|
|
نعم خير ان شاءالله ؟؟؟؟؟؟؟؟؟؟؟؟
اشتبون !!!!!!!!!! .gif "Eh S(10)")
اقص ايدى اذا مو كلكم بتدشون 
على العموم ماراح انطركم واخليكم تفركووون من الحره
على اللى تبونه ،،،،،،، بس تقدرون تسوونه وتلتزمون فيه 
ياللله تعالوا ادري بطيت اجبودكم واحتريتم بس ميخالف على الاقل
تلقون شئ مو فاضي مثل بعض المرات اللى نتحمس ووراه وراه
وتالى ماكو شئ ……
اسمعونى عدل وصدقونى وعن تجربه شخصيه لى ولبعض رفيجاتى
اللى دايم نتجمع ونتشكى وطبعا موالنا اليومى رياييلنا وش سووا وش
ماسووا وهذا ماينفع فيه الحجى وهذا جنني وهذا ذبحنى وذاك ماينفع
فيه وهذاك حاقرنى ولايرد على وياكثر الشكاوى
وأنا طبعاً ماخذه المركز الاول بالتحلطم ومن كثر ماقوله واطلبه وآحن عليه
ولايسمع ولايرد علي …. يأست ومليت ولا عت جبدي وقررت مثل مايقولون
اسكت وابطل حنه واخلى كل شئ على حاله …….
وطبقت الشغله هذى سفهت كل شئ اقول مره وحده نبي جذي أو البيت
فاضي محتاجين كيت مره وحده ويمر اليوم واليومين ولانقص شئ وبغي
شغله وقال وين او ليش ماسويتوا جذي قلت حبيبي ماكو قلت لك ولاجبت
ولاحبيت احن … العيال يبون شئ اهم يقولون له انا ما اقوله ولااحن عليه
لابغوا طلعه اطرشهم عليه ولا لى دور واذا رفض عادى ولا كأن الامر يهمني
واتعامل معاه عادى ولا اكرر الطلب واحيانا اذا بغيت شئ ضروري خليته
لما يطلع وطرشت له رساله او برودكاست مع بوسه او شغله رومانسيه
وبعدها طلبت اللى ابي من غير مااكلمه يعنى قدرت شهر كامل اسكر حلجي
وابطل حنه على الفاضي والمليان وابطل الطلبات اللى مالها لزوم احيانا
والله يابنات احسه تغير من جد قام اهو اللى يسأل ويهتم ويحاول يدق
ويقول اشتبون اش ناقصكم وصار الحين يكلمني ويحاور ويناقش
ويتشفق على انى اسولف وياه ………
عقب ماكان يقابل التلفزيون والايفون بالساعات ولايمل وانا لاقلت
شئ ضاق خلقه واحيانا يتنح ولا يرد …..
صدقونى هذي الوصفه السحريه اللى من زمان يقولونها لنا ولاحاولنا
ونكابر واهى ان الرجل اى رجل مايحب المره الحنانه واللى تطلب وايد
وتتكلم على الفاضي والمليان وبكل حزه هذا الشئ اللى يكره الرجل بقرقة
الحرمه ويخليه يمل وتلوع جبده …..
ويهج من البيت 
اهم فيهم هجة الله يعين
انا طنشته شهرين من دون ما اكلمه او ادق عليه او اطلبه شي, ومع ذلك مااثرفيه .
زوجي مافيه امل (رغم انه ماكان كذا من قبل).
بس ماادري وش هالشخصية اللي مسويها علي.
بس باجرب طريقتك امكن تنفع وياه.
وصحيح إذا طنشتيه راح يسأل وجذي بس في شغلات لازم فيهاآ حن ,,
وبعدين الرياجيل مو وااحد ,,
في نصهم على طريقتج يسانسون خاصتاآ البخلاء خخخ
راح ياخذون راحتهم ولايسألون ويقولون فكه ,,
ههههههههههههههههههههههه
لانها جات على الكيف بالنسبة له
وانا صرت باردة لو ينحرق البيت ما همني
مشكوره حبيبتي عالموضوع
وانا بكون منهاااره من القهر
خصووصا اني اتعب نفسياا
اذا مااا ازن!!!
هههههههه
لو بحقره وانا اعصابي بارده مومشكله
لكن المشكله اني بحقر وانا انصهر!!
للاسف حاولت
وماقدرت احقر الايومين فقط!!
وفي ثالث يوم
رديت احن باثر رجعي
هههههههههههه
يعني زدت الجيله!!
ههههههههههاااي
|
المشاركة الأصلية كتبت بواسطة كليـ دلعـ
 موالمشكله اهو بيرتاح من حنتي
وانا بكون منهاااره من القهر خصووصا اني اتعب نفسياا اذا مااا ازن!!! هههههههه لو بحقره وانا اعصابي بارده مومشكله لكن المشكله اني بحقر وانا انصهر!! للاسف حاولت وماقدرت احقر الايومين فقط!! وفي ثالث يوم رديت احن باثر رجعي هههههههههههه يعني زدت الجيله!! ههههههههههاااي |
حبيبتى انا العن منج ولااظن فيه نفس طبعى واقل شغله
تحرنى وتقهرنى بس قدرت على نفسي ردى حاولي
والله يقويج وينصرج على اطبوعه