يشلع القلب حبيب القلب الزعول!!

السلام عليكم..

بنات الحريم مشاكلهم مع رياييلهم تتفاوت في مشاكل كبيرة تركز همها فيهم وفي ناس حياتها ماشية
لكن المشاكل الصغيرة حجمها صار اكبر من المعقول وتعبت..

ومنهم الزوج الزعول اللي تحط ايدها على قلبها تخاف يزعل عليها

ممكن طول اليوم تسعده بس على اقل شي بايخ وتافه يزعل..

يعني بس عشان نست تلفونها مغلق ونامت يزعل صاكه جهازج راح تندمين

مادري شالحل مع هالنوعيه ان راضيتيه يمكن يتمادى وان خليتيه نسى كل شي وقال زعلتني

ناطرة تجاربكم ومواقفكم مع الزعل عشان نستفيد..

إحسن حل للزواج الزعول أنه تراصينه أول بأول وان تمادى بالزعل لا أتراصينه طبعاأهو راح يشتاق ويتسأل بينه وبين نفسه أشفيها ماراضتني وبيرجع يندم ويراجع نفسه.

الزعول ترى يعني يكون حساس على اقل شي
بالعادة الحريم زعولين!!!!

بس انت حاولي انج تحتوينا و الزعول بكلمه يرضى ,,,,,

اي والله صح كلامكم ..

المشكله انا بعد حساسه ماحب احد يزعل مني فمابالكم الناس القريبه

مو شي الزعول

هذا مشكله قعدي كل ساع راضيه

انا ماراضيه الا اذا زعلته وهذا نادرا مايصير ، العادة اذا كنت زعلانه لو شنو لو شنو ماروحله ،، انا جذي طبعي

انا مو زعوله واطوف وايد واطنش لكن اذا زعلت او تضايقت خل ينسى اكلمه لو نطول

ودايما ايي يراضيني

اني كنت جديه كل ساعه اراضي بعدين مليت وهم فهمت وتركته ما اراضيه الا اذا غلطت وي ينشغل قلبج طول الوقت شلون وكيف ولماذا اكو تعود الحين ماكو تدلع بسنا تعب

الله يعينج

راضيه إذا حسيتي نفسج غلطتي عليه مالكم غنى عن بعض

بس قوليله بطريقة حلوه وذربه لمن تقعدون تسولفون لا تزعل علي آنا ماأقدر على زعلك

ومن هالسوالف عشان إذا فكر يزعل يتذكر كلامج ويهون عن الزعل

والله لا يجيب الزعل

موفقين ,,

اذا غلطانه راضيه واذا لا لا تراضينه

انا ماراضيه غير لي كنت غلطانه بس غيره مستحيييل علشان يعرف ان انا بعد عندي اخساس وازعل !

والحياه تمشي ماتوقف عند زعل صغير واذا يحبج وشاري حياتكم مايقعد يتزعل كل شوي

ندري الخلافات ملح الحياه الزوجيه بس كثرتها تفتر العلاقه قعدي معاه وتفاهمو على هالشي خليه يلتمس لج الااعذار قبل لا يزعل

ويسمع رايج وبعدين يشوف غلانه انتي او لأ وبالنهايه سهالات اذا الب موجود

نصيحتي لج وانا زوجي زعولي طريقه مو طبيعيه لدرجه اشهر يقعد زعلان من انسان تلقين الطرف الثاني نسه واهو لا المهم اول ما تزوجت انصدمت من هالشي ما عندنا هالسالفه المهم من اول شي زعل علي ٣ ايام وانا ما ادري ليش و من كثر ما حنيت قالي ليش والسبب تااااافه جدا و بعدها قمت اقوله على طول زعلت يالله عندك نص ساعه تزعل فيها وقصبا عليك ترضى بعدها و احن لمه يرضى ولمه يهده اقوله انت غلطان و صار الحين اذا زعل يقول على طول واوضح له و لا كان نصايح البنات لي راضيه وتاسفي و خلصي لا والله ما اعتذر على شي ما احس اني غلطت فيه

ريلي كان زعول

العلاج صرت زعوله مثله

طفرته وازعل على نفس الاشياء اللي هو يزعل عليها واذا قال ماتسوى الزعل اقوله شمعنى بس انت تزعل

لييييييين الله هداه

داووهم باللتي هي الداء