نظآمك اليومي وعنآيتك بنفسك المتزوجآت فقط

.
.
السلام عليكم ورحمة الله
حي الله كويتيات
اول موضوع لي هنآ واتمنى يكون فيه تفاعل
.
.
ودي اعرف كل وحده شلون نظامها بما انها متزوجه !
عنايتك بنفسك .. جسمك .. شعرك ..
كيف تنظمين وقتك !
.
.
سبب تنزيلي للموضوع اني تعقدت من نفسي

مره كسوله وماعندي وقت وانا اصلا فاضيه
دايم الوم نفسي وودي اصير سنعه بترتيب البيت والاهتمام بنفسي
الحمدلله مو ناقصني بس موب زي الناس لا اسوي الشي وانا كسلانه وطفشانه
ويوم اسوي وعشره لا
قررت اني اتعدل وابي تقولون لي شلون انظم وقتي واهتم ببيتي ونفسي ويكون روتيني اليومي
انا متزوجه وماعندي اطفال
.
.
اتمنى اللي عندها شي يفيدنآ ماتقصر ..
واتمنى ينزل الموضوع
.
.
فمان الله

الله یساعدج

نظمي وقتج بس

السلام عليكم
ما أدري شو الي تقصدينه بالضبط على العموم اي انسان حرمة او ريال لازم يرتب وقته
بالنسبة للحرمة و خاصة اذا ما عندها دوام و تهتم بامور البيت الشغله مو صعبة بالعكس زينه و بقولج نظامي
اول ما تقومين الصبح طبعا لصلاة الفجر حاولي تحطي المنبه و تقومي ربع ساعة قبل الاذان غسلي و تجهزي حق الصلاة عقبها قعدي زوجج برقة مو بدفاشه هههههههه و خليه يقوم يصلي الفجر على هو ما يتجهز للصلاة و يتسبح تكوني انتي صليتي و خلصتي حطي شوية عطر و شية بلاشر و كلوس خفيف يعني بسرعه بسرعه و جهزي له فطوره و لو تحضري له جم ساندويتش حق الدوام راح يستانس عالموضوع
المهم عقب ما تجهزي الفطور شوفي زوجك اذا مخلص و جاهز او للحين حاولي تساعديه يجهز نفسه خليه يفطر و جهزي له البخور ترى هالامور ما تاخذ وقت طويل كلها ثواني
المهم بخريه و وصليه لين الباب بابتسامه حلوة و دعوه حلوه و عقبها انا ارد اررررررررررررقد هههههههههه
عقبها بقوم قبل صلاة الظهر بشوي اصلي و عقب ادش المطبخ اجهز الغذا و السالفه ما تاخذ وقت طويل
رتبي البيت و بخريه و عقب جهزي نفسج يعني خذي شاور اهتمي بجسمج و شعرج و حطي ميك اب خفيف هذا اذا زوجج بيرد قبل صلاة العصر اذا عقب صلاة العصر خلي الميك اب لين عقب الصلاة عشان ما تعيديه مرتين
المهم جهزي نفسج و دلعي كل مكان من جسمج بالي يناسبه ما شاء الله مستحضرات العناية بالجسم واااايد و كل مكان له الي يناسبه تعطري طبعا و البسي شي حلو و جهزي الطاولة حق الغدا
ترى في وايد تفاصيل بس احس اني تكلمت وايد هههههههههههههههههه
اتمنى اكون فدتج و لو شوي بس اهم شي تقسمي وقتج صح

بيييييه ام غيثه ميك اب اول مااقوم وبعد الغدا لييش ، حرام ويهي يبي يتنفس ، الميك احطه بالاسبوع مرتين او مره وباجي لسبوع كحل وزبده وبس. عشان لا يمل كل يوم مكياج ، اخليه لما يشوف مكياج سج يستانس مو يكون شي عادي متعود .
المهم يا راعيه الموضوع بما انج ماعندج عيال
١-اتقومين للصلاه
٢- اتزهبين الفطور
٣-اتقعدينه من النوم ، ( خو انا ريلي لازم هبان اسويله عشان يقوم لوووووول)
٣- بس يطلع للدوام ، خلصي شغل البيت ، من اوتي وغسيل ملابس ، وغسيل الحمامات ، واتكنسين الصاله وغرف )
٤- اخر شي تطبخين الغدا واتنظفين المطبخ ، وتتسبحين واتبخرين البيت قبل ييته ابنص ساعه .
وابجذي لما ايي الا كل شغلج خالص ومفتكه بس اللهمه اتغسلين الصحون بعد الغدا ، واتريحين العصر معاه ولا اتحاتين شغل البيت لانج مخلصته …..
واذا الله زرقج بالذريه ييبي خدامه ان شاءالله ، اتكون للتنظيف وانتي اتجابلين البيبي والزوج ..

بحطلج برنامجي الي اسويه كل خميس ثواني بس على ما ارتب الرد

ههههههههههه لا مو قصدي فوووول ميك اب بس بلاشر و كلوس عشان الويه يبين فررررش يعني ما تحطي فول ميك اب طبعا

سالفه الميك اختي رق رق ليش بس بالمناسبات تكشخين وميك اب والمناسبات من وين لي وين
انا اعارضج الراي بصراحه ليش مره بالاسبوع
بالعكس يدخل البيت يشوفني على سنقه عشره ما اقصد فل ميك اب بس عالاقل رسمه عين ناعمه بودره مسكرا حمره ماتاخذ وقت بس احسها ضروريه وليش اكشخ للمناسبات واهمل زوجي طول الايام وقاعده ويهي اصفر

والوحده بزمنا هذا لازم تهتم بادق التفاصيل لان الرياييل متفتحين ويعرفون كل شي ويلاحظون وبنات لكويت يهبلون ريلج لو يروح الجمعيه بيشوف جميلات وكشيخات لازم يرجع البيت يشوف الاحلا ما يتحسر عاللي شافهم هههههه

اهم شي عنايه بالنظافه والريحه الحلوة والبخور واللوشنات طبعا
والعنايه بالبشره والجسم مهمممم طبعا

حبيبتي انا بكتب لج جم شغله اسويها وانتي شوفي الي يناسبج
موعن الشقة لأ عن العناية بالشعر والجسم

بالنسبة لي اقدس ايام الويك اند حيييل لانه اثنينا دواماتنا متعبة
فيكون الويك اند استراحة حلوة وفرصة تجددين فيها نفسج لنفسج اولا تالي لريلج

انا حاطتلي غرفة تبديل خاصة فيها اغلب ادوات الصالونات ( فيرات اكستنشنات رموش ميك اب بديكير منيكير وكل شي ) عشان يصير صالوني فبيتي بدال العنوة
اخلي عنوة الصالون بالشهر مرة وكل خميس يكون شغلي ببالبيت

فهذا برنامجي كامل كل خميس*
سهل وعادي ومافيه زووود كل وحدة تقدر تسويه
V
V

——————————————————————

(1)
اول شي

اخذ شور دافي مع سنفرة وكل مرة اسبح بمجموعة
مرات بمجموعة فيكتوريا سيكرت jucied berry خطيييرة

ومرات بمجموعة باث اند بودي ووركس sea island cotton ريحتها فرش ونظااااافة

ومرات بمجموعة الطفولة احبها من عمر ananya من بودي شوب
انقطعت 10 سنوات وتوهم مرجعينها

عندي مجاميع غيرهم بس هذول هبتي هالجم يوم طبعا كل مجموعة فيها سنفرة وشور جل وبودي سبريه ولوشن
ولاتنسين تستخدمين الديودرنت الي ترتاحين عليه
خلصنا من الشور والتسنفر نروح للخطوة الي وراها

(2)
ثاني شي

تنعيم الجسم

اذا كل اسبوع تسوين جذي بيخف الشعر وماراح يلحق يطلع راح تشيلينه قبل طلعته
انا طبيعة جسمي اذا شلت مايطلع دايركت ياخذ وقت
فلما تشيلين كل خميس مثلا راح تشوفين الشعر مايمديه يطلع الا وانتي شالعته مرة ثانية

بالنسبة لي شيل يا بشمع veet

او مكينة باناسونك

خلصنا من الشور والتنعيم
انيي للخطوة الثالثة

(3)
التعطير

بالنسبة لتعطيري في شغلات ثابته ما اغيرها وفي شياء احطها حسب ريحة الشور جل والبودي سبريه
يعني اذا تسبحت بفكتوريا سيكرت ما احط عطر فرنسي لأ ارد احط البودي سبريه عشان تركز ريحة التوت ،، او اذا سبحت بمجموعة فراولة احط نينا التفاحة
بس اذا سبحت بمجموعة ريحتها فرش مثل باث اند بودي ووركس احب اتعطر بستيلا
او جوسي او فيفا روك او اي عطر ريحته نظافه

يعني اربط ريحة الشور جل والبدي سبريه مع ريحة العطر الي بتعطر فيه ان شاءالله فهمتي قصدي*
وفي شغلات ثابته بالتعطر احرص عليها ما اغييرها مثل

مسك العروس

ماخذته من مكة واكو منه شكثر بالقرشي واماكن غيره ،، احطه بشعري واهو مبلول
ورا الاذن + الرقبه
وبأماكن النبض

وبالنسبة لماي الورد

احطه بمرش وارشة عالمنطقة الحساسة لسببين
الاول عشان يخفف حرقان شيل الشعر ويخفف الاحمرار
السبب الثاني عشا يعطي ريحة حلوة للمكان
( وراح اتكلم عن تعطير المنطقة بنهاية ردي هذا )

خلصنا من السبوح والحف والتعطر
انيي للبس والشعر والميك اب

يتبع ،،،

تابع ،،،،

(4)
اللبس والشعر والميك اب

بهاليوم احرص البس شي يديد لانه اعتبر هاليوم استراحة عقب تعب اسوع كامل
فيا البس قميص يديد او شايفه مرة منزمان وناسيه
او البس ستايل يديد يعني تنورة جينز قصيرة مع توب كورسيه ،، يعني انتي وابداعاتج نوعي كل مرة والله يخلي السوق متروس شماطيط اشكال والوان

الميك اب ثقليه عن كل مرة عشان يتغير شكلج بهاليوم
والله يعافي فديوات اليوتوب فيها شكثر ستايلات ميك اب وبلاوي وسهل تتعلمينهم ( تذكري انج تتعلمين وتغيرين لنفسج اولا تالي لريلج )
عندج الرموش التركيب اذا حطيتيها تغير شكلج حيل وتفخم الميك اب حتى لوكان ناعم
قذلتج لعبي فيها اذا تعرفين ،، انا كل اسبوع اقص قذلتي بالبيت وايد تغير شكلي
حطي اظافر تركيب تعطي لوك حلو للإيد

خل اتكلم عن وحدة وحدة

خلي عندج كذا نوع من الفيرات
الي راسه المتين عشان تخلين شعرج ستريت ( ياخذ خصل وايد ويطيحهم لج بسرعه )

وواحد ثاني راسه ضعيف للويفي

خلي عندج اكستنشن عساس تثقلين شعرج وتغيرين ستايله عن ايام الاسبوع

لعبي بستايل شعرج مرة خليه مفلول مرة نص مرة ستريت مرة ويفي
حاولي كل 6 شهور تغيرين صبغته عشان مايتعب
وهيك يعني تقدرين تلعبين بشعرج وانتي بالبيت
حتى ستايل القذلة تقدرين تغيرينه مرة خفيفة مرة ثقيله مرة على جنب مرة على كامل الجبهه ( تعطي لوك كيوت مع عدسات تكير العين )
كل هذا وانتي بالبيت مدام عندج الادوات وحب التعلم ،، وهم طلي على فديوات اليوتوب وشوفي حركاتهم بالشعر يشوقون راح تستفيدين

بالنسبة للميك اب
حطي ستايلج الي تحبينه بس ثقليه شوي مثل ماقلنا
تجرأي بالوان الحمرة ( حطي فوشي واحمر وكرزي وعنابي ونيود وكل لون يطري عليج )

لبسي عدسات

كل مرة جربي لون وايد راح يفرق شكلج وتحسيين بتغيير ،، اختاري العدسات الي تكبر العين تعطي لوك كده

حطي رموش مثل ماقلت مساع

اشكال وموديلات اكو اخذي مرة رموش ثقيلة مرة خفيفة مرة الي اييون عالجنب مرة الي فيهم ستراس اسود ،، حلو التغيير راح تستانسين على عمرج والله

صبغي اظافرج او ركبي اظافر french style

خلصنا من التزهلق انيي حق اخر خطوة مهمه

(5)
تعطير المنطقة الحساسة

طبعا مو اي شي ينحط عشان الحساسية والالتهابات موزين
وانا خليت هالخطوة اخر شي عساس تتسوا قبل اللقاء بين الزوج وزوجته بوقت قصير

اول شي تتشطفين بماي دافي

عقب تستخدمين اي غسول تحبينه ( فيم او كير فري اثنينهم احبهم واكو انواع وايد غيرهم )

اذا حابة تستخدمين المناديل عقب الغسول كزيادة تعطير وتنظيف براحتج

وعندج مرش summer eve وايد حلو وماينحط عالمنطقة دايركت لأ لازم تكونين لابسة شي ومن على مسافة تالى ترشين عشان مايدش داخل

تقدرين تحطين قطرات مسك بقطنه وتمسحين اخر شي

——————————————————————

هذا الي اسويه كل خميس من كل اسبوع اضرب عصفورين بحجر
منها عناية بالجسم والشعر وتغيير ستايل وتغيير شكل وتونسين نفسج لما تشوفيين التغيير
وبنفس الوقت تونسين ابو الشباب

سوالف كريمات شعر وجسم وحمام مغربي اسويهم مرة كل شهر

وخلال الاسبوع انصحج تلبسين بجامات بناتية من لاسينزا واوشيو وحتى ماركس اند سبنسر عندهم نفانيف قطن حلوة للبيت بناتية ومريحة

حطي عطور خفيفة تميل ريحتها للبودرة حق البيت اريح من العطور القوية
وانصحج حق السبوح اليومي سبحي بشاور بالموليف thermal spa
وحطي معاه اي بودي سبريه ريحته نظافة

والله ريحتج بتصير شي موطبيعي فرش ونظافة خطيرة ماراح تتحسفين وحطي شوية مسك على رقبتج وااااي والله جربيه وبتدعين لي
ريحة الشامبو بروحة بدون سبريه ولا شي عجييييييييبة والله كلما اسبح فيه ريلي يقولي ريحتج عجيبة فرش وتهف من بعيد
امانة لايطوفكم خطييير موجود بكل جمعية

سوري قرقت وايد بس حبيت افيدج لو تخصصين لج يوم واحد حق نفسج راح ينعكس عليج حيل وبالتالي ينعكس على علاقتج بزوجج راح يتشفق حق هاليوم هذا

والله هالشغلة يبيلها تنظيم وتعود ،، جذي راح تكونين دايما مرتبة ونظيفة ومعتنية بنفسج كل اسبوع بالبيت وبالصالون مرة بالشهر

وبس تعبت لوووول

اب لعيونك

نايس الصراحة موضوع صج مفيد للكل متزوجة او غيره حلو الاهتمام بالنفس وموضوع يشجع ويفتح النفس

الله يعطيج العافيه كفيتي ووفيتي