سالفتي مع اهل زوجي الله يسامحهم

بناااااااااات بحاول اختصر سالفتي انا داشه بالسنه السابع من الزواج لاكن ماتهنيت بزواجي الان اهل زوجي الله يسامحهم تدخلو فحياتي الكل من تنقل حجي .من تشيش على بعض .من عقاااااااااااااار الي اذبحوني فيه مثلا كانو يقولونلي افلانه قالت عنج كيت وكيت عاد انا اطنقر وعلق والحلوين شيسون ياخذون كلامي وينقلونه …. خسارة ماعرفت لهم الا الحين طبعا في ناس فعيله زوجي شااااايله فقلبي عليهم بسبه عقارهم فيني وكلشي بصوب والي يبون يخربون بيتي بصوب طبعا يبون يطفشوني او بمعنى اصح ماتمنولي الخير الانهم كانو يشوفون زوجي يدلع فيني ويحترمني عكس ريايلهم وعكس اخوانه مع حريمهم الي باقين عينهم فيني … اه ه ه ه المشكله اني ووووايد حساسه ونقهر بسرعه وكلشي بعد بصوب وغيرة ام زوجي بصوووووب وهي المطفش الاول حقي لدرجه ان شفت منها حركات ان ممكن امسويه لي عمل اي اي انا ماوسوس صارت حركه وشكيت فيها وثاني يوم الخدامه يايه خايفه شايفه ام زوجي اتسوي اعمال الشعوذه هاذي … بنات انا وايد تعبت من هل سالفه انزين ليش مو حرام عليهم طبعا انا كنت فبيت اهل زوجي عايشه بسبتهم سكنت عند اهلي فترة طويله يعني ماكنت اقعد مع زوجي عدل اتمنى انكم فهمتو والحين بفضل من رب العالمين صار عندي سكن بس كل مانبي نسكن مايصير هل شي يا امرض يازوجي يمرض يااليهال فيهم شي تعععععععبت وخايفه ان فعلا امسويه لي شي يفرقني عن زوجي وايددددد اتغار مني عرفت من حركاتها ومشاكلها اذكر مرة صارت هوشه جان اسمعها اتقول بصراح انا بقول حق فلان قصدها زوجي يا انا الي اهي امه يازوجته الي اهي انا يعني يا امه يازوجته كانت صدمه حياتي خصوصا ام زوجي من جنسيه اخرى وجااااهلهوبعدين كله اصير مريضه وتعبااانه وجسمي كله حتى اعظامتي تعورني بتقولون لي ليش ماواجهتيها بقولكم حزتها لكلمن قالب علي وكانت بتصير ساااالفه اشكبرهااااا امي صبرتني ودايما اتقولي اقري سورة البقرة وكل شي عند الله . ويهي صاير شاحب ودايما مستضيقه وماحس اني مستانسه .بنات صرت علج فحلوج الناس انا فصوب وريلي فصوب .. حتى نزلت موضوع اسمه الكشخه بنات انا كتبت الموضوع ابي اتكلم ابي افضفض ابي اقرا كلامكم وتعليقكم بس ابليز من غيرتجريح انا مو ناقصه واسسسفه عل اطواله وانا معتبرتكم خواتي .

انا مثلج سووو لي وغير التنغز ويوصلون كلام حق زوجي اني انا اللي قلته وانا حشى علي ما اتحجى جدامهم بشي واخر شي قاطعتهم ولا اقعد معاهم وانا معاهم بنفس البيت وحتى لي تيمعوا ما اطلع لهم وحتى في العيد ما اطلع لهم الحل الوحيد حبيبتي لا اتقعدين معاهم واسم الله عليج حبيبتي ما اتشوفين شر

شنو عقار ؟؟

انشغلي بنفسج واتركي عنج الناس

احسن شي التطنيش
ليش معطيه اذنج لكلام الناس ؟؟
حجي الناس ما يخلص فلانة سوت و فلانة قالت
لو اصلا قاعدة في بيتج و صاكه عليج الباب و ما تطلعين هم بيتحجون عليج
الحين الخوات هم الخوات يحشون و يتكلمون في بعضهم
الحل التطنيش و ارقي بيتج و نفسج و ريلج و عيالج بالرقية الشرعية و شغلي في بيتج سورة البقرة كل يوم و اقريها بعد بنفسج بتحسين براحه نفسية و هدوء و سكينة
و الحمدلله انج طلعتي في سكن مستقل هذا الشي وايد زين و خطوة طيبة

يعني حش ونميمه ..

حبيبتي .. استهدي بالله ..

ودايم ذكري حسبي الله ولا حول ولا قوة الا بالله العلي العظيم ..

اختي حاولي لاتخلين همج اهل ريلج كثر ماااا همج ريلج ..
يعني خليهم يقولون ويسوون اللي يبونه .. ادري صعب وعندج احساس وشي يتعب .. والله عارفة
بس خلي هدف جدامج . اللي اهو زوووووجي.. مابي ازهقه مشاكل حريم واهله ..
لانج ترا بتكونين النقطه الضعيفة .. لانه بينج وبين اهله واكيد الاهل غير عند الانسان ..
لاتخلين هالمشاكل تسبب برود بينكم .. وقوة المشاكل تبني مشاكل ثنية على زعل على كبرياء على بعاد ..

ترا ممكن يصير شي مو بحقج ولو انه الحق معاج .. ممكن يحاولون فيه ياخذ غيرج .. ويزوجونه ويضربون عصفورين بحجر ..
بهالحاله راح يشتري راحه اهله وراحه بيته .. ويعيش حياه مستقرة .. ترا في تأثيرين قويين على الريال ..
اهله ومرته .. فخلج انتي التأثير الأيجابي ..
اللي رغم المشاكل مبتسمه حق هالانسان رغم اللي التعب تكونين مريحته ..
راح يشوف بعينه رغم قسوت اهله انتي الصدر الحنون له .. وابد لاتشتكين خليه يشوف فعلج وفعلهم ..وراح يعرف بين الحق والباطل .. والظالم و المظلوم

هني راح يعرف قدرج وماراح يهتم الا فيج لانه الريال والله يشوف بعينه ويحكم .
وممكن وقتها يوقفهم عند حدهم .. لانه بيشتري راحتج مثل ماشريتي راحته ..

وربي يوفقكم ويجمعكم على خير ويخليكم لبعض ..
والله يهدي الجميع يارب

ربي يحفظج

ربي يسخر لج زوجج و يسر اموركم مع بعض

سورة البقرة و الدعاء و صلا ة الليل
كثري من المعوذات و اذكار الصباح و المساء

ربي يحفظكم

الله يعينج و يشفيكم

عليج بالدعاء و الاستغفار

و عسى الله يهدي الجميع

هالناس ماتخلي احد بحاله

الله يعينج حبيبتي

بعد عمري الله يعينج ميخالف الله كريم ادعي ربج بالسجود ان يبعد شرهم عنج والله يهديهم انا اقولج ما عندج حل غير الدعاء وقراءة سورة البقره ودايما اقري المعوذات والله يحفظكم من عمل الشيطان يارب

اللهم من اراد بيت ليمونه وزوجها واولادها في سوء فرد كيده في نحره يارب العالمين

خلاص انتي اللحين عرفتيلهم

خلي علاقتج معاهم رسميه ومو ضروري اتكون علاقتج قويه فيهم روحي بالشهر مره ولا مرتين

وتحسبي عند الله وماراح يضيع حقج عنده *

1-بخصوص السحر فياليت تخافين من الخالق قبل الخلق

لانه المسلم اللي يصلي ويصوم ويقرا الاذكار ويرقي نفسه وعياله

تحفظه ملائكه بامر من الله ولا يصيبه شي الا بإنه تعاللى

وقصة مرض العيال وابوهم وامهم والمشاكل هذا يحصل بكل بيت ما يمر اسبوعين الا واحد من اليهال مريض هذا عادي ولكن ضعيف الايمان يربط هالاحداث دايما بالسحر

2-غيره ام الزوج(الخاله) من الزوجه هذا وارد ولكن ذكرتي ان علاقة زوجج ممتازه معك فتقاضي عن سلوكها لانه مرض ربي يشافيها منه

3-اذا صار المجتمع حوليك فيه قيل وقال سواء ( مجتمع اهل- نسب -عمل) فاقتصري بالكلام

4- اهم نصيحه اقدمها لج ولكل المتزوجات غضوا النظر عن الجميع وصدوا عن زلاتهم وركزوا على عايلتكم (زوج والابناء) هم من يهمونك
وهالنقطه تكسبين فيها الاجر
وترتاحين مع نفسك قبل زوجج

فوفو

سكري بابج

احسن سياسه

الله يعينك ياربي انتي حصني نفسك بصباح واليل باأ الاذكار واقراء سورة البقره كل يوم وانشالله ربي يحميك من شرهم يارب العالمين والله يسعدك مع زوجك ويخليلك عيالك وخليك رسميه معهم الله معك *