راضني و لا اطيح عليك و اروح المستشفى

يا احلى بنااااااات شلـــــــــــــــــو نـــــــكم

اتمنى تكونون مستمتعين بالعطله و الله يهنينا بهالايام الفضيله

انا بصراحه فيني طبع خايس او تقدرون تقولون عيااااااااااااااره
بس ودي اعرف في احد يسوي نفس حركاتي و لا لأ؟

انا الصراحه اذا تهاوشت مع ريلي او اذا زعلني و بط جبدي
خلاص ما اقدر استحمل احس اني بنبط و ابيه يراضيني لا و يحس بالذنب بعد
فشسوي؟؟؟

مرة اسوي روحي دايخه و خلااص بموت مو قادره و لازم اروح الطبيب فتلقينه مسكين يختبص و يتأسف و يندم و توصل ساعات انه يسب نفسه
و مره اقوله ضغطي نزل و راسي يدور و موقادره اوقف
و اذا كان طالع ادزله مسج اقوله انا بروح المستوصف تعبانه

و هكذاااا………………..

يمكن لاني ما اقدر ابجي لانه حده يعصب اذا شافني ابجي فاحاول بطرق ثانية
لوووووول ان كيدهن عظيم

انتو شتسون اذا بغيتو رياييلكم يندمون انهم زعلوكم و يراضونكم يكمن اغير طريقتي لانه شكلي آخرتها بنجك

ريلج شكله على نياته بسرعه ينقص عليه انا عن نفسي اذا بتعير اركض الحمام واقفل الباب واسوي نفسي قاعده استفرغ واسحب السيفون وبلل شفايفي ماي واذا طلعت امسك راسي ههههههههههههه

و الله شطورة خوش طريقة نفس الافلام المصرية اه ألبي

موضوع حلو

والله انا ما عندي طريقه غير الدموع
بس عجبتني طريقتج ياليت اقدر اسويها

لووووووووووول

ديري بالج مع الوقت بيجكج وان سويتها بيقول قديماااا

انا عن نفسي اطتقر وبس.
اطنقر بكل شي حتن بالشسمه اصير جثه يقولب فيني لين يمل ويستسلم ويقول شنو يرضيج ؟؟

يالله ياراعيات الكيد نبي افكاركم

ديري بالج اذا انكشف اللعب رحتي فيهااااااا اعرف وحده اتسوي جذيه مره مرتين يخترع عليهااا لين عطاها طاف تابت
واذا صج اتعبت خلاها تولي ما قام يصدقهااااااااااا وانتي كيفج وبخصوص الدموع صحيح الرجال ما يحب الي ادموعهااااا على خدهااااا يحب الي دموعهاااا عزيزه

ماله داعي هالنفاق الله يهديج بس اختي!!!!
كلش ولا الصحه , ولا تنسين قول رسولنا الكريم : لا تتمارضوا فتمرضوا ، ولا تحفروا قبوركم فتموتوا!

بالنسبه لي زوجي إذا مسوي شي غلط يراضيني من نفسه

نشوف ردود البنات,..

لوووووووول خوش فكرة عجبتني شكلي بسويها

مو المشكله لما اطنقر يعصب و اخرتها انا الي اراضيه

ادري حبيبتي و انا ماحب اتمارض حتى عمري ما خذيت مرضيه وانا مافيني شي
عشان جذي احس بالذنب و ودي اعرف طرق ثانية

ماعرف اسوي ها الامور انجك على طوول
طيب وبعدين رحتي وعطاج الدكتور علاج بالغلط تاخذينه والا ابره وانتي مو محتاجتها
شلون هههههههههه
اخذي بندول نايت ونامي وخليه يناديج لين يقول بس لا تقعدين
اهني يخترع ولا اروح لطبيب سويها

انا احقره و زوجي ما يحب احد يحقره
يكلمني وما ارد عليه
فيعصب ويحط ويهه بويهي ميصرخ ويقول لا تحقريني خلاص يبى آسفين امشي نروح المطعم
يراضيني بصراخ الحمد الله والشكر
بس المهم انه يراضيني
ولا اتميرض ولا ادوخ ولا أسحب السيفون
أصلا انا ما اعرف امثل هالتمثيل وأسوي مسلسلات

لا ما اروح الطبيب بس جذي اقوله ودني الطبيب بس لما اشوفه اخترع اقوله خلاص انا بس بنام و آخذ بندول و ارتاح .
و فكرة النوم حلوه بعد يسلمو

والله ما اتجرأ احقره ما اضمن شلي بييني اهو عصبي ما اقدر بس طيب عشان جذي استخدم هالطرق

إذا طيب لا تستغلين طيبته وتمثلين عليه
حرام