
بالنسبه للصدي صايره معاى فوق ال 30 مره
لا تظلمين بختج
و بالنسبه للضحك اللى يمه
سأليه عادي
و بالنسبه لج تعوذي من ابليس ولا تخلين الشيطان يلعب براسج
الله يهدي سركم و يجمعكم على ود و حب و خير
ياااارب
مجرد كان شك
لكن انا ربطت موضوعين في بعض يعني الزبدة ان رياجيل هالايام الاحظ زوجي عنده خبرة و يقول احنا بالديوانية مانجيب طاري الحريم قلت و مرت رفيجك اللي بالولادة صار فيها شدراك؟؟؟
اه منهم المصيبة يتناقشون بسالفة الولادة خاص او حكومة يعني يحللون كل شي هههههههههههههههه
عاد انا احس اشكالهم تضحك لما يسولفون عن الحريم هههههههههههههههه
وصح مرات زوجي اييب معلومات اقوله لايكون انت تسولف عند ربعك جذي !
مثلا زوجي قال ان رفيجي سفر مرته اوربا وعقبها بسنه سفرها دبي استانست على دبي اكثر لانها تسوقت واوربا ماتسوقت ويقول لزوجي ان انقهر مسفرها اوربا وقاط اخر شي حبت دبي اكثر .؟؟؟؟؟!!!!!!!!
حسيته قال تفاصيل وايد
هذا مثال
بس سالفة انه يسمع صوتج حق احد
هذي صعبة
جان سالتيه
وعلى حسب الدوانيه ان كان اروادها صالحين ولا فاسدين
والله يعينا عليهم