|
|
بنات ساعات نشوف مواقف تأثر فينا وايد معنها ما تمسنا و لا لها علاقة فينا بس هم نحتر لما نشوفها
انا بذكر لكم موقفين شفتهم و وايد وايد وايد احتريت
اول موقف كنه في مطار بانكوك بنرد الكويت ولا يمنه شلة شباب كويتين و جدامهم واقف رفيجهم و ياه وحدة تايلندية بنات مابي اوصف لكم الحركات اللي قاعد يسويها وياها صج شي يلوع الجبد ولا هامه احد لا مستحي من ربعه اللي اكيد اهما من اشكاله و لا هامة كل الكويتين اللي واقفين بيدخلون جناطهم !!!!! انا حسبالي انه متزوجها و راح يردها وياه الكويت و طول ما اهوا واقف قاعدة افكر في امه و اهله و اقول الله يعينهم من اللي بييهم !!! بس طبعا اخر شي قبل الجوازات سلم عليها و مشا !! و انا طول الوقت استغفر و ا قول يا ربي لا تبلانا لا اب اهلنا و لا حبايبنا و ان شاء الله كل المسلمين ابهل اشكال !
الحين اللي ابي اعرفه منو مرت عليه هالسوالف ؟؟
و شنو سبب اللي خله هالشباب يسوون جذي غير ضعف الوازع الديني و اصدقاء السوء ؟؟
واذا كان في واحد من هذيل متزوج معقولة كل واحد سوى جذي يكون السبب من زوجته انها هاملته او فيها عيوب ؟؟ ولا الرياييل ما يملي عينهم شي ؟؟
فا ياريت كل وحدة تتفضل تقول رايها و اللي تبيه في هالموضوع
في استراليا ….المضبف والمضيفه تفاجأت فيها نايمين بغرفة وحده بالفندق
في تركيا ….كل ساعه وحده بالكرسي اللي جنبي بالطياره تميط الستيان وتعدله وترفعه وتنزله وهي بكرسي الطياره
في الامارات ….اجانب طلبوا من المضيف يصورهم وهم يبوسون بعض
فوفو
احنا مو قاعد نتكلم على الاجانب اللي اهما اصلن لا دين و مذهب بس انا اللي حرني انه هذيل كويتين المفروض انهم مسلمين متربين على العادات و التقاليد ! و لا لو راح نتكلم على الاجانب جان ما نخلص من حركاتهم الحمدالله و الشكر
مشكورة على مشاركتج حبيبتي
ماتنلامين تحر هالمواقف والله
للأسف مايحضرني شي الحين
في لبنان شفت كويتين صج عجبوني تتحرش فيهم لبنانية باسلوب ضحك ومياعه وهم كاشتين فيهااا
ة
وواحد في لبنان قطري ومكشخ روحه ونازل من سياره ومعاه بودي قارد
قاعد على طاوله جبنبنا ذبحني خز مايستحي لمن جا زوجي هو عقل وتفشل
شتسوين مالج غير تدعين لهم بالهداية
اهم شي زوجج وعيالج مستقبلا ديري بالج عليهم
]
سأألتي وجاوبتي
وبالفعل الواعز الديني الضعيف
وسهولة استسلامهم للشهوات وللشيطان وبنات الشياطين من الانس
اهوا مو عن الشباب !
ان وحده وواحد قاعدين جدامنا ننطر تفتح البوابه وكنا بنرد الكويت واهما موكويتيين خليجيين
الصبي ساكت واهيا بس تمسح على ظهره ساعتين تلمسه وتطالعه بنظره قذره
لوعت جبدي قطيعه جدام خلق الله ماتستحي مفجوعه
عيب ماهذا!! والمشكله الصاله متروسه خليجيين
اذكر لما كنت بسوريا الشباب هناك حدث ولاحرج لبسههم حركاتهم استهبالههم كان منظرم مقزز وواضح شحقة هم جايين
لدرجة ان اهل المحلات كانو يتطنزون عليهم
انا شفت شياب كل واحد حاط اسيويه بحظنه ويضحك ويبوسها مصدق نفسه سبع البرومبه
ولا الثاني شكله بالاربعينات يمكن ويتمشى ومعاه روسيتين وحده ماسكته عاليمين والثانيه عاليسار وهو دب وقصير مسكين وهم الثنتين طوال ونحاف يعني صايرين 101 واللي يشوف نظراته وضحكاته يقول بس هذا هارون الرشيد الي كنا نسمع فيه اخيرا شفناه
آمآ الاشكآل الي شفتيها الطيور على آشكآلها تقع .. كفوهم هالـ .. يركضون ورآهم من ديره لديره
