|
|
طرى على بالي هالموضوع وحبيت اشارككم افكاري … بصراحه هذي مخاوفي مو بس افكاري
وحطيتها بهالقسم بالذات لأني حبيت اناقش اللي عندهم خبره واعذروني لو فتحت المواجع على البعض 
بصراحه انا على ويه زواج ووايد افكر لو يطلع زوجي بعد الزواج مو الانسان اللي نطرته طول العمر 
مو الشخص اللي تمنيته وحلمت فيه وشفته فارس احلامي مثل مايقولون … اشوفه بالواقع شي ثاني .gif "Eh S(12)")
لأي سبب من الاسباب مو شرط يكون مو زين … بس مثل مانتوا عارفين المحبه من الله …
والحب نادر ..وماينعطى لأي شخص لمجرد انه زين …
وفي ناس بتقول العشره تحببج فيه وفي ناس تقولي من قبل الزواج بتحسين انه فيه قبول بينكم الخ..)
بقول لكم هالحجي على عيني وراسي ياخواتي … ولكن في امور بالقلوب محد يعرفها الا الله سبحانه
وانا حيل أؤمن فيها .. وماعتقد اني بعد 26 سنه <<< عمري
راح اتزوج واحد كان حليو ايام الخطوبه … وطلع على حقيقته بعدين … او على الاقل ماني قادره احبه …
وانا اشوف الحب اهم شي .. يمكن يكون مو زين بس حبي له يعميني عن اطباعه .. لكن اذا كان العكس
صعبه … وطبعآ مافي وحده متزوجه توها تبي الخراب لعشها بعد مده صغيره لمجرد انها ماقدرت تحب الريال …
دامي ماحبه يمكن امل منه بسرعه شلون بعيش معاه طول العمر
وانا انسانه صعبه شوي مايعجبني العجب .. وصعب يدش قلبي احد بسهوله
ودامي ماقدرت احب الريال … معناته ماراح اذوق الحب طول العمر .. بما انه زوجي اللي انكتب علي !!!
عشان جذي خايفه من الزواج وايد واااااااااااااايد .gif "Eh S(11)")
لأني اشوف الحب كل شي
وبنفس الوقت مابي اقط نفسي بعلاقه قبل الزواج ماترضي الله ولا رسوله ولا سمعتي وانزل نفسي بعد هالعمر لطريج
انا بغنى عنه الخ…)
والله كلامج مثل الي اقوله انااااااااااا
بعدني ما ملجت
وعلى الله ان شاء الله
وان شاء الله يطلع ريلج اهو فارس احلامج :$ وريلي يطلع اهو فارس احلامي
الله يوفقج يا رب ان شاء الله
والكل قالي مو شرط تحبينه وتتعرفين عليه اذا ملجتي تعرفي عليه وحبيه .. والحب ترا احيانا ايي ورا الزواج ومودري على الله ان شاء الله
الله يسخر لج زوجج المستقبلي يا رب
يا حمرة
يا بيضة
لوووووووووول
يعني عالحظ
طلبتي نصيحه من اللي عندهم لو خبرة بسيطه وانا اقولج
الحب شيء والزواج شي
وتفضلي على موضوعي وهذي مقتطفات تفيدج منه ,,.
لكن كل واحدة منكن تريد الحب، بلا معاناة، ولا تعب، فقط عقد الزواج، يعني الحب،..؟؟!!!! لا ثم لا،
عقد الزواج لا يستوجب الحب،
إنه عقد يرعى حقوقك لديه،
لكن الحب شيء آخر …
أغلب ما يفقدنا قضايانا ويسحق ارادتنا هي النظرة العاطفية للأمور
وليس أكثر من قضية الزواج التي تغرقها المرأة بالعاطفية بينما هي ليست كذلك ..إنها خليط قوي من هذا وذك
فالحياة قبل كل شيء واقعية منطقية فعلية جارحة وقوية، فالتوقعات هي التي تجرحنا وليس الواقع!!
شوفي الموده والرحمه من الرحمن والحب يجي مع العشره وقصص الحب والحب من اول نظره ترى كلها خيال وحتى لو كنتي حبيتيه في الملجه ترى الناس يتجملون فيها بالمعنى الفصيح يكذبون حتى قريت مره يسألون الريال ليش تكذب على خطيبتك قال انا لا اكذب انا اتجمل شفتي عاد كل شيئ قسمه ونصيب توكلي على الله واستحيري برج كل شيئ بتوفيقه
كاني رديت ..~
شوفي الزواج صح شي والحب شي بس الزواج اسمي وارقي واهم الان الزواج يحتوي علي اشياء كثيره ومنها الحب
لاتربطين علاقتج مع ناس مع علاقتج مع الزوج سبحان الله المرا ممكن تتحمل مشاكل من زوجها بس ماتتحمل كلمه صغيره من غيره
يعني تلقين بنات ماترضي احد يدوس لها علي طرف ولما تتزوج تضحي عشان زوجها يعني لاتفكرين بالموضوع هذا الانه من ربج
وبالنسبه لممكن يتغير هذا من علم الغيب ادعي ربج وماكو الا العاافيه هذا من التوتر اللي قبل العرس ..~
اهم شي اخلااق الرجااال وتمسكه فيييج…. بتنكسر عيييينج من معاملته الطيبه وتقديره لج…
وبعدييين بتحبينه مو لمجرد الحب … بتحبينه لانه ابو عياااالج … بتحبينه لانج تعودتي علييه وماتقدرين تستغنيين عنه …بتحبينه لانه سلوااااج .. شعوور الوحده بيختفي من حياتج …صدقيني … الزوااج اكبر من نظرتنا له وحنا بنااات …
مو معنى هالشي انه الزواج حتى لو كان من شخص اووكي مافييه اشيااء ترفع الضغط … بس عشاان عيين تكرم مدينه …والشي السيئ تمحييه الاشيااء الزينه لو كانت كثيره … والله يوفقج
انتي تبين بضاعه ما يبيعها غير الرحمن….بيده القلوب يا يتوالفون يا يتنافرون و في حاله ثالثه…يتعايشون
بالنهايه طلبي الحب من الي بيده يعطيج اياه
سواء كنتي متزوجه من سنين و مو لاقيته مع ريلج
او كنتي بعدج باول الطريج
عمره ترى الحب ما وصلج من اجتهادج بتحصيله….لكنه شي يزرعه رب القلوب بالقلب
و ياما ناس ظنوا حياتهم ماشيه بلياه فجأة لقوا ربي ربط بين قلوبهم بموده و حب ما تخيلوه مع انهم لهم مع بعض عمر
و ناس صرعهم الي صرع مجنون ليلى و بعد وقت يمكن حتى ذبحوا بعض لأن دينهم ما يسمح بالطلاق!!
ايهوا الي تختارينه لنفسج؟
الي انتي تبينه و تفصلينه و يمكن ما يطلع على الي تخيلتيه لحصلتيه……أو شي ربي تكفلج فيه ،و هو الي اعلم فيج منج و بيده القلوب بس منو يشتري….
((( وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ
أَزْوَاجاً لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً
إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ )))
حبيبتي لا تخلين هذا هو الميزان بالعكس….وكلي ها الامر للي بيده الامر..و خلي ميزانج قال الله و رسوله.
من ترضون…..1)دينه
…….2) خلقة أو أمانته
الي عنده الدين و الاخلاق لحبج اكرمج و اذا لااااااا سمح الله ماحبج…ماراح يهينج.
لكن الثاني الي حبيتيه و ترس قلبج و دنياج و هم حبج هو اول ماهو….بس الاخلاق صفر و الدين على الله لو نقص ملح الاكل بهذلج و نسى يم شهوة بطنه انه يحبج!
و اللـــــــــــــــــــــــــــــــــــه يوفقــــــــــــــــــــــــــــــــــــــــــــــ ج و كل بنات المسلمين
.gif "Eh S(15)")
الله يوفقج ويرزقج الزوج الصالح الي تحبينه وحبج يارب
مو أي شي يعجبني وبنفس الوقت عاطفيه
قبل تقريبا 7 سنين كنت إنسانه عاطفيه جدا وأفكر مثل ما تفكرين
ألحين كبرت ونضجت عاطفتي لدرجة صرت واقعيه حيل
عرفت انه الحياه الزوجيه مو مجرد كلمه رومانسيه ومعامله حلوه
لا كنتي حاطه في بالج الحب اقولج راح تتعبين وضروري تخففين من العاطفيه
وإلا راح تنصدمين بالواقع
عزيزتي الحياه الزوجيه وخصوصا بزمنا تبي من الحرمه عقل يستوعب الأمور ويتعامل معاها بالين
وقلب كبير ضد كل المشاكل والظروف ولا تنسين الصبر
تدرين أنا شنو أقول ما أبي من زوج المستقبل إلا كل إحترام
شنو أبي فيه لا كان يحبني وما يحترمني
بتقولين الإثنين الحب والإحترام بقولج ما أظن فيه ولا ما كان شفتي التجريح والإهانات غير قصص الخيانات
شغله تعلمتها درس بحياتي مو حبج له راح يعميج عن عيوبه إلا طيبته وحسن تصرفاته إهي ألي راح
تعميج عن عيوبه الثانيه
حطيها في بالج ما في إنسان كامل ولا تتشائمين
مــن الواضح أنكِ مثالية شيء طيب
لكــن ثقي أن المرونــة أجمــل بكثير منهـــا …
مــاذا تريدين بصدق خيالاتكِ المرغــمة بالكمال ..!!
أم الــرضا بمــا قسمــة الله لك … ؟؟!!
لكــل شيء في الحياة مقدر بثمــن ..!!
كذلك الحـياة بكــنف الرجل تتطلب ذلك ..
قال تعالى : {الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ
وَالطَّيِّبُونَ لِلطَّيِّبَاتِ أُوْلَئِكَ مُبَرَّؤُونَ مِمَّا يَقُولُونَ لَهُم مَّغْفِرَةٌ وَرِزْقٌ كَرِيمٌ}
لا أقول ان وجود الرجل سيء … ولارائع الى حد الثمالة .. !
هو العسل المر كما قالت ام عمر
يكفي اني تعلمت الصبر من عالم الرجال
بالتــوفيقَََ
لكن مو غرااااااااااااااااااااااااااااااااام
عرفتي !!!!
الزواج المسؤولية والالتزامات اكثر من اي شي ثاني
بعدين صج الزواج شي و الحب شي ثاني لان حب الزوج اسمى و اعمق بوايد
و احسن شي تشوفين عيوب الانسان قبل حسناته و تشوفين اذا تقدرين تعيشين ويا سلبياته او لا وكل انسان فيه سلبيه …
حبيبتي خلج مؤمنه و طلبي من الله التوفيق ولا تتوقعين الحياه بس غرام و رومانسيه حتى لو كنتوا رومانسيين هالشي راح يضيع مع زحمة الحياه و تبقى الاخلاق و الدين و الاحترام المتبادل بينكم
و ربي يسعدج و يهنيج يارب
والرسول صلى الله عليه وسلم قال تفائلوا بالخير تجدوه
خلي عنج الوسواس والمحاتاه