|
|
السلام عليكم
لاحظت على ملابس زوجي البيضا بالذات انهم متمزعين (متشققين) رغم ان ملابسه يشتريهم من الانواع الممتازه والغاليه وصار له سنوااات يشتري نفسهم لما جات عندي هالشغاله صارت ملابسه كذا وفي الاونه الاخيره حتى ملابس بناتي متشققين البيضا رغم انهم جدد ورغم ان نوعيتهم ممتازه بناتي ثنتينهم ملابسهم البيضا الداخليات متشققين واليوم اختي تشوفهم الا تقولي ترى شكلهم واضح انهم اثر قص بالمقص ؟!رغم اني عدة مرات اقول لها ان عمري ماشفت ملابس زوجي وبناتي كذا الا لما صارت عندي هالشغاله ..معقول الملابس من نفسهم يتشققون وهم صار لهم سنوات زوجي يستخدمهم ماصار كذا ؟والشغاله ممكن منها ؟..سبق وفتشت شنطتها ولا لقيت شي كيف اعرف الحقيقه واكتشف ؟كيف اخليها تعترف ؟
ساليها وقولي لها تخففه او اشتري فانش الوردي
للملابس البيض
والله يستر توقعي الا متوقع ماوراهم اماان نسمع ونسلم
تاخذهم وتشققهم وبعضهم تسرقهم
لايكون شعوذه وصارت معاي
بحيث ماتحسين
والواضح شغالتك تقصص منهم
ولاتنسين البقرة ببيتك يوميا
تاكدي حبيبتي تاكدي عدل قبل لا تظلمين احد .. وملابسكم يا قلبي انتي غسليها .. لا تخلين احد يغسلها .. اشتريلج الغساله الاوتوماتيك وانتي قطيهم وطلعيهم ترا السالفه ما يبيلها شي
وخليها اهي علي غسيل المواعين وتنظيف البيت والحمامات ..
الله يكافيج شرها يارب
خوفج باجر تاخذ شي من اثر زوجج او بناتج
وعسى الله يستر عليج وعلى عيالج و ريلج يارب