بسم اللــــــــــــه الرحمن الرحيم
الحمدلله والصلاة والسلام على رسول الله
لااله الا الله وحده لاشريك له له الملك وله الحمد وهو على كل شيء قدير
يعلم الله وحده اني وضعت هذا الموضوع بين ايديكم اكتبه بخط يدي من واقع تجربتي ابتغي به وجه الله وحده وكل وحده تدخل تدعي لي بهاليوم الفضيل بالتوفيق والزوج الصالح بظهر الغيب جزاكم الله خير…….
امابعد….
من سنوات وانا اعاني من الحساسيه عند تقلب الجو
غبار او مطر فان صدري يمتلا فجاه بالبلغم والحمدلله اعاني بس من كيفية اخراج البلغم
لاتقولين بخاخ دواء
اكثر من نوع
اعشاب
تقريبا يوم وترك اذا مو يوميا
لكن البلغم ياجبل لايهزك ريح ؟؟
اتقولين ايعاندني واكيد اللي فيها اتعرف معاناتي او اللي عندها اعيالها فيهم
عاد المهم
هالكلام انا وياه من سنوات…ماتغير والبلغم مايطلع لين ياانه ايهد حيلج بالكحه او اتذوبينه بالادويه اللي سموم تدخل الجسم اكثرها واتزيد البلوه
ليما سمعت وحده قالت انها تقرا سورة الشرح لما ايصير لها نفس الحاله
عاد انا قلت اشخسرانه واقعدلها بعد الصلاة وانفث بايدي وماامداني احطها على صدري الا احس البلغم ابينقز من حلجي
وترا انا دايما اقرا قران وانفث والحمدلله والمعوذات بس والله ان سورة الشرح عجيــــــبه اشويه عليها
صدق الله العظيم"وننزل من القران ماهو شفاء ورحمة للمؤمنين" والنتيجه بعد ماعالجت فيها صدري نظف وصوتي صفا
وحسيت بعد مده ان الحاله هذي ماقامت اتعاودني من قبل لاني صرت اول وباول اقرا الشرح وانفث وامسح على صدري
ويارب كل من يقرا موضوعي ينشره وينفع فيه نفسه والمسلمين
وهذي تجربتي الشخصيه ولاتنسوني من دعاءكم بالغيب
جزاكِ الله خيرا حبيبتي على كتابة تجربتك وربي يسعدك 
الحمد لله على سلامتك
وجزاك الله خير
وجزاج الله الف خير
وجعله الله في ميزان حسناتج