زوجي او النرس؟؟

اففففففففففففففففففففففف

بنات خلاص احس سلامتي العقليه في خطررررررررررررررررررررررر

ريلي ينرفز يومه عن سنه واحر ماعندي ابرد ما عنده

انا تعب وسهر وهوا ولا مقدر توه سافر ف العيد ورجع من يومين اقوله ضايق خلقي ودي اطلع يقولي مشغول

وخالتي الله يهداها اهي طيبه بس تحب كل شي بيرفكت لازم اكون الشعر مسشور وميكب وكشخه وذا شافتني اقل من جذي تعالي شوفي النقزات

ما انام الا ٣ ٤ ساعات في اليوم ومتقظع بعد

ولا احد مقدر

ويقولون المرا اتعيز قبل الريال اكيد اتغيز

خلف الله علينا بس

بقولج نصيحه لو جربتيها راح تدعين لي

اذا تبين بنتج تنام سبحيها على الساعه 12 صدقيني ماراح تقوم من غير شر قبل الساعه 4 تكونين نمتي جم ساعه وتقعد ترضع وترد تنام وشوي شوي يتعدل نومها

صدقيني هالمشكله مشكله كل اللي عندها عيال بعمر بنتج انتي عاد لو جربتي نصيحتي راح تحصلين وقت تقعدين مع زوجج وتقابلينه

والله مدري شقولج بس انشاءالله تعدل الامور بينكم فتره وتعدي انشاءالله الكل مر بها التجربه والحمدالله ما عليه صبري ما في امومه بسهوله وانا اختج حاولي تنامين معاها وتقعدين معاها او حزه اذا زوجج طالع نوميها ونامي شوي ريحي والله كريم

الله يعينج يارب النيرس ماحلت المشكله راح تزيدها الا في حاله وحده خليها تيي الصبح حزه ريلج بدوام تنامين وتريحين وتتسنعين وتنطرينه ويكون لج خلق تجابلين بنتج عقبها ومثلي ياحبيبتي اهتمامج فيه علشان تمشي الامور والله يعينج

فعلا مثل ما قالت الاخت ( منو انت)

انا كنت اعاني مثلج بس جربت هالطريقه والله تعدل نوم ولدي وصار يصحى الصبح معاي عالدوام

الله يعين ام التوأم
هذي البكر وجذي لو عندج اربعه والا خمسة شنو بتسوين
انت تداومين ولالا
اذا تداومين ممكن اعذرج
جاهل واحد وحتى لو عسر تقدرين تتحملينه

لا تحاتين كلها شهرين ويتعدل نومها ان شاء الله
و قالت لي وحده نصيحه مجربه وانا ماجربتها
قالت لي خلي اخر رضعه للطفل الساعه ١٢ بليل بعدها ماى لو قام و بجى لا تعطينه الا ماي ، يومين ثلاث الا راح يغط بالقليل ٤ او ٥ ساعات لان الطفل تتعود معدته على هذا الشي

و الله ييسر امورج

ليش جذي زوجج الله يهداه معقد الامور
يا ابيض يا اسود ماكو حل وسط عنده
شوفي ياقلبي إذا على شقتج سهلة ومحلولة حطي بارتشين أو ركبي ستاير أو كلش كلش خل يحط لج طوفة من ديكور شي سهل ورخيص مايكلف واتوقع تركيبه بنفس اليوم
و آْنْـَتِي حاولي تعدلين نوم بنتج يكون معاج وإذا قعدتي قعديها وخليها تلهى لاتنام
ومثل ماقالت لج وحدة من العضوات
خلي النيرس تجيج وقت دوام زوجج
وانتي علمي زوجج ع المسؤلية إذا شفتيه قاعدة جيبي البيبي وحطيه بحضنه وروحي ركض تسبحي أو سوي أي شي خليه يحس شوي بالتعب واللوية مع الاطفال
وترا خلاص إذا دخل البيبي الشهر الرابع راح يبدا يتعدل نومه

اوكي خليها اتيي متأخر وشدعوه حتى لو عند اهل زوجج شقتج غرفه وحده؟

اكيد في غرفه للبيبي

خليها تقعد معاها داخل

حسبت متى تنامون خلوها اتيي

وايد ناس اتييهم النيرس عال ١٠ و ١١ و تطلع الصبح ٨ او ٩

بس حزت النوم

فديتكم يا بنات ما قصرتوا

بس هل موضوع قديم مادري ليش تكرر

والبنات من قبل ردوا علي وقدرت اعدل نومتها

ايام العيد ما كنت اخليها تنام ف النهار وصارت ماشاء الله عليها تنام ف الليل

بس البارح ريلي رففففففففففففففففففففففع ضغطي شوي وقلب علي المواجع

هلا والله
حبيبتي حاولي تتحملين وترتبين وقتج واذا مررره ما قدرتي خلي النيرس تجي وقت دوام زوجج
لانه من وجهة نظري غلط تجيبينها عندج في الليل وخصوصا ان شقتج صغيره وشوي شوي بنتج بتتعود
على الشيل
ومعليش على الكلمه000000
بتقولين بعدين ان النيرس قامت تمون وتتكلم مع زوجي وبعد شوي تبتسم له وتدخلين في امور انتي في غنى عنها
هذا لان شقتج صغيره وبيكثر الاحتكاك

كلنا جذي عادي

يقولون لعمر السنة تتعدل الننومة .. بس انا بنتي تبارك الرحمن ماتحب النوم والحين عمرها سنتين ونص كل 3الى4ساعات تقعد

والحين على وشك ولادة .. بقوم حق منوو ولا منووو !!

ربج يعين يمعوده

وعلى سالفة النيرس ماحس لها داعي .. رح تتقيدين فيها وزوجج بينام مكان ثاني وقط فلوس عالفاظي

انا اقول استحملي شووية وانشالله تتعدل نومتها
ومثل ماقالولج البنات عطيها شاور دافي بالليل بتسحبها ..
وانصحج انصحج بمجموعة جونسن باللافندر .. اخذي الشور جل البنفسجي واخذي البيبي اول
واول ماتطلع من الحمام بسرعة بسرعة دهني جسمها بزيت الافندر مالت جونسن .. ولبسيها بسرعة عشان لايدشها هوا
ورح ترتاح وتغفي علطول صدقيني

اي تذكرت ..

وعطيها شوي ينسون . .يريح الياهل ويهديه
واصلا مفيد حيل

اغلي شوي ماي وظيفي عليه ينسون .. بعد عشر دقايق حطي هالماي بالممية مع حبة سكر نبات
وعطيها بالليل . . مرة وحدة باليوم

انا جذي اسوي لبنتي