اخته واقفه بالحلق

مرحبا صبايا ..

انا تزاعلت وي ريلي بسبب موضوع انه اي شيء يصير بينا يروح يقول لاخته او هله
صحيح مواضيع عاديه بس الادهى والامر انه اذا نبي نطلع طلعه يستشير اخته واهني انقهر
ويجي اني يوم يقول لا مايصلح ومدري شنو
شكو هي تمنعنا وهي مابقى بلد ماسافرت له انا ما احسدها لا والله بس ليه تحلل على نفسها وتمنعه على ريلي

انا من البارح فبيت هلي واهو ولادق ولا مرني ولا حتى قال ليش طلعتي من غير اذني
لهالدرجه يعني هنت عليه

طلعتج من البيت غلط

المرا الشاطره تزعل وترضى ببيتها

الريال عنده اهله عادي ومافيها شي لو عرفو كل شي الغل انج طلعتي من بيت اهلج لان زوجج تفكيره الحين هي تدور الزله وهي ماتحب اهلي المفروض تقعدين فبيتج وتزعلين وترضين هناك ادري انقهرتي وطلعتي بس لاتعيدينها وان شاء الله يدق واذا دق قوليله كل اللي بخاطرج بهدوووء وبدون نرفزة

الرجال ضعيف الشخصيه مشكله وفعلا فيه كثير متعودين يستشيروا امهم ولا اختهم حتى بالسفر والطلعه من البيت
بس حبيبتي لا تكبري الموضوع وتروحي بيت اهلج حلي الموضوع بينج وبينه وقولي له ان هالشئ يضايقني وهل اختك تستشيرك بأمورها العائليه كل واحد له بيت مستقل هو ادرى بالشئ الصح اللي فيه حاولي تفهمينه

معاها

ردي بيتج
وهناك تفاهمي وياه
الحين
بيشاورها ويمكن تترس راسه عدل

انا اول كنت نفسج بعدين بس قلت لو سمحت اللي بيني وبينك يضل بيني وبينك لا تعرفه لا امك ولا امي ولا اختك ولا اختي انا ماحب احد يتدخل بحياتي وخصوصياتي حتى لو ع اشياء يمكن تشوفها انته تافهه بس انا اشوفها خصوصيه لانه كان كله يقول لاخته وين رايحين ووين رادين انجنيت ماحب جذي واهي ماعرف عنها ولا شي لاوين رايحه ولا منين جايه قلت انا ماعرف عنها شي ولا ابي اعرف ولا ابيها تعرف بعدين فديته احترم رايي وماعادها جربي تناقشينه نفسي بس بهداااااااااااوه والله يهون عليج

نآآقشيه بهالمشكـــــــله هو موب مبـــزر يستشيرهــآ بكل شي
وردي بيتـــــج آصلآ شلون طلعتي من غير مآآيدري وياليت ع سبب يسوى

انا اول كنت نفسج بعدين بس قلت لو سمحت اللي بيني وبينك يضل بيني وبينك لا تعرفه لا امك ولا امي ولا اختك ولا اختي انا ماحب احد يتدخل بحياتي وخصوصياتي حتى لو ع اشياء يمكن تشوفها انته تافهه بس انا اشوفها خصوصيه لانه كان كله يقول لاخته وين رايحين ووين رادين انجنيت ماحب جذي واهي ماعرف عنها ولا شي لاوين رايحه ولا منين جايه قلت انا ماعرف عنها شي ولا ابي اعرف ولا ابيها تعرف بعدين فديته احترم رايي وماعادها جربي تناقشينه نفسي بس بهداااااااااااوه والله يهون عليج
معااااااااااااااااااااااااااااااهااااااااااااااااا اااااااااااااااا
صااار لييي نفسهااا بالللضبط
ولا تنسين تكلمينه بهدوء
الله يهديكم

الله يعينك
ولاعاد تعودينها وتطلعين من بيتك