|
|
السلام عليكم
بدخل بالموضوع على طول
أنا زوجي قبل اذا زعلني يحس بغلطه ويعتذر بس الحين لو يغلط مستحيل يعتذر بالعكس هو اللي يزعل ومايكلمني
صار يقولي قدام الخدامه ياحيوانه وانتي وصخه وكل ماأقوله عيب اللي تسويه يقولي انقلعي والله يقطعج ويقطع وجهج مع انه يموت فيني بس مدري شنو اللي غيره حتى تميمه بنتي جابه وخلى أمه توزعها وأنا عند أهلي وجاب لي منها كأني غريبه وحتى كان مركب تلفون للبيت بعدين غير رايه وقال والله أبوي وأخوي أولى وشاله وحطه بالدوانيه واللي صدمني وللحين قاهرني ومو قادره أنساه اني شاركت بمسابقه الجمعيه وسجلت اسمه لان ماعندي صندوق وقلت ودها قال ماني موديها وماي شغل فيج قلت خلاص أنا أوديها بس الهديه لي أنا اللي حليتها ولما ربحت تلفزيون بلازما ومستانسه لاني ناويه قبلها اشتري لغرفتي النوم وراح أخذ الهديه وقال بعطيها أبةي يحطه بالدوانيه وأبوي يبيه وأنا أدري ان أبوه مايدري أصلا.. قلتله أنا ماني راضيه وحرام عليك وماني محللته احنا متفقين من الاول. مارد علي وحطه بالدوانيه. ..بنات اللي قاهرني انه أخذه بارده مبرده وهو من حقي وأنا مو راضيه. .ليش أعطيه غيري وأنا أروح أشتري بفلوس…المشكله ماتأثر ولا أنبه ضميره انه ماخذ شيء مو له…بنات صاير ماينطاق ويتحج انه ماعنده فلوس بس عشان مايبي يدفع بياخذه بارده مبرده وانصدم ثاني يوم شاريله عطورات وكمبيوتر…مدري شلي غيره قبل كانت مشاكلنا من أهله ومع هذا كان يطلعني ويونسني ويدللني مع انه كان مو موظف أما لما طلعنا من أهله صار ماعاد يطلعني ولا يقوليخلنا نطلع نستانس وحتى لما أقوله طلعنا مايطلعنا الا للضروره…مدري شالحل وشلي غيره
حس بتأنيب الضمير وتسنع
يعني حاولي تسوين له شي يبين له مكانته
يمكن يحس
تكفين اذا فادج ردي ادعيلي محتاجه دعاء
تقصين على عمرج ؟؟؟
انتي لازم تاخذين لج موقف حازم معاه و ما تخلينه يتكلم و يتصرف على كيفه
بعدين في شي ما فهمته انتي كنتي ساكنة عند اهله و طلعتو و لا تميتو عندهم ؟؟
بس كل اللي اقدر اقوله لج ان شاءالله ربي يسخرلج ريلج ويهديه ويصلح حاله
ويبعد عنكم كل عين حاسده .. آمييين يارب العالمين
فهميه بهدوء وقولي له احترمني لاتصغرني قدام شغالتي وتقول هالكلام ,, بيني وبينك قول اللي تقوله انت زوجي ستري وغطاي
وانا سترك وغطاك .. لاكن تحترمني قدام الناس .
اما سالفة البلازما ياشيخه طنشيه ولو اني منك عشان اكبر بعينه وعين ابوه اقول اصلا انا نويته لعمي يحطه بديوانيته ومن هالكلام
الحسي مخه بالكلام الحلو .. طيعيني ترى الرجال مايحب هالاسلوب يوم تقولين ماني محللتك وذا من حقي ..
صحيح من حقك وهو ماخذه .. لكن لو انا مكانك الف السالفه صح واقول له اصلا ماعندي اغلى من عمي وانا كنت ناويه اعطيه بنفسي لكن انت خربت علي .. << ينحررررررج ويقدرك لانك قدرتي ابوه
والبلااازما عليها العوض ان شاء الله ..
والتزمي الاستغفاااار اسئليني خلي طول وقتك خاتم التسبيح بيدك واستغفري ..
(وقل أستغفروا ربكم إنه كان غفارا يرسل السماء عليكم مدرارا ويمددكم بأموال وبنين ويجعل لكم جناتٍ ويجعل لكم أنهارا)
1- كثري من الاستغفار
2- الصمت حكمه ((لاتتكلمين ولاتردين عليه
3- قومي بواجباتك لا تخلينه لقى عليك غلطه ,واهم شي غرفته خليها تلق لق
الله ييسر امرك يارب
اللهم آمين
دعواتك لي ربي يسخر لي زوجي واحممممممممممممممممل يارب ياكريم
طلعتك من بيت اهله رسمتي عليها احلااااام والله ما قسم تفرحين فيها
| قبل كانت مشاكلنا من أهله ومع هذا كان يطلعني ويونسني ويدللني مع انه كان مو موظف أما لما طلعنا من أهله صار ماعاد يطلعني ولا يقوليخلنا نطلع نستانس وحتى لما أقوله طلعنا مايطلعنا الا للضروره…مدري شالحل وشلي غيره |
الحل حبيبتي بدعاء امه
احسني لامه وابوه
وتلاقين حياتك تغيرت 180 درجه
ترى طلعة الولد من بيت اهله عقب ما يسكن
صعبه على قلب الام خاصة
انا اتكلم من باب عندي عيال الله يحفظهم
لو يتزوجون من الاساس ويطلعون مافيه مشكله ولا تعلقت فيهم حيل
بس لو يتزوج واشوفه جدام عيني
داخل طالع ماكل شارب يبتسم ويضحك
وفجأة يقرر يحرمني من شوفته عشان زوجته
اكيد بمووووت قهر
فوفو
تحيااتي لفوووفووو …
تقبلي مروووري