سوالفنا بالدوام اليوم ( زوجج يقعدج من النوم عشان تطبخين له ؟)

السلام عليكم بنوتات ( مابي اكبركم )

بدخل بالموضوع على طول

اليوم وكعادة اغلب موظفات وزارات الكويت تبدأ من الساعه 9 الى 12 الجمعات والقهوة والحلو والحب والحش والسوالف

وسالفتنا اليوم عن اللي ازواجهم يردون الفجر ويقعدونهم عشان شنو ( يوعاااان قومي سويلي عشا ) بالله شنو هالعشا اللي هالحزه

الحبيب يرد الساعه3 يوعان والمره نايمه منهد حيلها من العيال والشغل والتدريس ولا بعد وراها دوام الصبح ويجي الحبيب مترهي ويزيد عليها

انزين ادخل حضرتك المطبخ وسولك صمونة واكلها مو لازم تعبي هالكرش من الحمسات والمقالي

المهم

معانا وحده تقول زوجي ما ياكل اذا شايلين له من العشا لا الحبيب يقول ما اكل شي بايت لازم اقعد واطبخله وانا تعبانه ومنهد حيلي وعيالي وايد

ولا الثانية تقول والله يقعدني الفجر عشان اسويله توست مع مرتديلا وجبن ( انزين ليش انت ما تسوي لنفسك لهدرجة العمليه صعبه عليك )

ادري طولت عليكن الموضوع بس اذا في وحده تعيش عالمعاناه تسدحها هني
واللي لقت حل خل تقول لنا عشان افيد البنات اللي وياي

ماجربت هالحاله ربي يبعدنا عنها

يماااااااااااي شلون لهم مزاج يقومون @@ الله يعينهم

انا ماجربت الموقف واصلا لو يقولي ماراح اقوم من الاخر عطيتج ياها ;d

احسن شي تشترون سخان اكل من الغانم وتسوين العشا مالكم واكله تشيلينه له بالسخان مايخرب وجنه توه مسوييينه وعطيه خبر انه اكله جاهز بالسخان بس يشيله ويحطه والله يعين امرنا لله شنسوي دام بطلنا بيوت نتحمل عيل ليش سموها مسؤليه
ع الجرح والله هههههههه يعطيج العافيه

ماكوو شغل لوول لا عادي اخشله غشا وساعات ياكلباجي الغدا وساعات يطلب وساعات يسويله خبز جبن

والله نفس معاناتي يقعدني من النوم عشان جاي ولا عشاء والشكو ئ لله اقووم هههههه
بس انا مو موضفه بس عندي جهال مجننيني ههههههه
ومشكلته مايحب المطااعم ولا يخدم روحه

ثااانكس ع هالموضووع والله حسبالي بس انا الي اقوم من النوم عشان عشاء

طليقي كان دوامه شفتات فمرات تحوشه بالويك اند وطبعا انا كنت المنبه تبعه لازم انا اقعده الدوام
فقلت امري لله اضبط ساعتي على حزة دوامه عشان اقعد واقعده
وكان يقولي سوي ريوق اقوله احمد ربك اني قومتك تبيني بعد اقوم اسويلك ريوق شنو بعد ويك اند اليوم الوحيد اللي انام فيه وهم حاسدني عليه
فقتله لا بس ها مو تزعل يعني ترا شوفت عينك قالي اوكي
واثاريه كان خاشها لي فكلما صارت مشكله يطلع هالسالفه
لحد ما افتكيت منه
مادري عباله مكينه جدامه فيني دقمه اون اشتغل واوف يطفيني بكيفه

والله ماصارت معي ،،
ولو صارت ،، بقوله ( نام خفيف احسن لك )
لأنها مو حزة طبخ ،
ميخالف اقوم الصبح اسويله ريوقه قبل يروح الدوام من عيوني !
اسوي غداه وعشاه ، يستاهل الغالي !
اما اقوم الفجر من عز نومي عشان الاخ بطران وسهران وجاي يتبقط على راسي ،
عسى ماشر ؟

الحمدالله زوجي مو من هالنوعيه اذا رد متأخر ولقاني نايمه يحشيله توسته ولا صمون يعني مدبر نفسه ,,
بس مشكله اللي زوجها هالنوووعيه يقعد ولابعد بطيني ههههههههه مافي الا تسويله عشااا مبجر وتحطه بالسخان ومتى ماشرف يطلع العشااا من السخان وياكل ,, لا خوفج يقعدها مو بس عشان اطلع العشاااا من السخان لاااا يبيها توكله او تقعد معاه تسولف ههههههههههه
انا مرات يفصل علي يقعدني مو عشان اطبخله لا يبي احد عنده يوونسه ههههههههههه

. اقوم اسويله والله ,,
عادي بعد يوعان بعد عمري مو صعبه لو اسويله شي خو مارح تفرق 10 دقايق اقعد فيها :>.

ماصارت معاي
بس حتى بالوقت العادي ان ياع ما يعرف يسويله حتى توست و جبن لازم انا

لا بنات اللي غثني صج وحده تقول برمضان اسوي فطور اشكال والوان ويزيد وايد احطه له بالسحور يقعد يهاوش يايبتلي اكل قديم وتقول اقوم واطبخ من جديد ( استغفر الله من جذي ما ينزل مطر )

الحمدلله مااااااااااامرت علي هاحااله فدييييييييييييييييييييييييييييت قلبه مايحب يزعجني وانا نايمه..

وعليكم السلام ورحمة الله وبركاته
لا الحمدالله فديته مايقعدني اذا كنت نايمه
بس الله يعين اللي ريلها مايبي ع قولته اكل قديم استغفرالله

يقلب ويهه زين يقعدني من النوم عشان يبلع