خلونا نتشارك في الاراء و المواقف الي صارت لنا

شلونكم كويتيات عساكم بخير ؟

حبيت احط هالموضوع للافاده , الموضوع الي اهو ذكر مواقف مع الزوج يعني اكثر شغله سويتها وانقرصتي منها و ما تفكرين تسوينها وتنصحين المتزوجات فيها او على ويه الزواج ان ما تغلط نفس الغلطه , و الشغله الثانيه شي سويتيه وعجب الزوج واستاانس عليها وايد وتنصحين المتزوجات فيها , او مو شرط موقف معين يعني نصيحه تحطينها من وجهه نظرج نبي ناخذ افكار من بعض نفيد ونستفيد .

اول شي ببدي بنفسي :
انا انصح ان اي مشكله بينج وبين زوجج لا تدخلين اي احد بالسالفه خصوصا الاهل لان راح تكون في تدخلات وحتى لو ردت المياه لمجاريها راح ياخذون موقف منه و يمكن يقل حبهم له , اذا حابه تفضفضين فضفضي و طلعي الي بقلبج على ورقه و بعدين شقيها و تخلصي منها او انج تشكين حق صديقه تثقين فيها حيل و تقولين لها عن الي بقلبج , و المشاكل تنحل بينج و بين زوجج, و لا تفكرين ان بيوم زعلتي على زوججج تروحين بيت اهلج او تطردينه من البيت اكبر غلط بعدين تتعودون على هالشي و يصير اكثر من مره لا سمح الله و انصح بعد لو ان الزوج غلط و اعترفلج بغلطته يعني مثلا خاش عنج شي واعترفلج بعدين لا تكبرين السالفه لان ان كبرتيها بيخاف يصارحج مره ثانيه انا ما اقولج لا تتظايقين اتظايقي وبيني ان مو عاجبج بس بطريقه هدوء وتفاهمي معاه اكبر غلط انج تكبرينها

موقف غلطت فيه و انصح ان ما تسوونه الي اهو مثل ما قلت لكم لا تدخلون الاهل بمشاكلكم لان صارت فيني مو لاني ابيهم يتدخلون ويساعدوني انا بس كنت افضفض بس تدخلو وصارت مشكله و الحمدلله عدت على خير

موقف سويته و استانس عليه الزوج , لمن تيبيله ورد او هديه من غير مناسبه و الله شعور ولا اروع راح يستانس حيل وعن تجربه

و بنات نبي تفاعل بالموضوع لان مهم حيل و يساعد وايد في طرح الافكار و ان ناخذ الحذر من اخطاء بعض , و اتمنى الموضوع يعجبكم و استفدتو من تجاربي واي تجربه او نصيحه اذكرها راح اكتبها