قائمة الممنوعات الزوجية

شلونكم يازوجات …يا السنعات … يالحلوات … وأهم شي ………………….
يالمطيعات
اليوم موضوعنا عن قائمة الممنوعات
طبعا كل وحدة فينا ريلها حاط لها قائمة ممنوعات
هذا إي … وهذا لأ … هذا يصير … وهذا ما يصير … روحي هالمكان … ولا ترحين هذاك … لبسي هالبس حلو … وذاك اللبس موحلو

أول شي أحب اوضح اني كاتبه هالموضوع عشان نضحك ونستانس ونعزي بعض لأن الواحد لا شاف مصيبة غيرة هانت عليه مصيبته ( اسم الله علي حكييييييييييييييمة ) مو عشان نعذرب برياييلنا – الله يخليهم لنا – يعني اذا ما رضى البس هاللبس رضى البس الثاني … واذا منعني من مطعم فهو سامحلي بالف مطعم غيرة .. واذ منعني من مجمع في اميه مجمع غيرة مامنعني من الروحه لهم …
بنات فهمتوا شنوا قصدي … يعني نكتب بالموضوع ونستانس بس ما ننسى طيب رياييلنا
ابدأ آنا …………..
ريلي ينيه ولا طلعة الرفيجات …. يعني بنات يتيمعون ويطلون يتغدون ولا يقعدون بكافيه ولا سينما … ممنووووووووووووووووووووووووووع وطبعا لا قلت له حبيبي ابي اغير جو بدال مجابل اليهال احس اني تعبت ودي اشم هوا .. يقولي ……………. آنا اوديج يربي ودي اطلع مع صديقاتي مثل اول واستانس … بس خلاص تعودت ودامه مو مقصر ويطلني كثر الله خيره ( ترقيع )
الممنوع الثاني مطاعم البحر … يعني سوالف فرايديز وابل بيز … انسي كله هناك مسخره ومصبنه
المارينا مول من المناطق المحرمة والمارينا الي فيها المطاعم ( حتى والله ما اعرف اسمها ) عاد هذي عمري ما دشيتها
وفي الوان وموديلات … ممنوووووووووووووووع
يلا عاد الحين يالمتزوجات كل وحدة تدلوا بدلوها …

تسلمين على الموضوع الحلو

من الممنوعات ستار بكس هههههههه مادري ليش حتى لو تيك أوي
تخيلوا اذا ابي ستار بكس لازم اروح مستشفى هادي او المواسات <—– من المسموحات

صج الريايل فصصصصصصصصصصصصصله

ههههههههههههههههههه

خوش موضوع خل انحش فيهم دامهم بالدوام لوووووووووووووووول

عاد موضوعج خلانى اشوف ميزه حلوه في ريلى انه ماكو شي عنده ممنوع اهم شي افج عنه خخخخخخخخخخخخ

ويه ياحليله تونى انتبه …..

انا احط قائمة ممنوعات شطولها قبل لا اهوه يحطها عفية علي مطييييييييييييييعه

الحمدلله ماكو ممنوعات تذكر ..
ما عدا المجمعات مارينا والافينيوز وربعهم بالويك ايند .. الا للضروووووووورة ..
المسيلة على قولته مكان ريحته فايحة بس انا من قبل لا اتزوج وانا ماروح ما اطبه ولا افكر اطبه ..
امممم شنو بعد ؟
طلعات بالليل متأخر انا اصلا بيتوتية ارد مبجر ..
في اماكن يفضل اني البس فيها عباية وانا اصلا البسها من نفسي
يعني الحمدلله ما انطره يقولي لا انا اعرف شنو اللي ما يحبه ..

إي عادي اهو ما يحب المكان نفسه … بس عاد تيك أوي ممنوع .. ليش يعني شنو الحكمة ياترى

الله يخليه لج … بس انتبهي هذي مو حلوة ان اهم شي تفجين عنه …

مطييييييييييعة … والله يكملج بعقلج
هذي المره السنعة … ماله داعي الحنه ودوخة الراس
بالأول وبالآخر بتسوين إلي اهو يبيه

صراحه موضوووووع روعه!!!!!!!!!!!!
اكثر شي ممنوع عند زوجي اني اطلع من دون لا اعطيه خبر!!!!
ثانيا: اروح مع السايق ابروحي(((مو معاي احد- ممنوع)))
ثالثا: اركب تاكسسسسسسسسسسسسي(((ممنوع))
رابعا:البس عبايه كتف(((اصلا ما احبها)))

وبس………!!!!!!!!!!((((((يعني كلش)))))))))))))

ثانكس على الموضوووووع خيتوووووووووووو…
انا عن نفسي ريلي مرات يرضى اطلع مع رفيجاتي ومرات نووو (شنو الحكمه :يقول علشان اترفهين عن نفسج بس مو حلاو كل يوم..وباجر اتعودين وكله هايته وامخليتني وامخليه اعيالج)
واي مكان اروووحه عادي اذا وياي امي او خالتي او اي احد من اعيالي (مارينا افنيوز فنار…..وكل المطاعم الا هارد روك ما ادري ليش لووووووول)
ممممممم اللبس اهو ما يقولي الا لبسي شيء مستوور ..وعموما انا البس اللبس اللي يناسبني(وخاصه اني متزوجه وام ومتحجبه..يعني انا امراعيه هالشيء )
وكل مكان اطلع اعيالي مسيله اكوابارك..سيتي سنتر ..حديقه الشعب كل مكان..بدون احدووود (حق اللعب )
والسينما مسموحه لي ..
وعموما ريلي يطلعني كل مكان (يعني بدون مبالغه لمن اطلع معاه استانس حدي )
والسفر الا مع امي وخالتي اللي اهي امه ومعاه بس ….(يعني اي احد ثاني نوووووووووووو نوووووووو)
واهم شيء عنده اني ما ارد تالي الليل يعني 10 ونص بالكثير انا بالبيت..بس في استثناءات..(ارد يوم السبت من بيت امي الساعه 12 ونص تقريبا لان بهاليوم يمعتنا)
الشبك مسموح لي …(واهو ما يحدد وين ادش ووين ما ادش لاني قد هالشيء لووووول)
مكياج ..اهو يفظل اني ما الطخ ويهي دايما الا في المناسبات وطلعاتي معاه اوكي (وعموما انا هالشيء متعودته من بيت اهلي..يعني عاده قديمه )
التلفون …مسكين بدون حدوووود عادي ..يعني اي وقت ادق او استقبل مكالمات عادي …(يدري حريم ولازم حش لو نص الليل)…

وملاحظه هامه هامه هامه كل الامور اللي انا قلتها كانت كلها ممنوع اول سنه من زواجنا منعا باتا بدون اي استثناء..بس بعدين كلها سمح فيها وعادي ..واول ما تزوجنا بس عبايه الحين مشكل عبايه وبدل…

وانا اول ما تزوجت ما كنت متحجبه اهو حجبني..فانا استشفيت من تصرفاته ..انه يبي يمنع كل شيء كان عندي عادي اول الزواج علشان اتعود بعدين لمن يقول كلمه (لا) واحنا متزوجين ..وهم علشان اتعلم اطباعه..لان بيت الاهل غير عن بيت الريل ….

ومشكوره على الموضوع والله يوفق الجميع

على الردود والتفاعل …
وبيني وبينكم مو كل شي يقولونه غلط … يعني لازم الوحده تعطي ريلها خبر اذا بتروح اي مكان مو معقوله تهيت وهو ما يدري عن هو دارها … وصدقيني هذي غيرة من زود الحب يصك عليج ما يبيج تروحين مكان ولا تطلعين ( ياسلام قمة الرومانسية )
وبعدين سالفة اللبس اهم لهم ذوق معين أو نظره معينة – والله مادري عنهم – المهم انا عن نفسي متحجبة ولبسي ساتر وما احط مكياج واذا حطيت خفييييييف وبدون حمرة واذا كلش حطيت جلوز ( عشتوا يعني كاشخه ) ومع هذا بعض المرات يعترض على بعض البدلات أو الموديلات أو الالوان
بس الصج ينقال غاليا يعجبه لبسي وما يتكلم … وآنا صرت من نفسي ما البس الشي الي احس انه ما راح يعجبه … بعد ماله داعي الحجي الزايد وعوار الراس
يلا بنات كملوا القائمة ……………

اكيد خيتوووو..بعدين مع العشره والوقت سبحان الله الوحده اتاقلم مع وضعها…وابرووحها ابرووحها اتسوي اللي اهوه يعجبه…وانا معاج انه يغار بس ابنفس الوقت انت عرضه وشرفه..يعني ما يصير يهيت شرفه وعرضه ويخلي اللي يسوى وما يسوى يتفرج …
وبعدين هم الرياييل يحس نفس لي سيطر على الوضع وقال كلمه (لا) لو مره بلاسبووع يحس نفسه (سي السيد)
لوووووووووووول …
بعد شنسوي الزوج اهو ولي الامر من بعد الوالد ..واهو حاكم الدوله(اللي اهو البيت)…واهو اللي يكد (لتامين لقمه العيش لوووووووول)….لازم نسمع كلامهم وانطيعهم…
وطاعه الزوج واجبه..
…والحمدلله على كل شيء ….في حريم ااعرفهم حتى بيت اهلها ممنوع …حتى العتبه اللي يم بيتهم ممنوع اتخطرها…لا معاه ولا بروحها..يعني من يتزوجها اول يوم ادش البيت فيه… لي اتموت اهني يطلعها علشان يوديها صليبيخات..لووووووووووول…. حتى طبيب ماكو…امخليها اتعيش على التداوي بالاعشاب..

الله يفرج على كل وحده اهمومها ويصبرها ويوفقها في حياتها ويجزيها كل خير اميييييييين

ربى يوفقكم مع ريايلكم ويوفقنى معاكم والحمدلله على كل حال

الحمدالله مافي ممنوعات جايده , بس ممنوعات على الخفيف يعني لوول

1- السفر مع رفيجات او خوات لا
2- ماكو طلعه بعد الساعه 9 بروحي
3- مكياج اوفر لا, اما اذا معاه عادي

والقااانون اليديد ,, ممنوع منعا باتا اخلي بنتي مع الخدامه لاي سبب من الاسباب

وبسس

اول شي ريلي ما يحب السينما عنده ممنوع ما يرتاح فيها و اهوا اصلا عنده اول ما ينزلون .
مايحب اللبس الضيق و الترينقات ماادري ليش؟؟
و بس

عاد هذا حدة صعب الله يعين مرته يحليله يطبق المقولة إلي تقول … احم احم ( المرة ياعيالي مالها الا ثلاث طلعات .. طلعة من بطن امها وطلعة لبيت ريلها وطلعة لقبرها )
عاد بصراحة موحلو الريال صعب لهالدرجة يعني العقل يقول اذا اردت ان تطاع فامر بالمستطاع
ولا اشرايكم …

لايبه زوجى ملتزم ولله الحمد يعنى موراعى خرابيط بس مايحب الحنه وانا حنانه شوى لوووووووووووووووووووول

مشكوووووووووووووووووووووورة حبيبتي عالموضوع الرائع والله كنت بنزل سؤال بهالموضوع بس سبقتيني صج من سبق لبق ههههههههههههه انا ما يرضالي ارووح المارينا والأفنيوز وسوالف السالمية وحولي بالويك اند وخصوصا بليل بروحي بس الصبح لأ آخذ راحتي وما يرضالي اسووق سيارة اهئ اهئ قالي ااذا بتسوقين حدج جمعية وبيت اهلج وفترة الصبح طبعا لوول =)
يقولي اذا بتطلعين انا اوديج واييبج مممممم اي ما يرضالي البس واكشخ حق احد ثاني قبل لا اكشخ له وبس اذا تذكرت شي يديد بكتبه =) ومشكوورة اقييين عالموضوع