|
|
والله تعبت من المشاكل حياتي من لما كنت صغيره وكلها مشاكل بذكر الفصل الاخير منها
ودي افضفض ادعولي شوووفوا لي حل لاني تعبانه نفسيا قبل ملجتي باسبوعين طحت من كثر المشاكل نص الليل اخوي وداني لدكتور نفسي بس اهلي وش قالوا قالوا اني امثل ومافيني شي والله اذا مر اسبوع من غير مشكله تشبه المشكله اللي بقولها الحين هذي معجزه
انا من دوله خليجيه ثانيه عمري 25 مخطوبه من اربع شهور مخطوبه قصدي في ملجه يعني زوجي على سنه الله ورسوله
للتوضيح احنا حضر وعادي الخطيب يجي بيت خطيبته ويقعد معاها ويطلعوا مافي مشاكل هذا المتعارف عليه في منطقتنا
المهم خطيبي الله لايغير علينا تقريبا كل يوم نشوف بعض ونقعد مع بعض اوقات طويله هو مايمل مني وانا نفس الشي بس اهلي مضايقين منه ليش يجي لي البيت على طول والله احترنا اذا جا تضايقوا واذا ماجا قالوا اكيد مو عاجبتنه وثاني شي مضايقين منه ليش نقفل علينا الباب ونقعد ليش نقعد والباب مسكر مع انه هذا الشي المتعارف عليه كل منطقتنا الخطيب يقعد مع خطيبته والباب مسكر والله اني اقعد مع خطيبي ويجي ابوي يفتح الباب علينا من غير استئذان زوجي مضايق من اهلي وانا زوجي مرتاحتله ومابينا مشاكل مابيهم يخربوا حياتي وابي اطلع من بيتهم اهج بيت مشاكل ونكد وهم وغم
المشكله اهلي متاكدين من مخهم ان كل شي صار بيني وبينه وانا والله ماصار ذاك الشي بس هم متاكدين من مخهم ويقولوا عندهم ادله علي اني سويت ويعترفوا بلسانهم انهم يفتشوا في اغراضي واغراض خطيبي لانه يترك بعض اغراضه عندي حتى يوصلوا لادله تكشفني هل هذا من حقهم؟؟
وامس امي سوتلي مشكله كبيره ورفعت صوتها علي للامانه انا تنرفزت من الاسلوب ورفعت صوتي بعد بس انا ماسويت شي وحتى لو سويت هذا زوجي على سنه الله ورسوله بس والله ماسويت وقامت بتمد يدها علي بس اختي ماسكتها وتقول الرجال خلاص مايبغى يتزوج اصلا واضحه وهو كل الموضوع انا ادرس بمنطقه بعيده مايشوفني الا خميس وجمعه وكنا نبي ناخر الزواج شوي
كلمته ومسكين راجع من الدوام جا بثياب الدوام وكنت بطلع بقوله خلاص اهلي مضايقين نعجل في الزواج مسكتني عند الباب وانا علي عباتي وجرتني وقالت مافي طلعه وقالت لي يافاجره حرام اللي سويتيه معاه ودقت على ابوي وقالتله اني ضربتها وانا بس بفكك نفسي منها واختي مسكينه بالنص بينا والله قويه جرتني انا واختي وشنطتي طاحت مني عند الباب ويدة الباب مكسوره
وقفلت الباب وزوجي واقف عند الباب يدق عالباب ويكلمها بالتلفون فتحي الباب وهي مو راضيه تقول اذا ماروح واحب راسها واتاسف مابتفتح الباب وانا مابي زوجي يدري بيني وبين اهلي مشاكل ويستضعفني بس وش ابرر له كيف اقوله ان بيتنا مافيه مشاكل وهو كل يوم مشكله وحرمت علي اشوف خطيبي في بيتها وعايرتني باللقمه اللي اكلها انا وهو اذا جا والبيت بيت ابوي واللقمه من خير ابوي ابوي ماعايرني هي اللي تمن علي
وجا اخوي يكلمها وقامت تسبه ومدت يدها عليه وقالت لاختي اني خطر عليها ومفروض ماتقعد وياي
واليوم ابوي اكلمه على الموضوع يقول انا غلطانه ليش اقفل الباب وانا قاعده مع زوجي انا ماقفلت الباب زوجي تضايق من اهلي كل واحد يجي ويفتح الباب من غير اسئذان صار يقفل الباب انا وش اسوي هذي امي بس في ام تقول لبنتها يافاجره طبعا الالفاظ النابيه منتشره في عائلتهم على طول وامي قبل 5 سنين مدت يدها على اختها هو الغلط من الطرفين بس امي اللي بدت و مدت يدها ومن خمس سنين ماتكلم خواتها وامها وابوها تكلمهم بس شايلين عليها
عطوني حل طبعا هذي غيض من فيض واللي صارلي وانا صغيره اعظم انضربت ضرب للان مافي تفسير لهالضرب عورت راسكم بس والله قلبي تعبان
اشهالوظع المأساوي الي انتي فيه
والله ماني عارفه شنصحج ابوظعج هذا
بس اهلج ليش جذي يسوون
خلاص هذا زوجج
واهو الحين الي ابإيده كل شي
وشكل اهلج مايبونه ويبون يطفشونه
الله يسهل امورج
ونصيحه لا تقولين كل شى سووه فيج لزوجج ترى تصغرين بعينه الاهل مهما كان عزوه ولا يتعوضون
وسرعو بالزواج والله يوفقج ويهنيج
كرري هالدعاء اللهم يسر كل عسير يارب والله يوفقنا يارب
حبوبه
صحيح أن هذا زوجك و لك الحق أنك تطلعين و تسكرين على روحك الباب
بس بنفس الوقت لازم تعرفين أن هناك حدود و لازم هو يعرف يَ قمر هذي الحدود
بالعكس رآح تكبرين بنظره بعد ..
إحنا نفسكم لما نملك يجي الخطيب و يجلس و يطلع مع خطيبته
بس مو كذآ ابد
يعني يالغاليه طوولي بالك على نفسك اشوي
أنتي بنتهم و أمك و ابوك ماخانقوك إلا و هم خايفين لا يصير لاقدر الله شئ
أنتي اللي تطيحين بكبد نفسك …
يالغالية ..
مو معنى أن هذا زوجك و ملكتي عليه .. له و لك الحق تسوون مابدآ لكم
لآآآآآ
اصلاً مآلها حلا بعد الزواج بيمل منك يالطيبه الآن ..
لا تخسرين اهلك و زوجك و حيآتك
من أجل جلسة انتي حتى ماضبطتي قواعدها صح …
أول شئ تسوينه الآن
تروحين و تراضين الوالده انتي عروس و العروس تحتآج دعوة شغالتهم موو الوالدة ..!!
روحي و طيبي خاطرها بهدية و بقولتك " أبشري يمه بيصير اللي تبين .. بأخلي ( فلان ) يجي و مابنقفل علينا الباب "
و أنتي يالغالية لما يجي خطيبك _ بدوووووون ماتجيبين له سيرة أي فتفوتة من مشاكلكم _ لاتقفلين الباب
و خليه يتضايق و يتأفف … المهم أنه بعد فترة بيقول بينه و بين نفسه " هالبنت أصيلة و تعرف الأصول " و بيثق فيك
صدقيني يالغاليه ..
لو قالك " أبي أكون معك بروحنآ " بيني له ببراءة أنكم كذآ …
فلما يوضح لك أنه لازم تقفلين الباب عشآن شئ معين .. تقولين له
" اللحين لا … بعد الزوآج .. بيصير كل اللي تبي "
و أفضل أنك تعجلين بأمور زوآجك و الدراسة ماهي سبب للتأجيل ..
إن كآن التأجيل منه فهذآ يخوف لأنه معنآته يبي يختبرك يالغالية
لكن إن كآن منك أنتي … فغلط .. بس مو حلو البنت تقول " خلنا نعجل بالزوآج .. " لا
مجرد أنك تمنعينه بهدوء و بخجل ( حتى لو مصطنع ) من أنه يسوي أشياء معينة ..
هو من حآله بيعجل بالزوآج
صددددقيني ..
موفقة يَ غاليه
و دعوآتك
وادعي ربج بقيام الليل انه يحنن قلبها عليج وييسر امور الزواج
ومثل ماقالوا البنات عجلي بالزواج
صحصيح زوجك بس ولو
انا بين نارين مابي اخسر خطيبي ومابي اخسر اهلي وانا لي كرامه حتى لو كانت امي ماسمح لها تتلفظ علي بالفاظ فاجره انا عمري 25 مااعمرها مسكت علي شي ماقدر اروح واراضيها وانا اكرر اني مقتنعه ان هالموضوع غلط يصير فتره الخطوبه وغلط انقل مشاكل اهلي لزوجي
كاهي امي الله يخليها لي ياما طقتني وسبتني وجنه عسل ع قلبي لانها امي جنتي وناري رضاها هو اللي بيدخلني الجنه وربرضاها ربي بيوفقني بحياتي بروا ابائكم تبركم ابنائكم وامك ثم امك ثم امك يماااا شفت وشفت لكن بالاخير هي امي حبيبيتي استشعري مكانه الام وقيمتها وصدقيني بترضا عليج واذا رفعت صوتها عادي يما امهاتنا صارخون علينا وهمن عادي.
وعن الباب طرفيه قولي لخطيبج استحي لا تبينين ان اهلج مو راضين تسكرينه حتي لو قلتي عندنا بمنطقتنا عادي يقفلونه ترى تفكير وعادات عايله عن عايله تفرق.
وعجلي بزواجج خير البر عاجله والله يوفقج ولاتفكرين بالمشاكل فكري بالحياه الجديده اللي بتعيشينها مع زوجج وموفقه عزيزتي