|
|
أكثر من وحدة كل ما تتكلم عن أهل زوجها وعلاقتها فيهم وتبدي تعدد مزاياهم! يوصل فيها الغضب و الكراهية إلى مستوى مضحك و (صلبوخي ) 
أهل زوجي مو ذربين ، أهل زوجي بيتهم يفشل ، خوات زوجي ما يعرفون يكشخون، اهل زوجي مو من مستوانا
( ليش ما تزوجت واحد منها وارتحتي)، خوات زوجي كلهم يغارون مني لأن دراعاتي احلى من دراريعهم ، خدامتهم تغار مني لاني أبيض منها ، حريم حمواني يموتون قهر مني لأني أصغر منهم وعنقوصتي أصغر من عناقيصهم
وأم زوجي (يووه شوصف وشخلي) تخيلوا تدق علي وأنا أطالع التلفزيون تقول:تغدي معانا!!
لا ولما تشوفني تقول السلام عليكم!!!
(حتى لو تعطس أم الزوج تقصد من ورا عطستها شي ما كو شي عفوي نهائيا بحياتها)
ولما انخطبت بنتها ما قالت لي إلا عقب ما جو الخطاطيب! وبعرس ولدها ما قالت لي إلا قبل العرس ب6شهور وأنا كان بخاطري أخيط بدلتي بالمريخ!
ولما تتكلم عن أهلها-يطلع صوت موسيقى هادية بالخلفية وصوت عصافير:
أهلي……..يا سلام على أهلي
عكس أهل زوجي تماما إحنا كشخة إحنا رزة إحنا سمعتنا تهبل بيتنا قصر خدامتنا أميرة سايقنا ملك ، إحنا مايطلع منا العيب ولا نعرف الغلط، وأمي ياحلات أمي مع حريم أخواني ودها تشيل عيونها وتعطيها لهم مع إنهم مو كفو و لا يستاهلون ويكرهوني علشان مواعيني أصلية كلها تيفال حتى بيالاتي تيفال مو مثل مواعينهم اللي تناسب مستواهم ….ألخ
من صجها هذي؟؟
وشنو سالفة مستوى ما مستوى؟
(وحدة تطلقت من ولد عمها ، أهلها يقولون: مو من مستوانا )
علما بأنهم نفس مستوى المناطق و الشهادة…….ألخ)
وبعدين ليش الوحدة تموت بأهل زوجها من يخطبونها لي يوم العرس وعقبه ودها يموتون واحد ورا الثاني !
يعني الوحدة لي انخطبت طايرة من الفرحة لدرجة إنها لو اسألوها عن طلباتها : مانبي إلا الستر
وعقب الزواج : أبي مطبخ بروحي ، أبي شقة بروحي، أبي بيت بروحي ، أبي كرة أرضية بروحي.
أفضل الوحدة من البداية تقول شروطها حتى لو تفركش الموضوع
مو عقب الزواج والخساير تنحسب مطلقة على أشياء ما تستاهل أو تعيش و تعيّش غيرها بنكد بلا سبب يسوى
يعني اللي اوله شرط آخره نور
يابنات شوية عقل و تعقل ،
وتعوذو من إبليس.
| وبعدين ليش الوحدة تموت بأهل زوجها من يخطبونها لي يوم العرس وعقبه ودها يموتون واحد ورا الثاني ! يعني الوحدة لي انخطبت طايرة من الفرحة لدرجة إنها لو اسألوها عن طلباتها : مانبي إلا الستر وعقب الزواج : أبي مطبخ بروحي ، أبي شقة بروحي، أبي بيت بروحي ، أبي كرة أرضية بروحي. |
عجيبه ….
بس في اشياء تقاضين عنها وانا صاجه حمواتي هلاقه عيد عشى مناسبه عزا كلا جنزات وبرمودا؟حتى صباحيتها لابسه برمواد وبدي؟
لان…..
(( لي حبتك عيني ما ضامك الدهــــــر ))
وبس سلامتج
والسبب لأن القلب صار أسود.. والغيره والأنـــــــانــــيــــــــــــة
مادري ليش (بـــعـــــض) البنات بالمنتدى يتكلمون عن خالاتهم وعن حمواتهم؟؟؟؟؟!!!!!!
شدعوه شنو هالقلب الأســـود؟؟
شنو هالكــره؟؟؟؟
رووووووووووووووعه
والله تمثل الواقع
وهذي إمي تعامل حريم خواني زين مثا بناتها
وي وي وي وي وي وي يا الحريم وأمها نسره
يعطيج العافيه موضوعج ررررررررررررررررررررروعه
و كلامج صح
ضحكتيني
صاجة والله
عمرج سمعتي احد يعيب بنفسه ؟؟
شلون تبينها تقول احنا فينا و فينا ؟؟
لو فيهم كل الشين .. لابد تمدح نفسها و اهلها .
و الصراحه الدنيا علمتني ..
ما اصدق كل اللي اسمعه باذوني .. بس اصدق كل اللي اشوفه بعيوني !
الله يخس بليسج صج ضحكت وانا راسي يعورني ومن الصبح بوزي واصل لي الأرض خخخخخخخخخخخ حتى بالدوام خايفين يكلموني لاأحط حرتي فيهم هههههههه
شوفي حبيبتي اي حموله فيهم الشين والزين وهذا شي طبيعي واي عايله وأي بني أدم (يعني قايله شي يديد) بس الوحده قد ماتقدر تكسبهم وخصوصا اذا كانت تحب زوجها وزوجها يحبها ويحترمها فلجل عين تكرم ألف عين بس هالشي بحدود إذا كانوا يهينوني او بكل حزه يغلطون بسبب وبدون سبب لأعاد ماكو احد يرضاها حتى الملاك واهي الملاك واللي مالها حس لازم توقفهم عند حدهم ياسلااااااام شنو ماخذيني من شارع لاسمح الله الحمدلله طالعه من بيت معززه ومكرمه لازم يكرموني أهم بعد دامني محترمتهم خخخخ مو جني انفعلت وايد
المهم مشكوره حبوبه لانج صج صج ضحكتيني بطريقتج بكتابة الموضوع الله يوسع صدررررج
تحياتي
مالقوا شي يسولفون فيه غير أهل الزوج
وانا اوافقج قلبا وقالبا