قبل شهرين كنت بقسم العرايس واليوم بقسم المتزوجات و باجر بقسم المطلقات

عشان تستوعبون العنوان عدل بقولكم السالفة من اول..

انا انخطبت خطبة تقليدية عن طريق الاهل ، سألنا عنهم وجذي المهم ملجت و حددوا العرس بعد 5شهور ما تصدقون فرحتي اشلون كانت ، مستانسة اني بعيش في بيت انا و وياه و اجيب عيال و اربيهم و أوديهم المدارس المهم بهالفترة قعدت اجهز حق العرس ما خليت شي ما شريته بحجة الوحدة منا كم مرة تتزوج اهي ليلة بالعمر ، و جا اليوم الموعود ماشاء الله طلعت كأني ملكة بيوم العرس .
وبعدين مر يوم يومين اسبوع سبحان الله حسيت اننا مو متفاهمين اسوي كل شي عشان يرضيه بس ما يعجبه واحس انه يدور علي الزله المهم دشيت المطبخ و غسلت الملابس قلت مابي اسوي نفس بنات هالوقت الي يقولون مانعرف ومانعرف ، صرت ازور خالتي وحمولتي علطول عشان مايقولين قاطعه في سبيل انه يكون راضي ومستانس لكن ماشفت التقدير في عينه .
يوم عن يوم يزعل من نفسه ومايكلمني يومين وينام بره البيت وكل ما ابي اراضيه او اكلمه ما يعطيني مجال بالمره .
طبعا النفسية اكس و تعبت ماادري شنو الي يرضيه ؟؟؟؟

وفوق هذا كله مد ايده علي عالطالع و عالنازل لاسباب تافهه ما تنذكر لدرجة صار فيني نزيف و رحت لأهلي

بعدها قلت خل ادق على خالتي اقولها دقيت و ياليتني مادقيت تدرون شنو قالتلي ( والله كيفج تبينا انطلقج عادي) مع انه والله العظيم اني اعزها و اعتبرها مثل امي ماعمري فكرت انها خاله انا انصدمت و سكرت التلفون و انا مو مصدقة .
وعقبها طرشلي مسج كاتب ( ورقة طلاقج بتوصلج )

انا مستغربة ليش صار جذي مع اني طيبة وزينه واجتماعية وكافية خيري شري مو مدح بنفسي بس الظاهر الناس تبي العوبة ولسانها طويل عشان تصير خوش وحدة

بالاخير ما ادري شقول بخلي لكم الرد ….