يؤ رسلتها له بالغلط

دايم تصير مواقف انك تكتبين الرسالة وبالغلط ترسلينها لشخص ثاني
وكثير يصادفهم بترسل الرساله لوحده وترسلها لزوجها ولا العكس

اللي خلاني احط الموضوع توني من اشوي جاني مسج عالساعه 12

من رفيقتي ( تصبح على احلى صباح يادبدوبي احبك ياقلبي ***)
بدال ماترسلها لزوجها جات لي تدرون شرديت
(وانا احبك ياعصقولتي وانت من اهله لووول شكلك غلطانه )

وبعد وحده مرة تسولف لي تقول كانت تقول لزوجها بطلع وكذا مارضى تقول الا جاها مسج من صديقتها
يلا بتروحين بترد عليها ولا ترسل المسج لزوجها (هالعلة اللي ججنبي مو راضي لي اطلع )

وتنتبه انه وصلت له رساله وبسرعه تمسك الجوال وتقول له ماتفتحهاو هو ليش وكذا وقالت انا رسلتها بالغلط زين لحقت
على عمرها

من الموضوع اللي ابي منكم كل وحده تحط لنا موقف مشابهه للمواقف اللي قلتها بترسل رساله ورسلتها لغير المطلوب
وبس ابي تفاعل بنات بليز حتى لو رفع الله يجزاكم الجنة

عيل اول رفع لعيونج

مره اختي تبي تكتب لزوجهاا احبك

دزتها لرئيسه القسم مالها خخخخخخخخخخخخخخخخخخخخ

امبيه فشله عاد في مسجات مشفره تروح حق ناس غلط

انا مره قبل سنتين تقريبا ماخذه رقم رفيجتي من وحده ثانيه و خليت الرقم عندي مده ما دزيتلها شي و كان عطله صيف واواصل لي الصبح عاد كنا بنطلع انا ويا رفيجتي قلت خل ادز مسج حق هذي اللي خذيت رقمها منزمان موشايفينها … و اقوم ادزلها مسج الصبح الساعه 7 يمكن قلت اكيد مواصله مثلي قتلها فلانه ترا بنروح افنيوز انا وفلانه وفلانه ورا الفطور كان رمضان لول تعالي عاد منزمان مو شايفينج

عقب جم ساعه ياني مسج منو ؟؟

قتلها انا فلانه عن العبط عاد تعالي منزمان مو شايفينج

و جذي صار حوار المشكله قلت المكان و الوقت و كل شي

و يوم الطلعه دزيت مسج ترا انا يتني الدوره و بطني ذابحني يمكن ما اروح اذا بتروحين كلمي فلانه ولا فلانه اهما اكيد بروحون

و يردون علي خلاص اوكي

و بعدين اييني مسج ها شصار على افنيوز قلت خلاص بطني خف العوار بروح اذا ييتي دزي مسج

و عقب رحت و مايت البنت رديت دزيت مسج شدعوا كملتي 20 كبر راسج علينا وقتها كنت بعدي تحت ال 20 لول

جان ايي المسج الصدمه

انا مو فلانه انا فلان و اسمي جذي و عمري جذي و بس كنت حاب اضحك وياج و ياريت نتشرف و نسمع صوتج !!!

امبيه قمت اطق على راسي

وانا حوار معاه جم يوم

بس اشوا ما دق ولا رد دز شي عقب هالمسج الله ستر لو رايح حق واحد ثاني جان يمكن ياني لي افنيوز

امبيه الظاهر نقلت الرقم غلط بدلت رقمين ولا الله واعلم شنو الغلطه المطبعيه اللي صارت بس صج الله ستر

انا مرة كنت توووي مالجة

واسم زوجي نفس اسم مديري بالدوام

ومخزنتهم يم بعض بالتلفون فرق حرف واحد

عاد كتبت له مسج اني من شفتك حبيتك و من عرفتك يا بعد هالدنيا ووو .. ووو … ووو

ومن الكلام اللي يفشششششل

وجاااان ادزه حق مسئوولي بالدوام

وانصعقت

قمت اطامر واختي من الخرعه ما تدري شالسالفه قامت تطامر معاي خخخخخ

ومن كثر ماني متوهقه سكرت التلفووون علشان يتكنسل الارسال

ولما فتحت التلفون ماااالقيت الرساله

والحين صارلي سنين متزوجة مادري اذا وصلله المسج ولا لأ خخخخخخ

المهم ان عدت السالفه بخير

ياليت مسج كانت تهون انا واخوي الصغير ربع يعني لاضاق خلقي ادق عليه واسولف عاد مرة انا والدة بالمستشفى وحدي زهقانة ابي ادق على اخوي دقيت على زوجي وسيدا ها وينك وابتدي اعيب واتطنز والااركز بالصوت قلت انت فلان قال كملي كملي ليه ضايق خلقج وبعد شفيج انا انقص وجهي لان من قبل شوي كان مكلمني وقلت مافيني شي ونهيت المكالمة بسرعة

مره كنت قاعده بالمحاضره وكنت بدز مسج حق زوجي كتبت فيه وينك حبي معاه بوسه ولاطلعت راسلته حق رفيجتي الي وياي بالمحاضره جان تقولي فلانه شنو هذا ولا اقعد اضحك لين الدكتوره زفتنا

رفع الله قدرك

اي عدل اجل اتعب واكتب واحط صور ولا احد يعطيني وجهه <<<ما احد غاصبك

ههههههههههههههه مره برسل لزوجي مسج حب جان ادزه لابوي واي فشله رجع ابوي من الصلاه الله يرحمه واهو يضحك وانا ما ادري بالسالفه يوم قال لي ههههههههههه

موووووووووضووووووووووع روووووووووووووووووووووووووووووووعه

انا دايما تطيح براس ابوي

مره بطرش مسج لزوجي مكتوب فيه

حتي انا مو قادره انام وانت مو يمي بالفراش

جان ارسله لابوي

وثاني يوم ابوي عادي جنه مو صاير شي ههههههههههههههههههههههههههههه

_shh_:

اي صادقة والله ذكرتيني مرة كنا باجازة واهلي بيروحون قطر
وبنات عمتي يبون يروحون مهم قطر بس ابوهم يبي البحرين ويحاولون فيه مني مناك نبي مع بنات خالي قطر
قال لا خاطري بالبحرين مافي فايده ماقدروا
والا اختي ترسل لبنت عمتي ها شصار رضى
وترد عليها بنت عمتي : لا مو رايحين معكم مانقدر ابوي مصر معند الا البحرين
حاولنا فيه بس موراضي وبدال ماترسلها لاختي رسلتها لابوها

شفتي الوهقه ولاغير راييه

ههههههههههههههههههههههههه

والله ضحكتيني من قلب
قعدت اتخيل الموقف