|
|
مرحبا بناتابي اقولكم مشكلتي انا وزوجي لو انتم مكاني شبتسون
طبعا حياتنا انا وزوجي ما تخلو من المشاكل
اخر مشكله صارت قبل يومين
والحين انا عند اهلي
انا بختصر في الكلام
تمشكلت انا وزوجي ع شغله لين كبرت السالفه بعدها وداني عند اهلي
وقالي لما يتعدل اسلوبك معاي دقي علي
وقلتله انا وهم انت لما يتغير اسلوبك تعال اخذني
وكل واحد منا يحط الخطا ع الثاني
انا صراحه ودي ارجع بيتي ولزوجي لان حنا نحب بعض
مليت انا وياه كل يوم في مشاكل صار لنا سنتين واكثر وع فكره ما عندنا عيال
انا مو مقصره معاه بشي بس فيني شي انا من النوع اللي ارعل بسرعه واعصب واواقط كلام عليه من دون شعوري
لانه يقهرني لانه يقصر معاي في شغلات
كلنا نحاول نعدل اسلوبنا بس ما في فايده
وبعدين لاصآرت مشكله وشد زوجك لازم آنتي ترخين . . وهو بعد لاشافك معصبه مفروض يطلع من البيت
ولا يتناقش معآك وآنتم بهالحاله
تعلمي اذا هو معصب اسكتي ولاتعلقين ابد
اوكي الموضوع ماينسكت عنه فيه شي اسمه نقآش
من يهدى تناقشي معاه بأسلوب حلو
ونصيحه مني لاتخلي المشاكل تكثر ببيتك بذكآئك تقدرين تحلين المشكله بدقيقه
وربي يامآ قهرني ويآما كلامه وحركاته مرآت تعور قلبي بس اسكت وابلعها
وبسكوتي يحس بذنبه ويتأسف
ومرات كل واحد يقط كلمة على الثاني حتى نتهاوش وتتعب نفسيتنا على الفاضي وعلى
شي تافهه
بس تعلمت اني لاشفته معصب (صمت) حتى يقول اللي بقلبه
ومن يهدى اقول اللي عندي
وبسألك دامك تقولين ان حياتكم ماتخلو من المشآكل . . انتي تشغلين سورة البقرة ببيتك . . . ؟
سورة البقره يابنااااااااااااااااااااات تطرد الشيآطين من البيت وتبعد عنكم المشآكل ان شاء الله وتخلي
نفوسكم مرتآحه
كل يوم شغليه بغرفتك ومن يخلص اقلبي الشريط وهكذا كل يوووم . . وشوفي شلون راح تنشرح صدوركم
وبعدين لاتعودين زوجك ينام بعيد عنك مهما صار لاتطلعين من بيتك
ولاتدخلين احد بحياتك حتى امك وابوك انتبهي هالشي يجرح الزوج وتحرجينه
تبين تفضفضين لهم اوكي عادي .. بس لايتناقشون معاه بأي شي
واللي فهمته من كلامك مشآكل عاديه مو ضروري يدخلون فيها الاهل
على العموم هدي نفسك وربي يسخركم لبعض ان شاء الله
كل بيت فيه مشاكل وكل شي بالتفاهم ينحل أتصلي عليه وقوليه موافقه بغير أسلوبي ولازم بعد تتحكمين بعصابج واذا شفتيه معصب لاترادديه
نطريه يهدى وقوليه عن كل الي بخاطرج
لا تخلين مشاكلج تطلع برا صدقيني بزيد
ومو على كل شي تزعلين بسرعه
ترى بمل منج ولا اعبرج يتعود على زعلت
وبعدين حصني نفسج يمكن عين
عسى الله يبعد عنكم العين
الله يهديكم لبعض
وأشدد على انه اذا كان معصب انتي خليك ساكته لو يقول كلام كبير بعد خليك ساكته صدقيني بيتندم اما اذا راددتيه والله مايحس بالذنب بالعكس بيقول تستأهل الكلام اللي قلته
مهما كان مااطلع من بيتي وانا زعلانه غلط كبيررررررررررر لانه بهالفتره تنقطعين عنه واه بعد
ويتعود كل زعله جذي ..
والدنيا حياة وممات الحين ردي بيتج وتعوذي من ابليس وتعذري
وترى الحب مو مهم اذا ماكو احترام لانه الحب بيروح بسرعه والرجال يكره بسرعه
فاذا مولاقي الاحترام صدقيني ماراح يفرق عنده حبج
تعوذي من ابليس ولا تقولين انا عصبيه كلنا عصبيات اذا انتي لسانج متعود يغلط كل هوشه اسكتي
وروحي بعيد عنه لاتجادلين لانه مرات الوحده تقط كلام يهدم بيتهااااا والله جد نصيحه الرياجيل
كل واحد له طبع بس عندهم شي مشترك انهم اذا كرهوا كرهوا مافي مجال يرد مرا ثانيه
والله يهديكم لبعض
كلنا نمر بمشاكل وهوشات ساعات جايده وساعات خفيفه
بس انتي لازم تنقذين بيتج وتمسكين غضبج خليه اهو يعصب ويصرخ وانتي سكتي خلي الخطا دايما عليه انتي لاتطلع منج الزله
ادري بني ادم ومو بيدج هالشي بس حاولي عشان بيتج وعشان ترتاحين صدقيني بتحسين بالفرق
لاتهدمين بيتج بيدج
يدور وحده غيرج تريحه وتعطيه الحب والحنان والهدوء والدلع ..!!
ردي حبوبه لبيتج وازعلي ببيتج انتبهي تطلعين الا على الجايد الله لايوريج إياه
واذا ع الأسلوب أكيد بيصير اختلاف بينكم هدي نفسج وحاولي تحلين الامور بينكم اذا صار هو طايش انتي خلج عاقله وأقضبي بيتج نصيحه مني
الله يهدي سركم
بس اهو طردني و نزلني عند اهلي
وقالي لما يتعدل اسلوبك دقي علي
احسها شوي صعبه اذا رديت واهو طاردني
بعدين كله يحط الغلط علي واهو يبري نفسه
هني يقهرني
انا صراحه احبه ودي ارجع لبيتي بس كرامتي ما تسمح لي
همس الخفوق انتي. كنتي. مطرشتلي خاص ؟؟؟
مهما يكون هذا ريلج وان شالله ابو عيالج مايصير بين كل مشكله والثانيه تعصبين وتقطين حجي
مو عدله بحقه