الزواج اختيار وليس قسمة ونصيب والاستخارة الحالية خطأ

السلام عليكم بنات

أول شي تقبل الله اعمالكم في هذه الأيام الفضيلة

وعيدكم مبارك وعساكم من عواده

اول شي بس تذكير قبل لا ندشموضوعنا عشان الردود ما تصيرمو حلوه

نبدي بسم الله الرحمنالرحيم

قال تعالى في كتابه الكريم

(وَمِنْ آَيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآَيَاتٍ لِقَوْمٍ يَتَفَكَّرُونَ) [الروم: 21]

الزواج سنة الحياة بها تكتمل الحياة البشرية وتستمر ضمن علاقة سليمة صحية تفرغ فيها المشاعر والأحاسيس والغرائز ضمن إيطار حدده الإسلام

لضمان حقوق الزوجين وسعادتهم ولتستمر الحياة بشكل سليم

ولأن هذا الزواج ميثاق غليظ ويترتب عليه بناء أسرة فلازم تكون معايير اختيار الزوج

او الزوجة مبينه على أسس قويه

وإلا انهدم اطار الزوجية وتبعثر كل ما كان في داخله وترتبت عليه مشاكل أسرية واجتماعية

فلذلك لابد من توضيح هذه الأسس

لكن في ملاحظه ابدي فيها قبل لا أتكلم عن هذه الأسس

أنا لاحظت شغله في المنتدى أنه من تقول وحده تبي تتزوج

دائما يقولوها استخيري الله

ودائما يقولون الزواج قسمه ونصيب

وهذامفاهيم خاطئة كبيره تقع فيه الفتيات والشباب

الزواج عند اختيار الشخص لزوجه وشريك حياته

وليست قرعه يا تصيب يا تخيب

وايضا

وليست الاستخارة خاطئه لأنها هي السبب

لكن طريقة تطبيقها وكيفية الاعتماد عليها خاطئة

ليش أنا أقول هالكلام

تعالي نتكلم بالعقل والمنطق والاسلام

أولا

الله سبحانه وتعالى خلق الأنسان مميز عن كل خلقه بالعقل

وعطاه حرية الاختيار

اما ان يمشي بالطريق الصحيح وله في النهاية الجنه

أو يمشي بالطرق الخاطئ وله في النهاية النار

الدليل قوله تعالى في الآية الكريمه

لَا إِكْرَاهَ فِي الدِّينِ قَدْ تَبَيَّنَ الرُّشْدُ مِنَ الْغَيِّ فَمَنْيَكْفُرْ بِالطَّاغُوتِ وَيُؤْمِنْ بِاللَّهِ فَقَدِ اسْتَمْسَكَ بِالْعُرْوَةِالْوُثْقَى لَا انْفِصَامَ لَهَا وَاللَّهُ سَمِيعٌ عَلِيمٌ

(البقرة :256)

الاستخارة لا تعني الاستغناء عن العقل او المنطق

(وراح اتكلم عن الاستخاره بعد اشوي )

يعني اذا يالي انسان اعرف انه يشرب خمر او انسان سمعته سيئة ما أقول أروح استخير الله

لأن العقل يقول هذا انسان سيئ راح يتعبني في حياتي فاصلا الاستخاره مبينه من الأساس على الخطأ

فنتيجتها راح تكون شي طبيعي خطأ

وأذا اخترت هذا الانسان من بعد ما عرفت عنه الصفات السيئة فلا تلقولين نصيبي انتي كنتي تعرفين هالشي فيه

وهم خذيته فتحملي اختيارج

اشكثر بنات يحبون قبل الزواج ويصروون على شخص معين ويعارضون أهلهم

الي ساعات يكون اعرتاضهم على أسباب معقوله لكن البنت تصر على هذا الشخص

بعدين عقب الزواج تقول اخخخخخ هذا نصيبي لا حبيتي أنتي أهلج نبوهج الناس الي حوالينج نبهوج بس انتي اخترتي انج ما تسمعين كلامهم وتبعتي قلبج من غير ما تستخدمين عقلج فتحملي اختيارج

توجد آية قرآنيه للأسف ماني متذكرتها بس تتكلم عن هذه الحالة

أن الأنسان اذا الله عطاه الخير قال من تعبه وعمله

واذا مسه الشر يقول هذا بلاء من الله

أنتي شفتيه أنتي عرفتي شنو فيه أنتي خذيتيه

اذا هذا اختيار منج وليش نصيب

النصيب مثل الحمل محد يعرف الله شكثرالله راح يرزقه من عيال

او انه راح تييب صبيان او بنات هذا القسمة والنصيب

ثانيا

الاستخارة تعني أني فوضت أمري لله وأستشرته في أمر أنا عزمت على فعله

وليس في أمرين أنا احترت فيهم

يعني أنج اذا احترتي في شيئين أو شيء معين

تختارين فعل معين وتضمرين النيه لهذا العمل ثم تستخرين الله

والاستخارة لها شروط تختلف قليلا بين المذهب السني والشيعي

حيث ان المذهب السني يصلي الشخص ركعتين يستخير فيهم الخالق على فعل معين

اما في المذهب الشيعي في استخارات كثيره مروية عن أهل البيت منها استخارة الصلاة و الاستخاره بالسبحه لكن أعتقد أشهرها الاستخارة بالقرآن الكريم وتم أخذها من الأمام علي بن أبي طالب عليه السلام

( اذا حابة تعرفين أكثر اطلعي على مقدمة الاستخارة المجربة من مكتبة الألفين)

وأخترت لكم هذا الموقع الي يتكلم عنها بالنسبة لأخوانا من المذهب السني وأيضا خواتي من المذهب الشيعي يستفيدون منه لأن يتكلم عن نفس الأشياء الي لابد من عملها قبل الاستخارة

https://arb3.maktoob.com/vb/arb202739/

في الموقع خلاصة كتاب

سرّ النجاح ومفتاح الخير والبركة والفلاح

للشيخ د . محمد بن عبدالعزيز المسند

والخص لكم الآتي منه :

1- الاستخاره فيها 5 مراحل هاجس ذكروا فـ (خاطر)، فـ (حديث النفس) فاستمعا

بعد ما تعزمين على هذه الخطوه اهني تستخرين الله

2- صلاة الاستخارة لأخوانا السنه ليست صلاة خاصة بروحها

أي ركعتين تصلينهم كتحية المسجد او غيرها غير الصلوات الأساسية تجزي

3- انشراح الصدر للفعل بعد الاستخارة، ماكو دليل عليه واصلا شي مو منطقي لأن الانسان يمكن يكون بحاله نفسية معينه متوتر من شي ثاني او مريض فيحس نفسه ضايق خلقه وهذا نهائي ماله شغل

يعني تخيلي انسان خلقه زين وعايلته زينه ومعروفين بالهدوء والرزانه أرفضه عشان والله أنا حاسة انه مو زين ماكو شي اسمه احساس بهالأمور في عقل في اختيار

4- أيضا مو شرط تشوفين رؤيا او حلم لأن أيضا ماله دليل

بالنسبة للمذهب الشيعي في زيادة قليله على ما سلف ( من كتاب الاستخارة المجربة مكتبة اللألفين)

1- هناك أوقات معينه يفضل فيها الاستخارة

2- هنالك آداب معينة أهمها أن لا يبني على مخالفة الخيرة

3- هناك أدعية معينه للاستخارة

اذا في كل الأحوال

الاستخاره تكون بضمر النيه لعمل معين وليس لأمور محتاره فيها

وتأتي بعد تفكير متأني واختيار للقرار المراد الاستخاره فيه

ثالثا

البنت مثل ما نقول جسر

يمرون عليها خطاطيب واايد في حياتها صح؟؟

لكن من كل الي ايوها تزوجت وااحد ليش؟؟

لأنها ايهي اختارته وايهو اختارها

وهذا ماصار صدفة والدليل انه من أهم شروط الزواج

القبول من قبل الطرفين

الدليل يا بنات ان الرسول صلى الله عليه وآله له حديث

حَدَّثَنَا عَبْدُ اللَّهِ بْنُ سَعِيدٍ حَدَّثَنَا الْحَارِثُ بْنُ عِمْرَانَالْجَعْفَرِيُّ عَنْ هِشَامِ بْنِ عُرْوَةَ عَنْ أَبِيهِ عَنْ عَائِشَةَ قَالَتْقَالَ رَسُولُ اللَّهِ صَلَّى اللَّهُ عَلَيْهِ وَآله وسَلَّمَ تَخَيَّرُوالِنُطَفِكُمْ وَانْكِحُوا الْأَكْفَاءَ وَأَنْكِحُوا إِلَيْهِمْ

(العلامة الألباني، رحمه الله، صحح الحديث)

الحين اتكلم عن شروط اختيار الزوج والزوجه

الرسول صلى الله عليه وآله قالنا شنو شروط الزوجه الزينه في حديث له

عَنِ أَبي هُريرة رضيَ اللَّهُ تَعَالَى عَنْهُ عَنِ النبيِّ صَلّى الله عَلَيْهِ وَآله وسَلّم قال: " تُنْكحُ الْمَرْأَةُ لأرْبَعٍ: لمالها ولِحَسَبها ولِجَمَالها وَلدينها: فَاظْفَرْ بذاتِ الدِّينِ تَربَتْ يَدَاكَ " مُتّفَقٌ عَلَيْهِ

يعني أهم معيار الدين لأمن هذا ما يعني أنه ياخذ وحده مو متقبل شكلها

في شباب لأسف يبالغون يا أنه ياخذ وحده جميله حييل صاروخ مثل ما نقول لمن أعوذ بالله سيئة السمعه

أو انه ياخذ وحده قمة التدين بس استغفر الله ما يقدر حتى يعاشرها هذا ظلم للبنت وظلم لنفسه ولعياله ولأسف عشان جذي بيوت واايد او حريم وايد يتشكون من جفاء الأزواج لأن مو داشه خاطره

انزين ليش جذي تسوي؟؟

أمسك العصا من النص

الشكل مهم ترى لازم الزوجين متقبلين شكل بعض بس موو يكون الحكم فقط على الشكل

يعني ايهو ايي يشوف البنت والله البنت انا متقبل شكلها والبنت كذللك

الحين اييون يدرسون اخلاق بعض ويقررورون

الحين السؤال اشلون تعرف أن البنت او الولد ذو دين؟؟

وهذا المهم

هل اعرفه لأن والله يروح يصلي كل يمعه بالمسيد؟؟

والله ما يترك فرض ؟؟؟ كله يتصدق؟؟ ملتحي ؟؟ دشداشته قصيرة؟؟؟

لاااااااااااااااااااااااااااااااااااااااااااا

هذا كله شي بينه وبين ربه وماراح تعرفينه أصلا قبل الزواج يما ناس قالولهم جذي بعدين طلع حتى ما يصلي

اذا اشلون تعرفين؟؟

بنات الأنسان الدين هو الخلوق

أخلاقه ثم أخلاقه ثم أخلاقه

لأن الانسان الي يصلي ويتعبد الله فعلا تنعكس عبادته على روحه و اخلاقه الطيبة

اشلون يصلي وايهو يخربط معا بنات شفايده صلاته؟؟

شنو المره بتسوي بصلاة هذا الانسان؟؟ ولا شي هذا لله

بس لما يخونها راح ياذيها جسديا ونفسيا

اذا صلاته ما سوت لها شي

لكن أخلاقه الي نبعت من دينه راح تخلي يبتعد عن الحرام فيحفظ دينه وزوجته

ثاني شي

قال رسول الله صلى الله عليه وآله: أقلهن مهورا أكثرهن بركه

وهذا شي لو أتكلم عنه يعني شي يضيق الخلق

الحين صار العكس كل مازاد مهرها يعني ايهي زادت عزوتها والشباب انكسر ظهرهم لنا ما يلحق على الطلبات

يعني

بنات للأسف قبل الزواج

البنت بس تحاتي

بدلة العرس المكياج ليلة الدخلة منو أعزم بالعرس استقبالي شنو أجهز

وناسيه هالأمور الي فوق

وبعدين عقب الزواج لما تطيح الأقنعه وتبدي الحياة الصجية بين الزوجين وتبدي الاختلافات

توها تفكر انه هذا الانسان ما يصلح لي

ووينج قبل الزواج شنو كنتو تسووون؟؟؟

بس اهتميتو في الماديات

وهم بعد

الي قاعدين انتي وأهلج تتشرطين عليه وقطيتي عليه كل هالديون ؟؟

منو بعيش وياه مثلا؟؟

المعازيم الي عزمتيهم الي كلو وشربو وامسحو بايدهم بالطوفه وماقلو حتى شكرا

أمج وابوج الي كسرو ظهر الريال بشروطهم؟؟

منو بصير عليه قاصر في بيته؟؟

مو انتي

ليش كل هذا الديون على ضهره وعشان شنو

هل هالنفونف الأبيض الي قيمته بالآلف راح ايبلج السعاده؟؟

هل راح يخليج المهر الكبير يحبج؟؟

هل كل هالخلاجين اذا احتجتي شي وبعتيهم راح ايبونج شي؟؟

هل اصلا راح يظلون معاج على طول؟؟

بنات

السيده خديجة عليها السلام تدرون شنو كان مهمرها؟؟

اصلا ايهي الي دفعت المهر

https://webcache.googleuser*******.com/search?q=cache

M21A7XbEHwJ:www.alshirazi.com/compilations/history/omahat_almasomin/4.htm+%D9%85%D9%87%D8%B1+%D8%A7%D9%84%D8%B3%D9%8A% D8%AF%D9%87+%D8%AE%D8%AF%D9%8A%D8%AC%D9%87+%D8%B9% D9%84%D9%8A%D9%87+%D8%A7%D9%84%D8%B3%D9%84%D8%A7%D 9%85&cd=1&hl=ar&ct=clnk&gl=kw

السيده عائشه رضي الله عنها تدرون شنو كان مهرها؟؟

اثنتي عشرة أوقية ونشا, (خمسمائة درهم)

https://www.rasoulallah.net/v2/********.aspx?lang=ar&doc=1462

السيده فاطمة الزهراء البتول عليها السلام وايهي سيدة نساء العالمين تدرون شنو مهرها؟؟

https://webcache.googleuser*******.com/search?q=cache:-LpUg7aJtCgJ:www.alkadhum.org/other/mktba/sira/zahra/2.htm+%D9%85%D9%87%D8%B1+%D9%81%D8%A7%D8%B7%D8%A9+ %D8%A7%D9%84%D8%B2%D9%87%D8%B1%D8%A7%D8%A1+%D8%B9% D9%84%D9%8A%D9%87%D8%A7+%D8%A7%D9%84%D8%B3%D9%84%D 8%A7%D9%85&cd=9&hl=ar&ct=clnk&gl=kw

كان درع الامام علي عليه السلام

هذولا أحسن منهم انتي

هذولا في الجنان محد يقدر يطولهم

شفتي شنو مهرهم

شفتو اصلا منو ازواجهم؟؟ شفتو سيرتهم ؟؟

اذا ليش كل هالطلبات واصلا هذي مادري منو الي حطها أساس وعرف في ديرتنا

أساسها الغيرة والطمع ودايما اشوف شنو بيد غيري

وانا ما ابي احد يصير أحسن مني

بنات

قعدو مع الشاب كلميه شوفيه شنو ايهو شنو تفكيره شنو أهله

تقجرين تعيشين وياه او لا

يناسب تفكيرج

أهله وأهلج ماسبين

لا تنسين هذولا بصيرون يدود وعمام عيالج

هذي أهمية الخطبة

لا تمثلون على بعض عشان بس تتزوجون

لا تتساهلين بهذه الأشياء عشان لا يقولون عنج عانس

شوفو المشكال ليش يت

من سوء الأختيار

بعجين يقولون قسمه ونصيب

لأ هذا فعل ايدكم واختياركم

يالج الزين ويالج الشين قلتي حق هذا أي وذاك لأ

اذا الخلاصه الأسس الي تبني عليها الزواج

1- الأخلاق والدين

2- القناعه

3- توافق الأسري والفكري

4- قبول الشكل من الطرفين

5- ساعات في ظروف خاصة تحدد أن يكون في شروط معينه أخرى

6- قرري شنو تبين وعزمي الخطوه الي تبينها الرفض او القبول

بعدين استخري رب العالمين

أرجو اني فدتكم

أرحب بناقشكم معي انشالله بس بنات تذكري الرد يكون من القول الجميل

نسالأكم الدعاء J