|
|
بسم الله الرحمن الرحيم
شلونكم شخباركم
بدايه اللهم اجعل كتاباتي خالصه لوجه الله
ترى انا مو متزوجه بس عندي كتاب صراحه عجبني وحابه اكتب الاشياء المفيده فاللي بترد علي جزاها الله خير واللي بس تبي تقرا هم الله لا يجزاها الا كل خير
بس اتمنى منكم اللي تقراه صج تطبقه كلمه كلمه
وترى الرياجيل يختلفون وكل وحده تعرف زوجها اخذوا اللي يريحكم
بس لوسمحتوا مابي سلبيــــــــــــــــه اوكي
اللي بتقول زوجي مهما اسوي مايعجبه او بتخرب الموضوع او بتهاوشون رجاء اقروا ولا تردون
لان ابي الكل يستفيد
الله يستر علي وعلى جميع بنات المسلمين ويرزقني ويرزقج البنات بالرجل الصالح اللي يخاف ربه
اللهم استرني فوق الارض وتحت الارض ويوم العرض
الموضوع بمجهودي الخاص والمعلومات من كتاب
واتمنى من الكل الاستفاده
وترى ماراح اكتبه مره وحده لان حيييل اتعب كل يوم ان شاءالله اكتب اشياء معينه
يعني الموضوع يوميا راح يتغير وبزيد عليه اشياء الكل يستفيد منها
.gif "Eh S(7)")
قال الرسول صلى الله عليه وسلم:
{ ما أعطى الرجل في دنياه خير من امرأه صالحه إن أمرها أطاعته وإن غاب عنها حفظته وإن نظر عليها سرته}
حبايبي انا بنظري
الرجلتقدرين تكسبينه ثلاث اشياء:
1- بطنه
2- بالجنس
3- بالأسلوب
واللي مو من هالنوع نوعه مايملى عينه الا التراب ههههههههههههه.gif "Eh S(11)")
جنه بديت اخورها ادخل بالموضوع
زبده كلامي بتستفيدون انكم كسبتم الزوج
وبنيتوا اسره مسلمه مستقره
وحياه زوجيه آمنه
التغيير سهل وصعب في نفس الوقت.. لكن لما تبدين وتكونين جاده راح تشعرين بمتعه التغيير وتنسين صعوبته.. بعدها راح تكون حياتج لها معنى وطعم ثاني.
ابدي الحين بالتغيير لاتقولين ماقدر لا تقدرين وتقدرين وتقدرين
لازم تكونين واثقه من نفسج وقولي انا اقدر ولا تستسلمين وكل ماعفتي قولي انا اقدر
وصدقيني مافي احد مرتاح
ونص الحريم يمثلون انهم عايشين وازواجهم مدلعينهم بس بالصج لاا
يعني لاتقارنين نفسج بغيرج
خليج قنوعه واحمدي ربج على كل شي اختاره لج
لانه كل شي خيره من رب العباد
لاتفقدين زوجج وتاخذه منج امرأه ثانيه…… رددي هالعبارات
انا استطيع التغيير وانا استحق الافضل لأني رائعه
وهذي النقاط اقروها بتركيز وافهموا واستشعروا معناها:؟
1- جربي تقولين جدام زوجج " انا محفظوظه حييل ان الله وهبني زوج مثلك يابعد هالناس "
2- حصني بيتج بذكر الله قال رسول الله صلى الله عليه وسلم:
ان ابليس يضع عرشه على البحر ثم يبعث سراياه، فأدناهم منه منزله أعظمهم فتنه، يجئ أحدهم فيقول: ماتركته حتى فرقت بينه وبين امرأته
قال: فيدنيه منه ويقول: نعما انت
اعوذ بالله من الشيطان الرجيم
3- لما يكون بيت الزوجيه من زجاج ترى صعب ينكسر!!
القصد من هالجمله يعني لما يكون حياتج الزوجيه شفافه وكل اسرار البيت طالع بره سواء كان لاهلج او اهله او للناس صعب انه ينكسر بس لما ينحصر بالزوجين راح يكون بيت صلب صعب الانهيار
4-انفضي عنك الافكار السلبيه واذا كنت تشوفين نقص فيج حاولي انج تكملينه بس تذكري الكمال لله وحده سبحانه
لايصير شغلج الشاغل انج بس تكونين كامله
اعتقد الكل يشوف ان في جياكر وقايم حظهم موشرط الجمال اهم شي
5- لاتتكلمين نهائيا جدام زوجج عن نفسج بأي سوء حتى لو كان عيب خلقي او خُلقي حاولي انج تغيرين نفسج بس بصمت
مو الكل عارف وزوجج لما يدش عليج يشوفج انتي شتسوين عشان تغيرين شكلج
قال الرسول عليه الصلاه والسلام: استعينوا على قضاء حوائجكم بالكتمان
6- المرأه المتميزه هي التي تصنع الجمال و الحب في قلب زوجها حتى لو لم تكن جميله
7- الرجل مثل الحزام المطاطي لابد أن يأخذ فتره راحه وتعطينه فرصه ومساحه عشان يبتعد ويتمدد على الآخر حتى يرجعلج بقوه
بس لو بقيتي متعلقه فيه راح يصير مترهل تماما مثل المطاط
اذا بتجربين؟؟
اخذي مطاط واتركيه في ايدج راح يبقى مثل ماكان مترهل بس مديه شوي راح يرجعلج بقوه
8- تعاملو مع بعض مثل الاطفال مو الكبار بسرعه يتهاوشون وبسرعه يتراضون ويلعبون مع بعض
قال عليه الصلاه والسلام:
خير نساء الجنه الودود الولود التي إذا غضبت أو أغضبت وضعت يدها في يده وقالت لا أهنأ بغمض حتى ترضى"
ماقال غضبت فقط لا قال أغضبت يعني حتى لو زوجها زعلها…
إذا غضب زوجج بيوم من الأيام لاترفعين صوتج أبدا
بس طالعيه بنظره حب وقولي له:
تصدق إنك روعه وانت زعلان.. وأعطيه بسمه وضحكه ولاتنسين القبلات
<<< عندها تعليق
لوووووووول
حبايبي هلانقطه ماتصلح للكل لان في رياجيل راح يفلعونكم انتي شوفي زوجج اي نوع
ولما تطالعينه وتنتسمين يعني اقصد نظره الحب والبراءه
مو التكبر وتطالعينه من فوق لي تحت
يعني بدلع
واللي ماتعرف نظره البراءه شيليها من قاموسج ههههههههههه
9- المرأه لم تخلق من رأس الرجل حتى لئلا تتعالى عليه ولا من رجله لئلا يحتقرها، بل خلقت من ضلعه لتكون تحت جناحه فيحميها وقريبه إلى قلبه فيحبها وتحبه
" سبحان الله "
10- افهمي نفسج حتى يفهمونج الاخرين
تقبلي نفسج عشان تتقبلج الناس
احبي نفسج حتى يحبك الاخرين
وبس راح اكملكم الموضوع بوقت ثاني ان شاءالله
وامنى انكم تستفيدون وتطبقونه بحياتكم
أحبـــــــــــــــــكم في الله
اتحفتيني
بهالموضوع والله في بنات لحد الحين سنعات
ملينا من النكد والهواش
مشكوووره الغاليه
والله يرزقج بالريل الصالح يارب
ويوفقك بزوج الصالح وطبقي النصائح
يالله ننتظر كملي والله حمااااااااسي
|
المشاركة الأصلية كتبت بواسطة فردوسيه
 خوش موضوع ماشاء الله عليييج قووولي امييييين الله يرزقج بالزوج الصالح اللي تسعدينه مثل مااسعدتينه بموضوعج
|
اي والله ان صاااجه
عسى الله يسعدج يااااارب ياقلبي
واااااااااي يجنن شسم الكتاب تكفيييين :*
يعطييييييييج العاااااافيه نصايحج تينن
واللهم امين الله يستجاب لدعاكم
نورتوا الموضوع
والكتاب اسمه عسليات زوجيه
ويجعله من الذريه الصالحه
وعسى ربي يرزقج الزوج الصالح