|
|
مدري شقولكم بس ببتدي من دون مقدمات واحس نفسي مسبهه على مصدومه على مدري كيف
انا زوجي من النوع الي من يشوفني نايمه ينقص علي نومه الله ينقص عليه يارب
ومن يسمع اني بنام خلاص يبتدي الهواش وليسش تنامين وانتي ام النوم ومن عرفتج نوم وماتشبعين وانا والله جايه من الدوام موواصله من العصر ويوم قلت بنام العصر يوم ثاني تهاوشنا
المهم ماعلينا
امس وانا بجي من الدوام رسلت له هذا النص بالتفصيل (رجاء اذا جيت من الدوام وشفتني نايمه لاتجلسني لاني كرهتني بالزواج والسبب هالشي)وبس
احس المسج عادي يعني ابي يحس اني مو مرتاحه وياه والسبب هالشي
وشفته مارد علي ولا شي ورجع دق علي يبي يسالني عن بنتي الا قلت شفت المسح قال اي لجيت لي تفاهم وياج عادي ماهتميت قلت كلام عادي
وجا وشافني نايمه وماكلمني يوم جلسنا قلت له قال روحي اقري جوالي الرساله الي فيه تعوذت من بليس وكبرت عقلي
الا رحت جبت جواله وقريت كاتب لي (اذا كرهتي الزواج عشان النوم روحي يا ام النوم انتي طالق ).gif "Eh S(1)")
تخيلو بنات بيرسلها بس طلع الجوال مافي رصيد يعني لو في رصييييييييد وصلتني الرساله
احس اني مصدومه على قاهرني على كل شي مع اني ماحبه بس متحملته مو عشان بنتي لا والله عشان اهلي صابره عليه ولا ماينصبر عليه ابد ابد لانه مايصلي وكل يوم هواش
بس فالح بالمصروف والطلعات بس شتفيد اذا هو مايصلي وراعي مشاكل
بس حبيت افضفض لكم
يا حبيبتي تحتاجون نفهمون بعض
حاولي تسولفين معاه بهدوووووء و قولي له شوف الله يحبنا وما يبي نفترق من سبب صغير
الله يهدي سركم ويهديه يارب
الزمن صار يخرع
ما اقول الا الله يهديكم بعد انتي عدلي نومج ولاتنامين العصر واذا بتنامين سحبيه معاج ونوميه وتبين الصج مسجج مو عادي
بيطلقج عشان هالمسج ؟؟؟
موصاحي وافتكي منه دام انج ماتبين الطلاق تحاشيه وخليه يولي لا طلع نامي ع كييفج
لين يكبر والله يهديه
الزمن صار يخرع
ما اقول الا الله يهديكم بعد انتي عدلي نومج ولاتنامين العصر واذا بتنامين سحبيه معاج ونوميه وتبين الصج مسجج مو عادي
ترا عندج وعندي خير انا طول اليوم مواصله مع بناتي الله يحفظهم وحداا تقوم وحدااا تنام وما عندي شغاله تخيلي زين اذا نمت 3 ساعات على بعض وربي قولي انتي خياس نووم وانتي وانتي بس ما اقول الا حسبي الله ونعم الوكيل
الله يهديه يا رب
( الغالي ………. النوم سلطان و انا ابي انا م عشان يصير عندي قوه و اعتني فيك و اهتم فيك و لوما ان النوم مهم جان ربي ما رفع الصلاه عن النايم لما يصحي )
واذا تسميني ام النوم انا اعجبتني منك رح اسميك يا بو دم خفيف و ياليت يسمح وقتك و نتفاهم و تعلمني شنو اقدر اسوي عشان نومي ما يضايقك لانك غالي علي اكثر من النوم
===============================================
يعني اذا صار المسجات وسيله التفاهم خليها تكون محضر خير
ترا الحين الطلاق بالمسج قاموا ياخذون فيه ؟
تاكدي منه هل طلقج ولا لحظه غضب وهو معصب ؟
بعدين ماله داعى اسلوبج وكلام المسج علقتى حياتج كلها بسالفه النوم ؟ ! راح يحس ان الموضوع سخيف انج كارهه الزواج بسبه النوم وبيقول طلقتها بسبب النوم لو مناقشته ومتفاهمه وياه على هالسوالف ومعطيته امور تضايقج وموضحتها له يمكن افضل لان الرجال مومثلنا لازم تقوليله مباشرة الشي اللى تبينه منه
والله يعينج ويصبرج
مدري ليش الرجال يعصب لي شاف مرتة نايمة معنى اذا نامو مايبون ازعاج
شلون تقولين كرهت الزواج بعبارة صريحة له وتقولين عادي
الكلمة حيل قوية
اللي ينفهم من المسج انج موحابة تقعدين معاه وكرهتيه وكرهتي علاقتكم فشي طبيعي تكون ردة فعله اللي مايبيني أنا ما ابيه
هي شغلة تافهه ولو انج قايلتها بأسلوب احسن كان فهم وما تسببتي على عمرج بمشكله جديدة