|
|
السلام عليكم
انه عضوة جديدة بس متابعتكم من زمان
عندي مشكلة وابيكم تساعدوني فيها
انه متزوجه وصار لي 7 شهور زوجي حنون ويحبني بس مشكلتي وياه انه يخوني وكل مرره اكتشف واواجهه و يوعدني انه ما يكررها
اول شهر زواج شفت عنده صور بنات وارقامهم ومسجات وواجته وقعد يبجي و طلب مني اسامحه وفعلا حاوت اتناسى وماقدرت بس ساكته وكاتمه بقلبي
وعقب فترره اشوف دايما ارقام تجيه ومايرد ولما اساله يقولي صديقي ومابي اعور راسي معاه وانه مصدقته بس بنفس الوقت قلبي ناغزني ومرره كان طالع يشتري اغراض من الجمعيه ورن تلفونه بنفس الرقم ورديت وطلع ان بنت وصكته في ويهي قمت وفتحت المسجات وقريتها وتأكدت انها بنت وكاتب لها انه بروح لها وبشوفها وبيتفاهم وياها لانها من بلد ثاني
ولما رجع سكت ونمت ليين يوم ثاني رجع من الدوام وانه حاقرته ومااكلم عدل قال سالني شفيج يا فلانه سكت وتم يحن و واجهته عن الموضوع وحلف ان مابينها وبينه شي وان دز لها المسج عشان ماتتصل له مرره ثانيه وان بينهم علاقه سابقه وعقب نقاشات حاده قلت له يغير رقمه وووعدني ان يغيره وماغيره وسكت عن الموضوع لاني تعبت من كثر مااقوله ومااحب الحنه
ومررره في مشكله تافهه بينه ليين ما حولها الى مشكله كبييييره ومد يده عليي وطقني طق ذبحني وشوه ويهي زين ماانبطت عيني .. وكانت اول مره اكلم فيها اخته واقولها الموضوع وياتني على طووول اهي وعمتي امه وغسلوا شراعه وعمتي تمت تدعي علييه على الي سواه فيني وعلى طول ودوني المستشفى وتعالجت والحمدلله كانت رضوض وتم يدز لي مسجات يتاسف وانه حس بغلطه وحقج علي ومن هالحجي والمهم حقرته لييين بالليل وياني مره ثانيه الغرفه وتاسف ويات حماتي وعطته محاضره طويله عشان يتادب وشرطت عليه يغير رقمه عن مشاكل البنات ووافق
عقب ماغير رقمه انه تطمنت وقلت الحمدلله محد باذينا ولا احد بيتصل له ومن جم يووم اشوووفه حاقرني وماله خلقي وحالته حاله عرفت ان السالفه فيها إن والمهم كلمته شفيك قال مافيني و5 ايام مانكلم بعض عدل وينام عني واسكت وانام
امس لما نام قمت وفتحت تلفووونه وشفت مسجاااااااته ويه وحده ولله يا بناات صادتني رجفه في جسمي وماعرفت شاسوي قمت اتصلت على الرقم ماردت فجاه فتح عييينه وقالي شفييييييييج صكي الابجوره اذيتييني وانفجرت وصرخت في ويهه وقلت لك اني شفت مسجاته ولعبته
على طوول تم يصااااااارخ وعطاني كف ونادالي امه وما كان له داعي يناديها مشكله بيني وبينه ليش يدخلها والمهم يات واهي تتكلم وانه تتكلم واهوو بعد وصاار صرااخ اهي تبي تهدينا بس ماقدرت وانه وايد كنت منفعله واهوو بعد
وصلى الفير وطلع من البيت وانه قفلت باب الغرفه علي ونمت لييين 10 ونص رجع طق الباب فتحت له وعطيته ظهري ونمت
المغرب اول ما قمنا تميت اكلمه عن الموضوع بس اهوو للحين منفعل وانه كنت وايد هاديه وقالي لا تكلميني الا عقب اسبوع لان الي سويتيه مو شوي قصده اني فتحت تلفونه بدون علمه وحاولت وحاولت ليين ما وصلنا الى اني ارجع بيت هلي افكر واهوو يفكر عشان نووصل حق حــل؟؟!!
وحماتي كلمته ان مو عدله اطلع من البيت بس وايد منفعل ومااقتنع انه خذيت اغراضي ومشيييييييت
والحين انه في بيت هلي وما قلت لهم شي عن كل الي قلته وكل مررره اقول بتكلم حق هلي اخااف تكبر المشكله وتغلظ القلوب على بعض .. بس عمتي وحماتي تقريبا يعرفون كل شيي عنه !!
بناااااااات ساعدوني عطوووني حل انه وايد تعباااانه موعارفه شلون اتعاامل وياااااااه ومابي اسكت ليين ما تكبر وتزيد علاقاته ويصيدني امراض منه
ريحوووني الله يريحكم واااايد تعبااانه وادعوا الله يسخره ليي احيانا احس ان عيييين صايدتنا من تزوجنا واحنه في مشااااااااكل .gif "Eh S(11)")
.gif "Eh S(16)")
يبيله انه يفهم ان بنات ابليس وخرابيط الشباب بتهدم بيت توه قاعد يبنيه
ان ما فهم هالشي بروحه ماكو احد بيقدر عليه
ربج كريم ادعيه
شبقى وماسويتي عشان يتادب
وما تأدب !!!!!!!!!!!!!!!!!!!
عسى ما ييت اكتبلج حل، ارد امسحه، لانج سويتيه !!
انتي حتى اهله علمتيهم وكفو عليج!
بس هم ماتأدب !!!
يابنت الحلال،
اهوه قلبه متعلق بوحده ؟؟
يعني انتي الي شفيتهم مجموعه بنات والا بنت وحده بس!!
لانه اذا يحب ، مراح يفج !!
وهذا الواضح !!
غير رقمه ،، وعطاها رقمه اليديد !!
شالسالفه!!
انزين انتي ساليته اذا مقصره بحقه في شي؟؟؟
شالي مو موجود عندج وموجود عند هالبنية؟؟
خلج الحين ابيت اهلج
هذا اخر حل ممكن تسوينه !
جربتي الهواش، جربتي تفضيحه جدام اهله، وحمدلله ان اهله في صفج ومعاج وماقصروا
والحين جربتي اتقعدين ابيت اهلج
وعندي احساس قوي يقول انه مراح يتغير حتى لو يتاسف
ماكو حل غير انج تواجهينه وتخلينه يفتح قلبه
ساليه منو هاذي؟ وليش يحبها جذي؟
ساليه انتي شقصرتي عليه فيه؟
اعينيه على نفسه ، وعطيه مهله اخيره اذا تصالحتوا،
واذا سويتي كل الي عليج وهم مافاد
خل يسمحلي اهوه ، بيوصلها لطريج مسدود!!
باجر وراه مسؤوليات وعيال !! اذا مافج حياة المراهقه من الحين، متى بيفج عنها؟؟
جم عمره ؟؟
الله يعينج والله مادري شقول
Up
قولي لاخوانك الرجال يتصرفو معاه
انتي راعيتي وخفتي ان القلوب تغلظ على بعض
طيب ليييه هوه ماقدرك واحترمك
لازم موقف صارم يوقفه عند حده
انا اقول اذا انتي باقيه عليه شوفي احد ثقه من اهلج و تمونين عليه مثل احد من اخوانج يكون قريب منج وايد و كلميه بالموضوع و قوليله مابي احد يدري وخل يكلمه او يكلم ابوه او اخوه الكبير
ويقوله بنتنا مو رخيصه عليها و بيض الله ويها الي سترت علي هالكثر و لو هبي مو متربيه و من طيب اصلها ما سترت عليه بس اهو الي فضح عمره
جانه يبيها يتسنع و يصير ريال و جانه بايع خل يقول ول يبهذلها معاه اكثر من جذي و تردين لهم و انتي وحده و خفيفه احسن من معاج ياهل
و صلي صلاة استخاره و الله يهدي النفوس
عمره 30 المفروض فاهم وناضج
الي ذابحني ان مو نفس البنت عشان اقول ان يحبها ومتعلق فيها ولما اقعد معااه واساله يقوول مايسوون ظفرج ومن هالحجي
بس كلاااااام بدون فعل عيزت منه ولاعت جبدي
ادعواا لي بنااااااات الله ايسر اموري
الله يكون بعونك يارب ويفرج همك ذا مايبيله غير رجال يربونه من جديد
توج ويصير فيج جذى مايصير
طيب ايذا عندج اخت قولى لها سالفتج يمكن تكلمه
تساعدج انتى ماضل شي ماسويتى وما كو فايده معاه
ولا فوق ذا كله طاقج طق الله يعينج بس
ويهديه
|
المشاركة الأصلية كتبت بواسطة ام إلياس
 مشكورين ع الردود بناااات
عمره 30 المفروض فاهم وناضج الي ذابحني ان مو نفس البنت عشان اقول ان يحبها ومتعلق فيها ولما اقعد معااه واساله يقوول مايسوون ظفرج ومن هالحجي بس كلاااااام بدون فعل عيزت منه ولاعت جبدي ادعواا لي بنااااااات الله ايسر اموري |
الحل الوحيد الحين عشان تريحيين راسج انه لمن يردج البيت ويتعذر ملزوم انج تبطلين سوالف التجسس هذى والتفتش بتلفونه عشان ما تفتحين بيبان مسكره
خليج ساكته وجنج ما تدرين وحسسيه انج واثقه فيه
باجر مع العشره والسنين بيتغير طبعه هذا
بدايه كل زواج لازم تكون فيها مشاكل هالنمونه واذا انتي شاريته ملزوم تصبرين
لانه مافي شي ايي بسهووله خصوصا معامله الزوج يبيلها فن وصبر
وهذى كانت عاده عنده من ايام العزوبيه عشان جذى صعبه انه يفج عن هالشي بسهوله
كل اللى عليج تسوينه تحاولين تملين عينه قد ما تقدرين يعني بالعربي صيري له رفيجه مو زوجه
تركي عنج سوالف المتزوجين وينك وشسويت وليش وشحقه وتاخرت
ورافجيه لانه شكله يحب الصحبه ما يحب يحس انه مقيد من زوجه
وحاولي انج تسوين جميع الوان الاغراء معاه عشان تنترس عينه ويقوم ما يدور شي بره
سوي هالشي وصدقيني راح يتعدل مع الايام لا تستعيلين
نصيحتي لك الحين انتبهي اكلي حبوب منع الحمل لاتحملين منه وتبتلشين لين يتعدل
البنات عطوك حلول كثيره ونا معهم فيها لازم يتدخلون اهلك المفروض من اول كف وقفتيه عند حده عشان مايتمادي
مايحق له يمد ايده عليك لو خلاف قلت لك لاتعلمين اهلك بس مدة يد قويه
الحين خلي يشوف وراك سند وضهر وروحي بيت اهلك
خل يادبونه
وواذا رجعك وتفاهمتو لاتحملين منه ابد لان ماتضمنين حياتك معه برا تجيبين بيبي وتعذبينه بينكم
اوكي والمشكله ترا مو برقم جواله يغيره ولا لا
المشكله فيه هو اللي يدور البنات برا
وطمنينا عنك
|
المشاركة الأصلية كتبت بواسطة ام كوثر2007
دام انهم مجموعه بنات وكل يوم وحده هالشي ما ينخاف منه لانها تعتبر نزوه من نزوات الرياييل واييله يوم ويفج عنها
الحل الوحيد الحين عشان تريحيين راسج انه لمن يردج البيت ويتعذر ملزوم انج تبطلين سوالف التجسس هذى والتفتش بتلفونه عشان ما تفتحين بيبان مسكره
خليج ساكته وجنج ما تدرين وحسسيه انج واثقه فيه
باجر مع العشره والسنين بيتغير طبعه هذا
بدايه كل زواج لازم تكون فيها مشاكل هالنمونه واذا انتي شاريته ملزوم تصبرين
لانه مافي شي ايي بسهووله خصوصا معامله الزوج يبيلها فن وصبر
وهذى كانت عاده عنده من ايام العزوبيه عشان جذى صعبه انه يفج عن هالشي بسهوله
كل اللى عليج تسوينه تحاولين تملين عينه قد ما تقدرين يعني بالعربي صيري له رفيجه مو زوجه
تركي عنج سوالف المتزوجين وينك وشسويت وليش وشحقه وتاخرت
ورافجيه لانه شكله يحب الصحبه ما يحب يحس انه مقيد من زوجه
وحاولي انج تسوين جميع الوان الاغراء معاه عشان تنترس عينه ويقوم ما يدور شي بره
سوي هالشي وصدقيني راح يتعدل مع الايام لا تستعيلين
|
ام كوثر الرجال كل يوم والثاني يكمخها شلون تصبر.gif "Eh S(2)")
كسر كل شي بالطق
الله يعينها
|
المشاركة الأصلية كتبت بواسطة kensington
ام كوثر الرجال كل يوم والثاني يكمخها شلون تصبر
كسر كل شي بالطق الله يعينها |
عشان جذى لمن تكون ماده لسانها عليه حزتها وتحاول تركب راسها يمد ايده عشان التخريع لا اكثر .
يعني لكل فعل رده فعل وهو رده فعله كانت جذى
مو عشان كل واحد طق مرته مرتين او ثلاث تشيل شلايلها ووقفت اهلها ودخلتهم بحياتها
لا يا قلبي اهي نفسها بيدها انها تقطع ايده بس باسلوبها وشطارتها
مجرد دخووول طرف ثالث بالحياه الزوجيه صدقيني راح تدمر .
|
المشاركة الأصلية كتبت بواسطة ام كوثر2007
يكمخها علي قولتج لانه اغلب الريايييل لمن زوجته اطيح عليه من كثر قصه الويه اللى تحوشه يتعامل بمده الايد وهذيل طبعا البعض مو الكل
عشان جذى لمن تكون ماده لسانها عليه حزتها وتحاول تركب راسها يمد ايده عشان التخريع لا اكثر .
يعني لكل فعل رده فعل وهو رده فعله كانت جذى
مو عشان كل واحد طق مرته مرتين او ثلاث تشيل شلايلها ووقفت اهلها ودخلتهم بحياتها
لا يا قلبي اهي نفسها بيدها انها تقطع ايده بس باسلوبها وشطارتها
مجرد دخووول طرف ثالث بالحياه الزوجيه صدقيني راح تدمر .
|
ممكن انتي اخبر مني بهالامور انا مومن خبرتي الزوجيه الطويله
بس مادري احس الطق ينهي كل شي خصوصا باول الزواج كسر شي كبير
يمكن هي المفروض ماخلته يوصل لمرحلة الطق
يعني وقفته عند حده بطريقة ثانيه
بعدين حتي لو طقها ماتوصل لمرحلة التشويه وتروح لمستشفي
يعني لو كف يوفي بالغرض كيف خفيف تاديبي مو طق قوي
حتي الدين ماقال كذا
والله يعينها ويسهمل امورها ويسخر زوجها لها