|
|
بنات هذي م مشكلتي مشكلة وحدة من اهلي بنقلها لكم مثل ما سمعتها منها وطبعا استأذنها اني احطها اهني وبعدين اعطيها الرد
السالفة ومافيها
ان اهي وزوجها من يوم عرسهم كانوا طالعين ايجار يعني عايشين بروحهم الامور كلها طيبه والدنيا بخير << على قولت ابراهيم اللي مع طارق العلي
بس بعد 10 سنوات زواج .. توفت ام زجها و صار البيت فاضي مافيه إلا ابو الزوج .. طلب من ولده انه يهدالشقة الايجار ويوفر فليساته ويجي يسكن في بيت أبوه خصوصا ان الاخوان الباقين طالعه لهم بيوت..
عاد تعرفون من عقب 10 سنوات شقة بروحج ولا احد يناشبج ومستانسة ومكيفة ..
تقول:
صار الشايب يناشبها بالدخله والطلعه ويتحكم .. ليش متأخره وماكو طلعه قعب التسع ويقفل الباب بعد التسع وانتوا تعرفون .. الوحده على ما ادرس عيالها وتنومهم صارت 8 عاد يا توجب يا تروح عرس.. يعني مو كل يوم بس يصادفها جم مره بالشهر ..
و الزوج يقول شنو تبيني اسوي هذا ابوي
و مو بس جذي جنن الخدامات لين نحشهم .. اضطرت تاخذ اجازه بدون راتب لأن عندها عيال صغار..
قال لولده تسحب السياره من زوجتك ماعندي حريم بالبيت يسوقون << ابو ريلها ريال كبير وشوي قلج
تقول زعت وبجيت ولا آكو فايده وانسحبت السياره
طلع قرار لازم انتي اللي تطبخين وتنفخين.. قالت
لالالالالالالااااااااااااااااااا
استوووووووووووووووووووووووب
لي اهني وكافي هالشيبه لعوزني
واللحين اهي في بيت اهلها عقب 12 سنه زواج << اهم تموا سنتين في بيت الشايب …
محتاره تطلب الطلاق او لا … و صارها جم شهر ماتكلم ريلها بس ايي ياخذ عياله كل يوم ومرات يرحون عنده البيت و على طول يدق على العيال بس اهي كلش ماسأل عنها …
شرايكم … ترفع قضية طلاق او لا؟؟
لأنها تدري ان ابو زوجها قال لزوجها اسكت عنها الحريم اكشت فيهم ويلحقونك وطبعا الزوج طبق نصيحة الوالد ….
المايك لكم
؛
واااي هالشايب يكسر الخاطر و يضحك بنفس الوقت
يا حلوهم الشياب دايماً يصممون على رايهم و يعتقدون انهم صح و الناس غلط
زوجها غلطان و مو غلطان بنفس الوقت
مو غلطان : لانه يبي يرضي ابوه بأي طريقه ( رضا الله من رضا الوالدين )
غلطان : لانه ما حاول يعدل بين الطرفين ، يعني كل همه يرضي ابوه ، و نسا زوجته
+ انه قطها و ما سأل فيها كلش = باعها
السالفه ما توصل للطلاق
بس مثل ماهو كاشت فيها خل تكشت فيه
لكن .. اذا حاول يراضيها : تتفاهم معاه و تطلع اللي بقلبها و تحط شروط
الله يعينها
؛
؛
بس لا تطلب الطلاق مثل ما قالوا البنات خل تطنش ريلها بعدين راح يتحسف ويراضيها
انزين ريلها اشذنبه؟
يعني شنو تبي ريلها يسوي؟؟ يقط ابوه بدار العجزه مثلا ولا يهدده؟؟
اهي الله يهديها تدري ان الشايب تفكيره تفكير رياييل قبل ولو هي تحب ريلها جان قامت تجاري الشايب
و تسولف معاه اشويه وتعطيه ريج حلو ترى والله الشياب قلوبهم طيبه بس راسهم يابس يبيلهم طولة بال
اشوي اشوي والله راح يطخ ويصير لها عون على ولده اذا ريلها اذاها ههههههههههه
راح يلهي بمرته ويفج عنهااااا
وهالشايب الله يهديه
ريلها خل يصير شوي اقوى من جذي << يعني شوي يحاول يرقعلها اذا طلعت وجذي ,, وسالفت السياره يقوله انا ما اقدر اوديها واييبها
ريلها الصراحه وايد سلبي ,, صج انه ابوه وريال عود بس مو يعني كللل شي يقوله يسويه خل يكلم ابوه ويفهمه
|
المشاركة الأصلية كتبت بواسطة ســتارز
 اتزوج عمها وتطلع اهي بشقة مع زوجها وعيالها ولا منة الشايب
|
هههههه اي والله ختزوج هالشايب احسن بعد 