أبي حل 00000 بسرعة الحين 0000 ياكويتيات بليز

السلام عليكم ياكويتيات

أنا كتبت موضوعي من أسبوع تقريبا ومشكلتي مع زوجي تافهة مو محتاج هالزعل بس زوجي زعلان موراضي يرد على تليفوناتي ومسجاتي صارلي شهر عند أهلي مو راضي يكلمنا وأنا يابنات صح أني أحبه لكن من حقرني مايرد على مكالماتي ومسجاتي كرهته وناويه أخلعة خلاص مو متحملته يتدلع شوروا على شنو أسوي تكفون

حبيبتي كلمييييه بصراااحه وتفاهمي معاااه يعني اذا مطنشج شكله مستانس ع الوضع كلمييييه واذا مايرد على مكالماتج ومسجاتج قولي حق امج تتفاهم صرااحه وليش ماتروحين بيتج وتسويله مفاجأه شي جذي لووووول يمكن يرضى دام انه يتدلع عليج
والله يخليه لج

خلي ااهلج يتدخلون ويكلمونه

مهي معقوله كل هالمده اللي انتي عند اهلك ويتدلع
روحي لبيتك واسأليه بنفسك

انا اللي اعرفه المره تتدلع وتتغلى مو الريال

انقلبت الآيه الحين الريال اللي يتدلع والمرااه لا
قوليله اذا بتم على هالوضع والله اني ما ابيك
بس انتي عندج عياال منه ولا لاء
اذا عندج خلااص انسي الموضوع لانه عيالج هم اللي
بينضروون وبيحتاجون حق ابوهم حتى لوو ابوهم مو معااهم

مايبيج حبيبتي واضحه السالفه

رابط موضوعك عشان البنت يعرفون يردون عليك ويعرفون السالفه من الاول

تكفون ساعدوني 0000 مالي الاانتم ياخواتي

شوفي ياااقلبي ……

نصيييحتي لك

البسي واكشخي واذا في مجال غيري ستاايلك قصي واصبغي جدددي شكلك يعني

وبعدين روحي له في البيت وقت تحسيييين انه فيه

وكلميه بأحترام وحب وادب واذكري ايجابيته وبرري موقفك واذا غلطانه اعتذري وووو

ونااقشيه بكلام حلو ترا الكلمه الحلوه *** وتسوي هوايل لاتسهينين فيها

والاهم قولي لاهلك طالعه لمكان لصديييقتك

عشان لاقدر الله ماااصار تفاهم او ماتوصلتوا لقرار وبترديين لاهلك مااايطييح وجهك عندهم

يختي الحقي بيييتك ماينفع بكره تتطلقين خاصه ان قلت عيون امي واخوي بتاكلني

ومعك حق كثييير نااس للاسف كذا

استخيري

حبيبتي – وسطي احد يروح يكلمة ويواجه
بدون مواجهة ما تتصلح الامور

إنتي مو موظفه صح ؟؟؟؟
تدرين ليش سألتج لأن قبل زوجي جذي قبل لا أتوظف وكان قبل الإجازه يوم خميس ينزلني عند أهلي الإربعا على إن السبت نرد البيت تخيلي حاطة حساب ملابس حق 2 يومين مع الحليب والبامبرز يجي يوم السبت أدق مايرد علما إن يكون ما بينا زعل ,, وأحتار شسوي وأنام عند أهلي لي الأحد وإن جا فالليل أخلي سايق أهلي ينزلني وأحس إن أمي حاسه بس ما تقول والله ينصدم لما يشوفني جايه صج يقط حجي بس والله ما أهتم وعلى فكرة أنا موناقصني جمال وذرابة وسنع بس كان طبعة مزاجي وبيكسر راسي على بو إنه ماني ميت عليج والله يخلي التحرش غللي يحوشة من أوادم إبليس وكل ما تكرر الموقف السايق ينزلني ,,قلت قصة حياتي لووووووووووول بس الحين الوضع تغير وتوظفت
يس نصيحة ردي بيتج خلي أحد ينزلج لأن والله مايدري عنج لأني حاسة بتجربتج ,,,,,,
موفقه والله يسخرة لج

معليش حياتي ردييت مره ثاانيه لك …..

روحي كلميييه ييياختي قولي انت شاايف فييني شي مضااايقك

هااذي موب حاله …..

ومن هالكلام وش اللي مضاايقك مني واوعدك اغيره
انتوا كباار لابد فيه حوار عقلاني بييينكم و لازم تحطوون لكم حلول

وبششششششرينا عنك تكفين

لا حول ولا قوة الا بالله

ابتلشنا برياييل العازه

يبه خل ابوج يمسكه ويكلمه لين يبين اخرتها معاه شنو

بعد غير سالفه متزوج وقاط المره عند اهلها بالشهور ولا يسأل !!!

حاولي تتفاهمين معاة قد ما تقدرين و ترى الحياة تفاهم

و حاولي تكلمينة لا تبينين لة انج ضعيفة و تدزين رسايل كلمية شخصيا