سويت هالعمل لوجه الله وسبحان الله تحقق حلمي لك الحمد ي رب

اخباركم جميعااا..اتمنى لكم الصحة والعافيه دووما ي رب..

بنات ابكتب لكم تجربتي الشخصيه من اجل تستفيدون وتفيدون غيركم..اناا كااي بنت كان حلمي اني اتزوج وربي مريت بظروف الله وحده عالم بهاا كنت عايشه مع اهلي بس وربي كنت اتمنى رحمة الله بكل لحظه لاني مريت بظروف حيييل قاسيه وذقت معاناة وتحطيم من اخواني وخصوصاا امي اللي ماقدرت افعل شئ غير اني اتحمل لاجل ارضيهاا..وكان رضااهاا حيييل صعب ولكن الحمدلله ربي كان ارحم من امي فيني وعوضني بوحدتي وعن الناس كلهاا ولك الحمد ي رب..

المهم العمل اللي سويته اول شئ دائماا اكرر هذا الدعااء بكل وقت تقريباا (حسبنا الله سيؤتينا الله من فضله إنا إلى الله راغبون )
وايضاا كنت اكرر هذا الدعاااء((اللهم اجعل همي اخرتي))
وسويت هالعمل لوجه الله حطيت صحن دائري مسطح في نهااااية استراحة بيتناا وحطيت به بقايا ارز ودجاج وسطل موووويه للطيور والقطط وربي عودت اهلي واخواتي ع هالحركه لانهاا بتنفعناا في الدنياا تحقيق احلامناا والاخره الجنه ان شاء الله..
والحمدلله ربي حققهاا لي انخطبت وملكت وحددو زواجي ولله الحمد((ماشاء الله))
لااخفي عليكم بنات اناا ربي حققهاا لي لاني دائماا واثقه بربي وحاسنه الظن بالله واقول كل يوم سوف يتحقق احلامي بارادته وقدرته لانه قال اناا عند حسن ظن عبدي بي والله ي بنات مااتفائل بشئ الا ربي يحققه لي سبحان الله..
ابقولكم تجربتي الشخصيه انخطبت اختي واقول بالي باذن الله انني سأجهز زواجي معاهاا وكانو اخواتي يضحكون علي لانهااا مرت 5 شهور ولم انخطب ولكن شاء الله انني انخطب وملكو علي قبل ملكة اختي سبحان الله الله اذا اراد شئ قال كن فيكون والان باذن الله ساجهز زواجي معاهاا مع انهم حددو زواجي قبلهاا شوفو تفائلي تحقق ولله الحمد والان اخواتي تعلموو درس مني واعرفوا ان حسني ظني بالله حقق لي ماتفائلت له ولله الحمد..وحتى هذه اللحظه متفائله ومتيقنه بالله انني سارى امنياتي كلهاا ستتحقق بارادة الله وقدرته وبقوله كن فيكون..

اخواتي لاتنسووو ارحموا من في الارض يرحمكم من في السماء ارحموو الطيور والقطط فان الناااس تتهاون بهاا وتعتقد انهم لايحتاجون لرحمة والله قال ارحموا من في الارض يرحمكم من في السماء فلنرحمهم كي ربي يرحمناا ويغنيناا بفضله عمن سواه..

ولاتنسو صلاة الليل والناس نيااام والصدقه ع المحتاجين والفقراء والدعااء بالالحاح واعتقدي ان حاجتك ماراح تحصلينهاا الا من ربك لذلك اقطعي امل الناس ولاتخلين بالك غير امل ربك واطلبيه وفضفضفي صدرك له صدقيني اطردي همومك لربك هو اعلم من اهلك بحالك..

بنات كان ودي اقولكم ظروفي ومعاناتي اللي عانيت منهاا لكنهاا ماضي ولاابي اتذكره لكني مستعده لاي بنت ودهاا تعرف كيف كنت اعاني من هموم عشان تعرف ان الهموم مصيرهاا تنزاح تراسلني خاااااص ومستعده اعطيهاا ايميلي او البي بي حقي ماعندي مانع لكن طلبتكم لاتنسون تدعولي فاناا الان مقبله ع الزواج ومحتاجة تدعولي بالتوفيق والسعاده والذريه الصالحه..