دعوه لمعرفة اسباب المشاكل

طبعا موضوعي هذا بعد تفكير عميق من خلال المواضيع اللي صايره اشوفها بهالفتره

العجب العجاب ان كل المشاكل بدآت تتخذ نموذج واحد اللي اهو ….

سبع البرمبة ..

الخاين ..
حاقرني ع الايفون والبلاك..
يمارس العاده السريه ..
مايصرف علي ..
يروح الوقت واهو نايم..
يحاجي بنات ..
ردت علاقته مع رفيجته بنت بليس ..

هذي اهي جملة المشاكل اللي الاحظها هالفتره وطبعا كل عضوة تنزل مشكلتها وايا سبع البرومبه
وتحتاج للمشورة وفي كل موضوع نفس الاجابات الا من اختلاف بسيط وطبعا كل الردود

واجهيه < لاتواجهين صبري < يصير وجه بن فهره ويسويها جدامج < الله يكون بعونج < اب
الله يهديه

انا ماحطيت الموضوع من باب التهكم لا على مشاكلكم ولا على ردودكم لان نفسي كذلك ارد نفس الردود المطروحه اعلاه ..

طيب قبل لاتطرحين مشكلتج شوفي مكمن الخلل اللي سبب المشكله
هل اهو

ضعف وازع ديني
شهوانية الرجل
المره مو عارفه طبعه من الناحيه العاطفيه
فيه نظام بالبيت يعني للنوم للنت للايفون
الملل في الحياة الزوجيه
مشاكل جنسيه
النكد الزوجي من يدش البيت ييب وحط واليهال سووا وحطوا
الرفجه السيئه..

انتي فكري وانتي الادرى بريلج مني ومن كل عضوة شوفي شنو الخلل واطرحيه بمشكلتج
مثلا زوجج يحاجي بنات شوفي شنو اللي ناقصج لاتقونين مو مقصره وشوفي شنو اللي ناقص زوجج مثلا دينه ضعيف من هنا وضحة الرؤيه ويبتدي كيد النساء وتحبكين خطه بإذن الله ماتخرش الميه

مادري شحط خاتمه لكن هدفي من هالموضوع اهو اكتشاف اسباب المشاكل وعلاجها لانج ان حليتي مشكله بدون جذورها راح تتكرر وجنك يابو زيد ماغزيت

دعواتكم