سؤال عن الزوج

السلام عليكم ورحمه الله وبركاته

لما تروحين مع ريلج ( أو بعلج أو زوجج…المعنى بقلب الشاعر ) الى السوق

سواء بالكويت أو بالسفر بره الكويت…..قوليلي ….

هل …..

– يكون شكله عادي ومتحمس للسوق

– يساعدج في اختيار المناسب لج

– تصك فيه الدنيا ويحس بالملل والتعب

– تبدو عليه حاله مرضيه اسمها ( لعنه السوووووق )

– يتعب بسرعه من المشي ويدور اقرب كرسي

– يقعد بالكافيه ويخليج تتسوقين

– يحوشه النعاس ويبي ينام ويتثاوب

نبي نسمع تجاربكم

ريلي ما يحب المجمعات بس حياتي و الله يوديني علشاني يبي يونسني
و يحب يقعد بكافيه بس معاي يعني اول شي نتسوق مع بعض بعدين نستريح شوي

موضوع حلو

طمااااشة

وعليكم السلام ورحمة الله وبركاته

زوجي ما يحب السووووووق بس حبيبي بعد قلبي يوديني متى ما بغيت أروح
مايبي يزعلني
وهو صريح يقول السوق ما أحب أفرفر فيه بس علشانج
هذا إذا كنا هني بالديرة

بس لاحظت بالسفر:
متحمس يروح ويختار لي شغلات وأستغرب منه!!!

يمكن لأن مغيرين جو وما في ارتباطات ولا دوامات
ويمكن لأنا بروحنا وما نعرف احد فياخذ راحته برا الديرة

اووو يحووشه مرض اسمه مرض السوووق بطنه يعوره وراسه وظهره هههه وماعنده غير كلمه يالله وبسرعه وما ادرى شنو

كل العلل الي ذكرتيها تحوشه ههههههه بس الحمدالله ماروح معاه اروح بروحي او مع بناتي ونرد متى مابغينا

مو متزوجه بس الرجال كلهم واحد
انا اطلع مع الوالد يجي له النوم ويمرض لووول من السوق

هذا اذا وداني ما احب اروح معاه ما اخذ راحتي ولا احب اتسوق معاه

الا اذا نبي نتعشى نتمشى شوي واذا شفت شغله اعجبتني اخذتها

ريلي مايحب السوق وخصوصا المجمعات والزحمة يتنرفز ويحن يبي يطلع

بس بالسفر شي ثاني دللللللع مابعده دلع يصير شخص ثاني

زوجي مايواطن السوق وافضل اتسوق بروحي احسن مليون مره معاه اشتري الي ابيه براحه بدون عجل
بس في السفر عادي يطول باله مادري ليش مع انه نفس الشي اهو سوق
بس الضاهر من وناسه السفره بيونسني ويطول باله
واذا في البلد بسرعه بسرعه ساعه ونص هذا اقصى حد للحوسه معاه

لووووول طمآشه بس الوآلد يكرهج بالسوووق يمشي بسرعه جنه بممشى ..

هاا ماا خلصتـوو ..؟!

تصدقون

يمكن انا اختلف عنكم

احب السوق داخل وخارج الكويت بروحي بدون زوج او صديقة او اخت او ام

اخذ راحتي

بالتفرر والقياس والمشترى ………..ونوعيتي ما استشير ….اللي يعجبني اخذه وما يهمني راي الجميع

المهم عاجبني

فوفو

ينعس ويتثاوب ويمشي يقولي راسي مصد ع مادري شفيني لوووووووووووووووووووووووولز

بس مايقصر يوديني رغم الي يقوله لول

.

لووول اي هاذي و مرات يختارلي

بعد عمري عادي يوديني السوق
وماعنده مشكله بس هااااااا
ماااايعطيني رايه باي شي
كل ماقلتله شرايك بشغله
يقول ماادري كيفج اخذي اللي
تبين…… فديييته

ما اذكر انه مره تملل من روحة السوق إلا بالعكس يقولي غريبه اليوم ما قلتي بروح السوق …

اوقات اقوله ابي اروح مثلا اليوم الفلاني السوق … انا انسى اني قلته وهو ما ينسى …

اشوفه يحن علي يالله قومي يالله قومي لبسي انتي يبيلك ساعه على ما تلبسين اقوله ليش وين تبينا نروح يقول ماقلتي تبين تروحين السوق : (

خخخخخ انا نسيت انت للحين ذاكر ههههههه