تييج هالحاله . اشلون تتصرفين ؟

اشلونكم خواتي

تييكم فترة انج تكرهين او بالاصح ما تشتهين القعده مع ريلج او حتى الشسمه هم ما تشتهينها وتحاولين بشتى الطرق انج تغيرين روتين من فندق او شالية او سفر او تغيير اثاث غرفتج الكفر كل هذا سويتي بس لحد الحين تحسين روحج مالج نفس تستمرين مع ريلج مع ان ما كو اي خلاف ولا او اي مشكله
وفوق هذا هو يحاول معاج بس ما يلقا نتيجه ويحاول ان يعاملج نفس المعامله بس ما تهونين عليه ويرد ويدخل احد من طرفج او طرفه بس يبي يعرف انتي ليش صايره جذي وليش تفكيرج صاير بس
ان احنا لازم نفترق او لاحنا ما نصلح حق بعض

^
^
^

هذي حالتي انا بالايام اللي طافت صايرة جذي ليش ماني عارفه وريلي تعب وياي دخل امه بالسالفه ودخل امي وابوي بس انا ما ادري ليش صايرة كئيبة ونفسيتي تعبانه حيل ما احب اجرحه او اضايقة بس مو ايدي وادري راح تقولون لي داري على شمعتج قبل لا يروح لغيرج بس والله مو ايدي
انا بنفسي ماني عارفه شنو فيني

اتمنى بنات كل وحده تدخل موضوعي اول كلمة بتكتبها تكون لااله الا الله
حتى لو ما تبين تردين قوليها بقلبج

حبيت افضفض بس

ما تشوفون شر

ما عمره دخل احد

وما ادري ما اتذكر جتني

ان شاء الله ماتجيني

والله يفرج همج

لا اله الا الله

الا بذكر الله تطمئن القلوب

لا اله الاالله
اختي البعض يجيه هالحاله بسبب الروتين اليومي والتنوع بكل شي مطلوب ماالومج بس حبيبتي رددي هذا الدعء
اللهم سخر لي زوجي كما سخرت الريح لسليمان وألن قلبه لي كما النت الحديد لداوود اللهم اجعلني قرة عين له واجعله قرة عين لي اللهم لا تجعل له نصيب من النساء غيري اللهم من ارادنا بسوء اللهم اشغله بنفسه

حبيبتي هدي اعصابج واراي ماتسير من القران وخوذي لج مساج يريح اعصابج
موفقه خير

حبيبتي واضح اللي فيج عين والعين حق وانذكرت بالقران.. خصوصا اذا يتج هالحاله فجاه يعني كل شي تمام بس يتلج فتره مالج خلقه .. انا اول عرسي مافي احلى مني ضحك وقعده ووناسه وسولف بس في وحده انا اعرفها يتني وشافت جهاز عرسي وقامت تقارن بيني وبينها وبين ريلي وريلها .. بعدها والله العظيم صرت احس فجاه بضيييجه وودي بس ابجي وقمصااني النوم والله احس كرهتم ونصحتنتي امي اني احافظ على صلاتي وادعي واستغفر ويابتلي ماي مقري عليه والحين الحمدلله كل شي صار تمام واحسن من اول انصحج (( قعدي اسبوع عند اهلج و صلي وكثري استغفار وخلي القران 24 ساعه شغال بشقتج )) بعدها ردي بيتج وانشالله تحسين بتغيير وسووووري ادري طولت عليج

يمكن هرموناتج مأثره على مزاجج ترى المرأه كلها هرمونات تلعب فيها

انتي لازم تسيطرين على التغير بالمزاج بذكر الله

وتعاملينه بالتي هي أحسن

لا اله الا الله
اللي فيج واضحه عين تعوذي من ابليس وذكري الله دايم وشغلي سورة البقرة دايما بشقتج
واكثري الاستغفار والصلاة والدعاء اخر الليل بنية الشفاء ولو تروحين عمره افضل واشربي ماي زمزم
او ماي مقري عليه ونصيحه لاتسولفين عن حياتج عند احد لأن الناس ماتعطي خير
اسال الله الكريم رب العرش العظيم ان يشفيج ويشفي مرضى المسلمين
اسال الله الكريم رب العرش العظيم ان يشفيج ويشفي مرضى المسلمين
اسال الله الكريم رب العرش العظيم ان يشفيج ويشفي مرضى المسلمين
اسال الله الكريم رب العرش العظيم ان يشفيج ويشفي مرضى المسلمين
اسال الله الكريم رب العرش العظيم ان يشفيج ويشفي مرضى المسلمين
اسال الله الكريم رب العرش العظيم ان يشفيج ويشفي مرضى المسلمين
اسال الله الكريم رب العرش العظيم ان يشفيج ويشفي مرضى المسلمين

دعاء تيسيير الأمور :

اللهم يا مسهل الشديد

‘ويا ملين الحديد ,

ويا منجز الوعيد,

ويا من هو كل يوم في أمر جديد,

أخرجني من حلق الضيق الى أوسع الطريق,

بك أدفع ما لا أطيق,

ولا حول ولا قوة الا بالله العلي العظيم .

قال الرسول صلى الله عليه وأله وسلم‎​ من قرأ وأخبر الناس بهذا الدعاء؛

فرج الله همه

دعاء بين الأزواج
اللهم وفق بيني وبين زوجي واجمع بيننا على خير
اللهم اجعلني قرة عين لزوجي واجعله قرة عين لي وأسعدنا سويا"ولاتجعل منا محروما" ولا شقيا"
اللهم اجعلني لزوجي كم يحب وأجعله لي كما أحب وأجعلنا كما تحب وترضا وارزقنا الذرية الصالحة وأرزقنا برهم
اللهم جمله في نظري وجملني في نظره ولا تفرق بيني وبينه وأجمعنا في الدنياوالجنة يارب العالمين
آميييييييييييييييييييييييييييييييييييييييييييييييي يييييييييييييييييين

دواج اهو القرآن
كل يوم اقري البقره
بترتاحين واااايد
واخذي ماي مقري فيه لج و لزوجج
ولا تنسين المعوذات كل يوم اقري على نفسج العين حق

لا أله ألا الله أنا مع كلام الأخت ضايعه بينهم وقرأة سورة البقره كل ثلث أيام تبعد بأذن الله كل شر من البيت ومن حايتك الزوجيه وأتمنى من الله أن يهدي نفسك

لا اله الا الله حبيبتي اكيد من الهرمونات لانها لاعبه فينا لعبه واسم الله عليج حبيبتي انا ترا جذي مو بس زوجي الا حتى كرهت نفسي ولا لي مزاج حق اي شي

شغلي سورة البقرة بشقتج و اقريها تريح قلبج

لا اله الا الله
اكثري الاستغفار يا قلبي

لا إله الا الله

شوفي حبيبتي , البنات ما قصروا بس حبيت ازيد بهالنقطه :

تذكري نعمة الصحة والعافيه وقولي الحمدلله , تذكري نعمة الاسلام وقولي الحمدلله , تذكري نعمة الزوج وغيرج من البنات ناطرين وقولي الحمدلله , تذكري نعمة الامن والامان وقولي الحمدلله , ونعمة الاهل , ونعمة الجمال الاولاد المال …………. الخ

لما تتذكرين كل هالنعم بتحسين بفضل الله عليج , وانج احسن من غيرج وفضلج على وايد ناس , تحسين انج متميزة بشغلات وايد عن غيرج , والحمدلله ان ربج ما ابتلاج بصحتج او عافيتج او اي شي ثاني

ويمكن عين وصابتج ….

شبعي الجانب الروحي عندج , كثري من الصلاة وقراءة القران والاستغفار , ولاتخسرين بيتج وريلج وتحطين نقطة سودة بحياتج

وعسى الله يبعد عنج كل ضيقة وهم ويفرح قلبج ونشوفج تكتبين موضوع ثاني وانتي بقمة الحيوية والحماس والوناسه (: